% Text title            : Balikritam 1 Shri Krishna Stotram
% File name             : balikRRitaM1shrIkRRiShNastotram.itx
% Category              : vishhnu, vishnu, krishna, brahmavaivartapurANa, stotra
% Location              : doc\_vishhnu
% Proofread by          : PSA Easwaran
% Description/comments  : brahmavaivartapurANa | shrIkRRiShNajanma, uttarabhAga | adhyAya 119/23-46||
% Latest update         : March 29, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Balikritam 1 Shri Krishna Stotram ..}##
\itxtitle{.. balikR^itaM 1 shrIkR^iShNastotram ..}##\endtitles ##
baliruvAcha |
adityAH prArthanenaiva mAturdevyA vratena cha |
purA vAmanarUpeNa tvayA.ahaM va~nchitaH prabho || 23||
sampadrUpA mahAlakShmIrdattA bhaktAya bhaktitaH |
shakrAya matto bhaktAya bhrAtre puNyavate dhruvam || 24||
adhunA mama putro.ayaM bANaH sha~Nkaraki~NkaraH |
ArAchcha rakShitaH so.api tenaiva bhaktabandhunA || 25||
paripuShTashcha pArvatyA yathA mAtrA sutastathA |
gR^ihItavAMshcha tatkanyAM balena yuvatIM satIm || 26||
samudyatashcha taM hantuM kArtikenApi vAritaH |
Agato.asi punarhantuM pautrasya damane kShamaH || 27||
sarvAtmanashcha sarvatra samabhAvaH shrutau shrutaH |
karoShi jagatAM nAtha kathamevaM vyatikramaH || 28||
tvayA cha nihato yo hi tasya ko rakShitA bhuvi |
sudarshanasya tejo hi sUryakoTinibhaM param || 29||
keShAM surANAmastreNa tadeva cha nivAritam |
yathA sudarshanaM chaivamastrANAM pravaraM varam || 30||
tathA bhavAMshcha devAnAM sarveShAmIshvaraH paraH |
yathA bhavAMstathA kR^iShNo vidhAtA vedhasAmapi || 31||
viShNuH sattvaguNAdhAraH shivaH sattvAshrayastathA |
svayaM vidhAtA rajasaH sR^iShTikartA pitAmahaH || 32||
kAlAgnirudro bhagavAnvishvasaMhArakArakaH |
tamasashchAshrayaH so.api rudrANAM pravaro mahAn || 33||
sa eva sha~NkarAMshashchApyanye rudrAshcha tatkalAH |
bhavAMshcha nirguNasteShAM prakR^iteshcha parastathA || 34||
sarveShAM paramAtmA vai prANA viShNusvarUpiNaH |
mAnasaM cha svayaM brahmA svayaM j~nAnAtmakaH shivaH || 35||
pravarA sarvashaktInAM buddhiH prakR^itirIshvarI |
svAtmanaH pratibimbaste jIvaH sarveShu dehiShu || 36||
jIvaH svakarmaNAM bhogI svayaM sAkShI bhavAMstathA |
sarve yAnti tvayi gate naradeve yathA.anugAH || 37||
sadyaH patati dehashcha shavo.aspR^ishyastvayA vinA |
buddhAH santo na jAnanti va~nchitAstava mAyayA || 38||
tvAM bhajantyeva ye santo mAyAmetAM taranti te |
triguNA prakR^itirdurgA vaiShNavI cha sanAtanI || 39||
parA nArAyaNIshAnI tava mAyA duratyayA |
tvadaMshAH prativishveShu brahmaviShNushivAtmakAH || 40||
sarveShAmapi vishveShAmAshrayo yo mahAnvirAT |
sa shete cha jale yogAdvishvesho gokule yathA || 41||
sa eva vAsurbhagavAMstasya devo bhavAnparaH |
vAsudeva iti khyAtaH purAvidbhiH prakIrtitaH || 42||
tvameva kalayA sUryastvameva kalayA shashI |
kalayA cha hutAshashcha kalayA pavanaH svayam || 43||
kalayA varuNashchaiva kuberashcha yamastathA |
kalayA tvaM mahendrashcha kalayA dharma eva cha || 44||
tvameva kalayA sheSha IshAno naiR^itistathA |
munayo manavashchaiva grahAshcha phaladAyakaH || 45||
kalAkalAyAshchAMshena sarve jIvAshcharAcharAH |
tvaM brahma paramaM jyotirdhyAyante yoginaH sadA || 46||
taM tvAdriyante bhaktAste dhyAyante ya tadantare |
navInanIradashyAmaM pItakausheyavAsasam || 47||
IShaddhAsyaprasannAsyaM bhakteshaM bhaktavatsalam |
chandanokShitasarvA~NgaM dvibhujaM muralIdharam || 48||
mayUrapichChachUDaM cha mAlatImAlyabhUShitam |
amUlyaratnanirmANakeyUravalayAvintam || 49||
maNikuNDalayugmena gaNDasthalavirAjitam |
ratnasArA~NgalIyaM cha kvaNanma~njIrara~njitam || 50||
koTikandarpalIlAbhaM sharatkamalalochanam |
sharatpUrNaindunindAsyaM chandrakoTisamaprabham || 51||
vIkShitaM sasmitAbhishcha gopInAM koTikoTibhiH |
vayasyaiH pArShadairgopaiH sevitaM shvetachAmaraiH || 52||
gopabAlakaveShaM cha rAdhAvakShaHsthalasthitam |
dhyAnAsAdhyaM durArAdhyaM brahmeshasheShavanditam || 53||
siddhendraishcha munIndraishcha yogIndraiH praNataM stutam |
vedAnirvachanIyaM cha paraM svechChAmayaM vibhum || 54||
sthUlasthUlatamaM rUpaM sUkShmAtsUkShmatamaM param |
satyaM nityaM prashastaM cha prakR^iteH paramIshvaram || 55||
nirliptaM cha nirIhaM cha bhagavantaM sanAtanam |

iti shrIbrahmavaivartapurANe shrIkR^iShNajanmakhaNDe uttare
ekonaviMshAdhikashAtatamAdhyAyAntargataM balikR^itaM
shrIkR^iShNastotraM samAptam |

brahmavaivartapurANa | shrIkR^iShNajanma, uttarabhAga | adhyAya 119/23\-46||
##
brahmavaivartapurANa . shrIkRRiShNajanma, uttarabhAga . adhyAya 119/23-46..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}