% Text title            : Bhava Vijnapti Stavah
% File name             : bhAvavijnaptistavaH.itx
% Category              : vishhnu
% Location              : doc\_vishhnu
% Transliterated by     : Mohan Chettoor
% Proofread by          : Mohan Chettoor, NA
% Description/comments  : Ramanuja Sampradaya.
% Latest update         : June 12, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. BhAvavijnapti StavaH ..}##
\itxtitle{.. bhAvavij~naptistavaH ..}##\endtitles ##
shriyaH patiM tatpadapa~NkajaspR^ihA\-
      tR^iNIkR^itAnyaM yatishekharaM tathA |
shrIra~NgasUriM mama deshikendraM
      shrImachChaThAriM cha nitAntamAshraye || 1||
yadvakShaHsthalamandiraM pravilasanmANikyamuktAvalI\-
      dolAndolanarAgalolahR^idayA niHsImabhAgyodayA |
shrIdevI samala~Nkaroti karuNApIyUShapAthonidhi\-
      shchetaH sadmani sarvadA vijayatAM shrIra~NgarAjaH sa me || 2||
bhAgaM yasya cha dakShiNaM bhagavatI saubhAgyasaushIlyabhU\-
      rbhUdevI satataM vibhUShayati yadvAmaM cha lIlAbhidhA |
devInIlasarojasundararuchiHsaundaryalIlAgR^ihaM
      chetAsadmani sarvadA vijayatAM shrIra~NgarAjaH sa me || 3||
nirlobhairapi niHspR^ihairapi darAnandaikamagnairapi
      premNA saspR^ihamAttalobhamasakR^idyadrUpamAlokyate |
naitAvanna bhavantyanukShaNamabhiprekShyApi tR^iptAstata\-
      shchetaH sadmani sarvadA vijayatAM shrIra~NgarAjaH sa me || 4||
shrIdevIparishobhitAchChahR^idayA bhUbhUShitAdakShiNe
      lIlAsvIkR^itavAmabhAgaruchirA mUrtiH parA rAjate |
yasyaivotsavamUrtirityabhidhayA chetashchamatkAriNI
      chetAsadmani sarvadA vijayatAM shrIra~NgarAjaH sa me || 5||
yasyA~NghrismaraNaM samastavipadAmunmUlanaM sampadA
      sarvAsAmabhivR^iddhidaM svajanatoddhArapravR^iddhAgraham |
sadvidyodayadaM javAdabhayadaM shreyaHsamUhapradaM
      chetaH sadmani sarvadA vijayatAM shrIra~NgarAjaH sa me || 6||
bhrArantvAbhUvalayaM disho.api nikhilA lokAnadhasthAMstathai\-
      vordhvasthAnabhivIkShya nAtmasadR^ishaM lAvaNyalakShmIH svayam |
premNAmuM samupAshriteti janadhIryaddarshane jAyate
      chetaH sadmani sarvadA vijayatAM shrIra~NgarAjaH sa me || 7||
indau shAradarAtrikairavasabhAsaubhAgyashobhAkare
      padme padmanivAsinImukhanibhepyatyantamandAdarA |
yasminnIkShaNagochare sati nR^iNAM dR^iShTiH sadAjAyate
      chetaH sadmani sarvadA vijayatAM shrIra~NgarAjaH sa me || 8||
revatyAM svajanAbhilAShachayadhukpAdAbjayugmAnateH
      shrIdevIvilasatsuvakShasa ilAlIlAshritasya prabhoH |
yAtrA yasya vimAnagasya nagare sa~njAyate sarvata\-
      shchetaH sadmani sarvadA vijayatAM shrIra~NgarAjaH sa me || 9||
kati kati na vilokitAni loke harisadanAni manomanoharANi |
tadapi mama ratiH surAsurArchye pratidinamedhata eva ra~NgarAje || 10||
puryyaH sapta namo.astu vaH pratidinaM mokShAkhyabhikShApradA
      yUyaM vaH shubhakIrtayaH pratimahAshAstraM prasiddhAshchirAt |
