% Text title            : bhArgavakavacham
% File name             : bhArgavakavacham.itx
% Category              : kavacha, vishhnu, vishnu\_misc, vishnu
% Location              : doc\_vishhnu
% Transliterated by     : Sivakumar Thyagarajan shivakumar24 at gmail.com
% Proofread by          : Sivakumar Thyagarajan shivakumar24 at gmail.com, NA
% Description-comments  : From @@Bhagvan Parashuram@@ by Dr. Viracharya Shastri
% Latest update         : July 21, 2014
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri BhArgavakavacham ..}##
\itxtitle{.. shrIbhArgavakavacham ..}##\endtitles ##

gambhIro mAhAtmyAtprashamashuchiratyantasujanaH
prasannaH puNyAnAM prachaya iva sarvasya sukhadaH |
prabhutvasyotkarShAtpariNati vishuddheshcha tapasA \- 
masau dR^iShTaH sattvaM prabalayati pApaM cha nudati || 
          || shrI gaNeshAya namaH ||
shrI nArAyaNa uvAcha |
kailAsashikhare ramye sha~NkaraM lokasha~Nkaram |
kaivalyacharaNaM gaurI paprachCha hitamadbhutam || 1||
pArvatyuvAcha |
devadeva mahAdeva devesha vR^iShabhadhvaja |
tvattaH shrutAnyasheShANi jAmadagnyasya sAmpratam || 2||
hareraMshAvatIrNasya mantrayantrAdikAnyalam |
na shrutaM kavachaM deva na choktaM bhavatA mama || 3||
vaktumarhasi devesha bhaktAyai guhyamapyuta |
iti pR^iShTaH sa girisho mantrayantrA~Ngatattvavit || 4||
uvAcha prahasandevIM hitAya jagatAmidam |
rahasyamapi hi brUyurlokaikahitadR^iShTayaH || 5||
shiva uvAcha |
shR^iNu priye priyamidaM mama guhyataraM param |
dharmArthakAmamokShANAmanAyAsaM susiddhidam || 6||
ekamaupayi~Nka manye viShNuvakShaHsthalAlayAm |
shriyamAkraShTukAmAnAmidaM kavachamuttamam || 7||
ekAtapatrasahitAM ya ichChetsAgarAmbarAm |
sa jAmadagnyakavachaM nityamAvartayennaraH || 8||
uddaNDashastradordaNDa prachaNDaripumaNDalam |
katha~njayeyurvIrendrAH kavachAnAvR^itA~NgakAH || 9||
paraprayukta kR^ityAdidoSho bhUtAdayo.api vA |
prayAnti bhItA rAmasya varmaNA vikShya rakShitam || 10||
kimanyaiH kavachairdevi kimanyairmanubhishcha vA |
jAmadagnyaH paraM yasya daivataM bhR^ityavatsalaH || 11||
kavachasyAsya girije R^iShyAdinyAsakalpanam |
mUlamantroktavidhinA kArayetsAdhakottamaH || 12||
asya shrIbhArgavakavAstotramantrasya
a~NgirA R^iShiH, bR^ihatIChandaH, shrImAnjAmadagnyo devatA,
shrIbhArgavarAmaprItyarthe bhArgavakavachastotrajapeviniyogaH |
atha karanyAsaH |
OM rAM rAmAya namaH a~NguShThAbhyAM namaH |
OM rAM rAmAya namaH tarjanIbhyAM namaH |
OM rAM rAmAya namaH madhyamAbhyAM namaH |
OM rAM rAmAya namaH anAmikAbhyAM namaH |
OM rAM rAmAya namaH kaniShThikAbhyAM namaH |
OM rAM rAmAya namaH karatalakarapR^iShThAbhyAM namaH |
atha ShaDa~NganyAsaH |
OM RAM rAmAya namaH hR^idayAya namaH |
OM RAM rAmAya namaH shirase svAhA |
OM RAM rAmAya namaH shikhAyai vaShaT |
OM RAM rAmAya namaH kavachAya hum |
OM RAM rAmAya namaH netratrayAya vauShaT |
OM RAM rAmAya namaH astrAya phaT |
atha dhyAnam |
uddordaNDachalatkuThArashikharasphArasphu li~Nga~Nkura
vrAtAmoghamahAstranAshitajagaddhiddheShivaMshATavIm |
vande bhArgavamugrakArmukadharaM shAntaM prasannAnanam,
vIra shrIparichumbyamAnamahitasvabrahmatejonidhim || 13||
OM jAmadagnyaH shiraH pAtu pAtu mUrdhAnamUrdhvadR^ik |
lalATaM lalitaH pAtu bhruvau bhR^ityArtinAshanaH || 14||
shravasI sushravA me.avyAtkarNau karNAntalochanaH |
netre gotrArtihA me.avyAllochane bhavamochanaH || 15||
gaNDe me khaNDaparashuH kapolau pAtu shIlavAn |
nAse sunAsaH pAyAnme nAsike dAsavatsalaH || 16||
