% Text title            : Bhishmaproktam 2 Shri Krishna Stotram
% File name             : bhIShmaproktaM2shrIkRRiShNastotram.itx
% Category              : vishhnu, vishnu, krishna, mahAbhArata, stotra
% Location              : doc\_vishhnu
% Proofread by          : PSA Easwaran
% Description/comments  : mahAbhArata | anuparva | adhyAya 143/7-44||
% Latest update         : November 2, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Bhishmaproktam 2 Shri Krishna Stotram ..}##
\itxtitle{.. bhIShmaproktaM 2 shrIkR^iShNastotram ..}##\endtitles ##
kR^iShNaH pR^ithvImasR^ijatkhaM divaM cha varAho.ayaM bhImabalaH purANaH |
asya chAdho.athAntarikShaM divaM cha dishashchatasraH pradishashchatasraH |
sR^iShTistathaiveyamanuprasUtA sa nirmame vishvamidaM purANam || 7||
asya nAbhyAM puShkaraM samprasUtaM yatrotpannaH svayamevAmitaujAH |
yenAchChinnaM tattamaH pArtha ghoraM yattattiShThatyarNavaM tarjayAnam || 8||
kR^ite yuge dharma AsItsamagra stretAkAle j~nAnamanuprapannaH |
balaM tvAsIddvApare pArtha kR^iShNaH kalAvadharmaH kShitimAjagAma || 9||
sa pUrvadevo nijaghAna daityAnsa pUrvadevashcha babhUva saMrAT |
sa bhUtAnAM bhAvano bhUtabhavyaH sa vishvasyAsya jagatashchApi goptA || 10||
yadA dharmo glAyati vai surANAM tadA kR^iShNo jAyate mAnuSheShu |
dharme sthitvA sa tu vai bhAvitAtmA parAMshcha lokAnaparAMshcha yAti || 11||
tyAjyAMstyaktvAthAsurANAM vadhAya kAryAkArye kAraNaM chaiva pArtha |
kR^itaM kariShyatkriyate cha devo muhuH somaM viddhi cha shakrametam || 12||
sa vishvakarmA sa cha vishvarUpaH sa vishvabhR^idvishvasR^igvishvajichcha |
sa shUlabhR^ichChoNitabhR^itkarAlastaM karmabhirviditaM vai stuvanti || 13||
taM gandharvA apsarasashcha nitya mupatiShThante vibudhAnAM shatAni |
taM rAkShasAshcha parisaMvahante rAyaspoShaH sa vijigIShurekaH || 14||
tamadhvare shaMsitAraH stuvanti rathantare sAmagAshcha stuvanti |
taM brAhmaNA brahmamantraiH stuvanti tasmai haviradhvaryavaH kalpayanti || 15||
sa paurANIM brahmaguhAM praviShTo mahIsatraM bhAratAgre dadarsha |
sa chaiva gAmuddadhArAgryakarmA vikShobhya daityAnuragAndAnavAMshcha || 16||
tasya bhakShAnvividhAnvedayanti tamevAjau vAhanaM vedayanti |
tasyAntarikShaM pR^ithivI divaM cha sarvaM vashe tiShThati shAshvatasya || 17||
sa kumbharetAH sasR^ije purANaM yatrotpannamR^iShimAhurvasiShTham |
sa mAtarishvA vibhurashvavAjI sa rashmimAnsavitA chAdidevaH || 18||
tenAsurA vijitAH sarva eva tasya vikrAntairvijitAnIha trINi |
sa devAnAM mAnuShANAM pitR^INAM tamevAhuryaj~navidAM vitAnam || 19||
sa eva kAlaM vibhajannudeti tasyottaraM dakShiNaM chAyane dve |
tasyaivordhvaM tiryagadhashcharanti gabhastayo medinIM tApayantaH || 20||
taM brAhmaNA vedavido juShanti tasyAdityo bhAmupayujya bhAti |
sa mAsi mAsyadhvarakR^idvidhatte tamadhvare vedavidaH paThanti || 21||
sa ekayukchakramidaM trinAbhi saptAshvayuktaM vahate vai tridhAmA |
mahAtejAH sarvagaH sarvasiMhaH kR^iShNo lokAndhArayate tathaikaH || 22||
ashnannanashnaMshcha tathaiva dhIraH kR^iShNaM sadA pArtha kartAramehi || 22||
sa ekadA kakShagato mahAtmA tR^ipto vibhuH khANDave dhUmaketuH |
sa rAkShasAnuragAMshchAvajitya sarvatragaH sarvamagnau juhoti || 23||
sa evAshvaH shvetamashvaM prayachChatsa evAshvAnatha sarvAMshchakAra |
trivandhurastasya rathastrichakra strivR^ichChirAshchaturasrashcha tasya || 24||