kShantavyaM mama mAnasaM tu chapalaM saMsevya yuShmAnapi
      premNA shAntimupaiti naivahi vinA shrIra~NgarAjaprabhum || 11||
dR^iShTeva kAshI mathurA cha kA~nchIyugaM prabho dvAravatI tathaiva |
puryapyayodhyA na mayAnubhUtaM kutrApi yuShmAtpuravAsasaukhyam || 12||
tarkavyAkaraNAmR^itAbdhiviratA sAhityamandAdarA\-
      vedAnteShvapi niHspR^ihApi cha mahAkosheShu muktAdarA |
chetovR^ittiriyaM prabho virahiNI kAnteva sadvaMshajA
      tyaktvA ye charaNAmbujaM na ramate shrIra~NgabhartuH prabho || 13||
prabho ga~NgAyAM vA sariti yamunAyAmapi mudA
      prayAge vA tiShThan shayanamashanaM vA.apyanubhavan |
kadA shrIra~NgeshaprabhucharaNasevAsukhamahaM
      punaH prApsyAmIti pratilavamanudhyAnanirataH || 14||
bhaktAbhIpsitapUrtipaNDitapadAmbhojaikavArasmR^ite\-
      rvishvApatprashamapravINahR^idaya shrIra~NgarAjaprabho |
AyAsaH katamastavA.asti bhagavan bhAvatkapAdAmbuja\-
      dvandvA.adUranivAsavA~nChitaphalaM dAtuM dayAbdhe.adyame || 15||
indrAyendrapadaM nidhIshvarapadaM yakShAdhirAjAya vA
      dAridryAparamUrtaye nirupamaishvaryaMsudAmnemudA |
dAtuM gADhanibaddhasatparikarasyAsInnalo bhA~Nkuro
      madvA~nChAparipUraNe kathamaho kShobho.asti lobhastava || 16||
naindre pade na nidhinAthapade pade na
      kShmApAlakasya na paratracha me.asti vA~nChA |
shrIra~NgarAja bhavadekasamIpavAsa\-
      vA~nChAstisA.api bhavatA na hi pUryate kim || 17||
jihve nirargalatarAsi vichAraya tvaM
      kiM jalpasi praNatavatsala eSha IshaH |
yadyatkaroti sa vibhustadasaMshayAMshaM
      viddhi svakIyajanatobhayalokapathyam || 18||
yuShmatpAdAmburuhavirahavyAdhitaptAshayo.ayaM
      dAso jalpetkimapi yadiha shrApate tanna chintyam |
jAne yadyapyakhilajagatAM shreyase te pravR^itti
      baddhotsAhAM tyajati na mano.athA.api vAchAlatAM me || 19||
shrIra~NgarAja hR^idayaM bhavada~Nghriyugme
      dehastu sa~ncharita samprati yatra kutra |
ichChA bhavettava yadA bhagavaMstadA.ayaM
      kAryastvadIyapadapa~NkajasannidhisthaH || 20||
shrIra~NgarAja tadalaM bahujalpanena
      yatra kva vA bhavatu bhAgyavashAtsthitirme |
chetasthitistu bhavadIyadadAbjayugme
      bhUyAdaharnishamiyaM charamA.arthanA me || 21||
shrIveNugopAlashaThArinAtha\-
      shrIbhAShyakArA api chArurUpAH |
shrIsaumyajAmAtR^imunishcha nityaM
      yaddakShiNe bhAnti kR^itapratiShThAH || 22||
shrImadramAramaNave~NkaTashailanAthA\-
      .anAthaM janaM vividhatApabhiyA.abhiyAtam |
yadvAmabhAgaparishobhitadivyarUpaH
      shaM pashya mAM nijakaTAkShavichitrapAtaiH || 23||
satastalokasma manoharantI
      niHsImasaundaryabhareNa nityam |
mUrtirmano mohamato sma sA me
      shrIra~NganAthasya dayAsudhAbdheH || 24||
he veNugopAla madIyagogaNaH
      samarpito.astyeva bhavatpadAntike |
sa chedvimArgaM shrayitA tadA tu
      tadgopAlatAlA~nChanakR^ittava prabhoH || 25||
tataH praNAmAn shatashaH sahasrashaH