rasanAM rasarUpo.avyAdrasaj~nAM reNukAsutaH |
adharau pAtu me nityamadharIkR^itashAtravaH || 17||
vaktraM chitracharitro.avyAddantAndantindravikramaH |
chubukaM ripujitpAtu grIvAM shrIvatsalA~nChanaH || 18||
skandhau me skandavijayI kakShe me kShatriyAntakaH |
bhujau me satataM pAtu sahasrabhujashAsanaH || 19||
karau hitakaraH pAtu pANI kShoNI bharApahaH |
a~NgulIrma~NgalaguNo nakhAni makhakR^inmama || 20||
vakShaH pAtu mamAbhIkShNaM kShatajAbhiShavapriyaH |
uraH puruShavIro me pArshvau pAtu parashvadhI || 21||
udarasthajagatpAyAdudaraM mama sarvadA |
bhayApaho.avyAnnAbhiM me madhyaM nidhyAtaviShTapaH || 22||
li~NgaM sha~NkarashiShyo.avyAdupasthaM nistulaprabhaH |
pAyvapAnaM cha me pAyAtsAyakAsanavAnsadA || 23||
triH saptakR^itvaH kulahA trikaM me.avatu sarvadA |
parameShThyavatAtpR^iShThaM piTharaM dR^iDha vikramaH || 24||
Uru merusamaH pAtu jAnU me jagatAM patiH |
ja~Nghe sa~NghAtahantAvyAtprapade vipadAntakaH || 25||
pAdau me pAdachAryavyAchcharaNau karaNAnidhiH |
pAdA~NgulIH pApahA me pAyAtpAdatale paraH || 26||
parashvadhadharaH pAyadrAmaH pAdanakhAni me |
pUrvAbhibhAShI mAM pAyAtpUrvasyAM dishi santatam || 27||
dakShiNasyAmapi dishi dakShayaj~nAntaka priyaH |
pashchimasyAM sadA pAyAtpAshchAtyAmbudhimardanaH || 28||
vittesharakShitAshAyAM pAyAnmAM sattamArchitaH |
sarvataH sarvajitpAyAnmamA~Ngani bhayAtprabhuH || 29||
mano mahendranilayashchittaM me dR^iptanAshanaH |
buddhiM siddhArchitaH pAyAdahantAmanaha~NkR^itiH || 30||
karmANi kArtavIryArirhelAM haihayavaMshahAH |
haratvamoghadR^i~N mohaM krodhaM cha krodhadarpahA || 31||
shriyaM karotu me shrIshaH puShTiM me puShTivardhanaH |
santAnaM satataM dadyAdbhR^igusatAnabhUruhaH || 32||
AyUMShi me vitanutAdAryaH paramapUruShaH |
AshAM me pUrayatvAshu kashyapArpitaviShTapaH |
shrImAnparashurAyo mAM pAtu sarvAtmanA sadA OM || 33||
ityetatkavachaM divyamabhedyaM mantrayantribhiH |
kathitaM devi te guhyaM priyeti paramAdbhutam || 34||
na nAstikAya nAdAtre na chAshraddhAlave priye |
deyAnnAvinItAyaitannAbhaktAya kadAchana || 35||
nAjApakAya nAj~nAtre nAsatyavachase kvachit |
nAmAlAmantriNe devi pradeyaM nApyamantriNe || 36||
deyaM shraddhAlave bhaktyA praNatAya natAtmane |
guNAnvitAya shuddhAya mantragoptre cha mantriNe || 37||
avashyametajjaptavyaM trisandhyaM niyamAnvitaiH |
mantrAvasAne mantraj~nai rachitaM mantrasiddhaye || 38||
varmaitachcha japenmantrI japedvA satataM manuH |
AsechitAdiva taroH phalaM nApnoti sadrasam || 39||
jayakAmo bhUrjapatre raktabindubhirujjavalaiH |
likhitvAvartayedrAtrau kavachaMshatasaMkhyayA || 40||
sampUjya dhUpadIpAdyairdhyAtvA cha hR^idi bhArgavam |
haste badhvA raNaM gatvA vijayashriyamApnuyAt || 41||
evaM samprasthitasyAsya vidyAvAde raNe.api vA |
vAchaspatirvA shakro vA vashyaH syAtkimutApare || 42||
athavA tilakaM kR^itvA raktakShodena bhAminI |
kavachenAbhijaptena gachChanjayamavApnuyAt || 43||
shrIkAmastu mahendrAdrerdroNiM gatvA manoharAm |
tatra maNDalamAsthAya chaNDabhAnuM vilokayan || 44||
japedidaM mahadvarma pratyahaM shatasaMkhyayA |
maNDalAnte shriyaM shreShThA labhate bhArgavAj~nayA || 45||
siddhayo vividhAstasya divyajyotirlatAlayaH |
sidhyanti siddhavandyasya kR^ipayA vismayAvahAH || 46||
bhUtapretapishAchashcha rogashcha vividhAshubhAH |
duShTA nR^ipAstaskarAshcha vyAgrasiMhagajAdayaH || 47||
shrImadbhR^igukulottaMsadaMshadaMshitamadraje |
dR^iShTvaiva hi palAyante mR^ityuM dR^iShTvaiva hi prajAH || 48||