sa vihAyo vyadadhAtpa~nchanAbhiH sa nirmame gAM divamantarikSham |
evaM ramyAnasR^ijatparvatAMshcha hR^iShIkesho.amitadIptAgnitejAH || 25||
sa la~Nghayanvai sarito jighAMsansa taM vajraM praharantaM nirAsa |
sa mahendraH stUyate vai mahAdhvare vipraireko R^iksahasraiH purANaiH || 26||
durvAsA vai tena nAnyena shakyo gR^ihe rAjanvAsayituM mahaujAH |
tamevAhurR^iShimekaM purANaM sa vishvakR^idvidadhAtyAtmabhAvAn || 27||
vedAMshcha yo vedayate.adhidevo vidhIMshcha yashchAshrayate purANAn |
kAme vede laukike yatphalaM cha viShvaksene sarvametatpratIhi || 28||
jyotIMShi shuklAni cha sarvaloke trayo lokA lokapAlAstrayashcha |
trayo.agnayo vyAhR^itayashcha tisraH sarve devA devakIputra eva || 29||
saMvatsaraH sa R^ituH so.ardhamAsaH so.ahorAtraH sa kalA vai sa kAShThAH |
mAtrA muhUrtAshcha lavAH kShaNAshcha viShvaksene sarvametatpratIhi || 30||
chandrAdityau grahanakShatratArAH sarvANi darshAnyatha paurNamAsyaH |
nakShatrayogA R^itavashcha pArtha viShvaksenAtsarvametatprasUtam || 31||
rudrAdityA vasavo.athAshvinau cha sAdhyA vishve marutAM ShaDgaNAshcha |
prajApatirdevamAtAditishcha sarve kR^iShNAdR^iShayashchaiva sapta || 32||
vAyurbhUtvA vikShipate cha vishva magnirbhUtvA dahate vishvarUpaH |
Apo bhUtvA majjayate cha sarvaM brahmA bhUtvA sR^ijate vishvasa~NghAn || 33||
vedyaM cha yadvedayate cha vedAnvidhishcha yashchAshrayate vidheyAn |
dharme cha vede cha bale cha sarvaM charAcharaM keshavaM tvaM pratIhi || 34||
jyotirbhUtaH paramo.asau purastA tprakAshayanprabhayA vishvarUpaH |
apaH sR^iShTvA hyAtmabhUrAtmayoniH purAkarotsarvamevAtha vishvam || 35||
R^itUnutpAtAnvividhAnyadbhutAni meghAnvidyutsarvamairAvataM cha |
sarvaM kR^iShNAtsthAvaraM ja~NgamaM cha vishvAkhyAtAdviShNumenaM pratIhi || 36||
vishvAvAsaM nirguNaM vAsudevaM sa~NkarShaNaM jIvabhUtaM vadanti |
tataH pradyumnamaniruddhaM chaturtha mAj~nApayatyAtmayonirmahAtmA || 37||
sa pa~nchadhA pa~nchajanopapannaM sa~nchodayanvishvamidaM sisR^ikShuH |
tatashchakArAvanimArutau cha khaM jyotirApashcha tathaiva pArtha || 38||
sa sthAvaraM ja~NgamaM chaivametachchaturvidhaM lokamimaM cha kR^itvA |
tato bhUmiM vyadadhAtpa~nchabIjAM dyauH pR^ithivyAM dhAsyati bhUri vAri || 39||
tena vishvaM kR^itametaddhi rAjansa jIvayatyAtmanaivAtmayoniH || 39||
tato devAnasurAnmAnuShAMshcha lokAnR^iShIMshchAtha pitR^InprajAshcha |
samAsena vividhAnprANilokAnsarvAnsadA bhUtapatiH sisR^ikShuH || 40||
shubhAshubhaM sthAvaraM ja~NgamaM cha viShvaksenAtsarvametatpratIhi |
yadvartate yachcha bhaviShyatIha sarvametatkeshavaM tvaM pratIhi || 41||
mR^ityushchaiva prANinAmantakAle sAkShAtkR^iShNaH shAshvato dharmavAhaH |
bhUtaM cha yachcheha na vidma ki~nchidviShvaksenAtsarvametatpratIhi || 42||
yatprashastaM cha lokeShu puNyaM yachcha shubhAshubham |
tatsarvaM keshavo.achintyo viparItamato bhavet || 43||
etAdR^ishaH keshavo.ayaM svayambhUrnArAyaNaH paramashchAvyayashcha |
madhyaM chAsya jagatastasthuShashcha sarveShAM bhUtAnAM prabhavashchApyayashcha || 44||

iti mahAbhArate anushAsanaparvaNi 143 adhyAyAntargataM
bhIShmaproktaM shrIkR^iShNastotraM sampUrNam |

mahAbhArata | anuparva | adhyAya 143/7\-44||
##
mahAbhArata . anuparva . adhyAya 143/7-44..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}