      samarpya vij~nApayatIha ki~NkaraH |
eSha tvadIyaH sa madIyagogaNo
      vimArgago naiva bhavetathA kuru || 26||
shaThAre svAmin he mama tava padAmbhoruhayugaM
      shritasyApIhaite dR^iDhatarahaThAdindriyashaThAH |
tudanti svAntaM tatkimiti shaThashatrostava
      jagatpavitrAM kIrti no harati tadimAn daNDaya vibho || 27||
vedAntAmbudhimanthate na hi surA naivA.asurAnA.achalo
      nAhirnAtmani kUrpatA viShabhiyA shambhushcha nApekShitaH |
yasyA.asheShamanuShyapeyamakarodvedArthasArAmR^itaM
      yastaM tvadbhutaviShNumAnasamanA rAmAnujAryaM muhuH || 28||
ye.apArasaMsArasamudramagrA\-
      naj~nAn vilokyAtidayArdrachittAH |
sandarshayAmAsuramuM sumArge
      shrIlakShmaNAryAnnama me manastAn || 29||
shrIbhAShyanirmANayashaHsharIra\-
      madyA.api yeShAmatichitramasti |
amR^ityumAryaM charasA.apyajIyaM
      shrIlakShmaNAryAn nama tAn mano me || 30||
AtmapravartitamanuttamasampradAyaM
      draShTuM punardhR^itajanIniva lakShmaNAryAn |
manyanta uttama janAniha yAnmanastAn
      jAnmAtR^isa.nj~nakamunInnama saumya pUrvAn || 31||
a~njanAchala shR^i~NgAre shrInivAse ratirmama |
kAlatraye nirAvAdhA bhUyAdityarthyate.anisham || 32||
vaishyA dhArmikakarmamagnamanaso yatpAdapadmadvayI\-
      bhaktiM premarasaprabhinnamanasaH kurvanti nirhetukIm |
yasteShAM paripUrNatAM nayati hR^idvA~nChAH kShaNenA.akhilA\-
      shchetaHsadmani sarvadA vijayatAM shrIra~NgarAjaprabhuH || 33||
kAle netradharA~NkabhUmitashubhe varShe.atha mAse shubhe
      vidvadvanditakR^iShNamishratanayaiH shrIra~NgapAdAshrayaiH |
rAmAchAryapuraHsarairvirachitA yasya pratiShThAmudA
      chetaH sadmani sarvadA vijayatAM shrIra~NgarAjaH prabhuH || 34||
shrImadIyapadapa~NkajasampatkR^iShNamishrakulejeShvakhileShu |
asti te nirupamA karuNAdR^ik tatkR^ite.atra punaruktiriyaM me || 35||
AryA rAmAchAryAH svAcharaNArAmasharaNAshcha |
vishvakhyAtasuyashasaH so.ayaMshrIra~NganAtha te mahimA || 36||
parA~NkushA vAdividvadgajarAjaparA~NkushAH |
Asan yat pitR^ipAdA me mahimA so.api tAvakaH || 37||
bhaktisArA bhaktisArA bhaktisAropamAnakAH |
bhavanti bhrAtaro me yanmahimA so.api tAvakaH || 38||
matkaniShThAn shrInivAsamadhusUdanasa.nj~nakAn |
ghanashyAmaM cha gopAlaM pAhi shrIra~Nga sarvadA || 39||
shrIra~NgarAja karuNAvaruNAlaya tva\-
      tpAdAbjayugmasharaNaH kila vAsudevaH |
svapne.api nA.anyasharaNo.asti tato.atra kAryA
      nityaM dayAdR^igiha dAsajane dayAbdhe || 40||
nArAyaNAtmajanuSho mama vAsudeve\-
      tyAkhyasya rAma guruvaryyakR^ipAptanIteH |
eShA kR^itirvijayatAmupapuNDarIkaM
      shrImatphatepurajanerhitara~NgadhAmnaH || 41||
bihAMNIpattanIya shrIra~NgadhAmaikajIvinA |
shrImatA vAsudevena kR^ita shrIra~NgarATstutiH || 42||

iti bhAvavij~napti nAmA stavaH sampUrNaH ||

##

Encoded and proofread by Mohan Chettoor

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}