jAmadagnyasya yo vA~nChetsAnnidhyaM yogidurlabham |
dAridryaduHkhashamanaM saMsArabhayanAshanam || 49||
sa mahendrasya shikhare snAtvopasthAya bhAskaram |
tanmadhyavartinaM shAntaM jaTAmaNDalamaNDitam || 50||
parashchadhadhanurdaNDarAjitAM sadvayAnvitam |
akShasUtraM suvibhrANaM dakShiNe.a~Ngulipallave || 51||
vAmajAnutalanyastavAmapANi kusheshayam |
unmajjajjvalaM grIvamAmIlita vilochanam || 52||
suprasannamukhAmbhojaM susmitaM pallavAdharam |
sundaraM sundarApA~NgaM bhogibhogabhujadvayam || 53||
bhaktAnugrAhakaM devaM jAmadagnyaM jagatpatim |
dhyAyantamAtmanAtmAnaM dhyAyetpraNatavastalam || 54||
atha dvAdashabhiH puNyairnAmabhiH pApahAribhiH |
japatAmiShTadairbhR^ityapArijAtaM samarchayet || 55||
jAmadagnyo janannetA brahmaNyo brahmavatsalaH |
kIrtavIryakulochChettA kShatravaMshapratApanaH || 56||
vishvajiddIkShito rAmaH kashyapAshAsuradrumaH |
parashvadhadharaH shAnto mahendrakR^itaketanaH || 57||
etairdvAdashabhirdivyairgopyairabhyarchya nAmabhiH |
upatiShThetpunarguhyairmukhyairnAmabhirIshvaram |
kShipraprasAdajananaishchaturvargaphalodayaiH || 58||
hanta te sampravakShyAmi tAnyapi praNatAsi yat |
imAni gauri nAmAni sugopyAni satAmapi || 59||
OM haMsastrayImayo dhAtA yogIndrahR^idAlayaH |
tridhAmA triguNAtItastrimUrtistrijaganmayaH || 60||
nArAyaNaH paraM brahma paraM tattvaM parAtparaH |
bhArgavo dharmacharaNo bhargarUpaH satAM gatiH || 61||
iti ShoDashabhiH stutvA nAmabhiR^irShipu~Ngavam |
sarvAshiShAM patiM devaM sakalAbhIShTadAyakaiH || 62||
AtmAnaM vinyaseda~NgeShvanena kavachena saH |
mR^igImudrikayA dhImAnvajrasAreNa sAravit || 63||
dashachAraM pratidinaM mAsamekaM samAcharet |
spapne pashyati deveshaM bhArgavaM bhR^igunandanam || 64||
chintitArthapradaM saumyaM chintAmaNimivAparam |
mAsatrayaM tu vinyaste sAkShAtpashyati jApakaH || 65||
manasaH samprasAdena labdhvA varamanuttamam |
aNimAdiguNairyukto brahmalokamavApnuyAt || 66||
athavA yogasiddhiM yo dhAtu siddhiM cha vAchChati |
kurukShetre mahendre vA japedayutamAtmavAn || 67||
sarvAshchauShadhayastasya khecharatvAdhisiddhidAH |
rasasiddhipradAshchApi sidhyantyasya na saMshayaH || 68||
mahendrAdririva kShetraM siddhidaM nAsti bhUtale |
jAmadagnya ivAnyo.asti na devo bhR^ityavatsalaH || 69||
prasphuradruNasauvarNarAshInAM janmabhUH paraH |
tathedamiva varmAnyaddharmAdiphaladaM na hi || 70||
kavache.asminsakR^ijjapte mantrAvR^itti sahasrajam |
phalamApnotyavikalaM tasmAnnityaM japennaraH || 71||
amantrI vApi mantrI vA bhArgave bhaktimAnnaraH |
japennityamidaM varma mantrasiddhimavApnuyAt || 72||
sArasvatamidaM devi kavachaM vAkpradaM nR^iNAm.|
mUko.api vAgmI bhavati japannetadrururyathA || 73||
nityaM parashvadhabhR^itaH kavachasyAsya dhAraNAt |
sabhAsu vadatAM shreShTho rAj~nAM bhavati cha priyaH || 74||
vaidikaM tAntrikaM chaiva mAntrikaM j~nAnamuttamam |
kavachasyAsya jApI tu brahmaj~nAnaM cha vindati || 75||
ityetaduktaM kavachaM mayA haihayavidviShaH |
gopanIyamidaM devi mamAtmAsi maNiryathA || 76||
dhanyaM yashasyamAyuShyaM shrIkaraM puShTivardhanam |
japatAM kavachaM nityaM sarvasaubhAgyapUritam || 77||
iti shrI viShNuyAmale uparibhAge jAmadagnyadivyA~njanasiddhi \- 
kalpe trayastriMshatpaTalaH ||  shrI bhArgavArpaNamastu ||
|| iti shrIbhArgavakavachaM sampUrNam ||
##
Encoded and proofread by
Sivakumar Thyagarajan shivakumar24 at gmail.com
Text from "Bhagavan Parashuram" by Dr. Viracharya Shastri.

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}