% Text title            : Bhagavadvicharalalitaryah
% File name             : bhagavadvichAralalitAryAH.itx
% Category              : vishhnu
% Location              : doc\_vishhnu
% Author                : govindAchAryaH
% Proofread by          : Rajesh Thyagarajan
% Description/comments  : From Stotrasamuchchaya 2, Edited by Pandit K. Parameshwara Aithal
% Latest update         : May 10, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Bhagavadvicharalalitaryah ..}##
\itxtitle{.. bhagavadvichAralalitAryAH ..}##\endtitles ##
nigamAgamaprabodhaM vibudhanutaM vAsudevapadavAchyam |
devaM guruM cha vande shrIharisarvottamatvachidavAptyai || 1||
brahmAdyamarasamUhAn nAradamukhyAn samastadevarShIn |
brahmarShInapi vande varNochitakarmaratikR^ite manasaH || 2||
pitaraM ra~NgAchAryaM vedapurANetihAsatattvaj~nam |
vande bhavApanuttyai sAdhvIvinutAM sarasvatIM jananIm || 3||
nirdoShaH paramAtmA vibhuH svatantraH sa sachchidAnandaH |
shrutamiti saklR^idgurumukhAdatha kartavyaM yato.asya kila mananam || 4||
paravAsudevamUrte madgatamadhvAryahR^itsarojastha |
pR^ichChAmi saMshaye tvAM sAmIpyAchChindhi taM mananasamaye || 5||
chetashchA~nchalyAnna sthirabhaktirnAmakIrtanaM na tataH |
kartuM karma na shaktastvadanugrahamantareNa sharma kutaH || 6||
muktvAmR^itaphalabhoktR^In muktivane tvaM nararShabhAn vatsam |
badhnAsi moharajjvAphalabhavavipine kuto.aja mAmIsha || 7||
parapuruSha iti bhavantaM bhajati niyuktApi na smR^itichalAkShI |
kleshayasi saMsR^itau mAmidamanuchitamiti tavesha ko brUyAt || 8||
na dhR^itA tvadbhaktisatI vivR^itaM na tvadrahasyamapi tat kim |
saMyamya prakR^itiguNaiH saMsR^itijaladhau kShipasyuchitamIsha || 9||
tvAM paricharitumachintyAdbhutashaktiM mama na kaushalaM mAM tvam |
apidhAya j~nAnadR^ishaM visR^ijasi bhavakAnane kimidamuchitam || 10||
yantR^ikarasthitarashmiprachoditAshvAnuyAyirathika iva |
matsa~Nkalpavidhij~na prakR^itivasho.ahaM tvayaiva kimu daNDyaH || 11||
prakR^itivashatAstu vA mama sA tvadadhInA kilAtra na vitarkaH |
AdyaprakR^itivashaM mAM kurvannuchitakR^it tato.api yadi daNDyaH || 12||
prAkkR^itakarmAnuguNAM bhajati prakR^itiM kilAtra dehIti |
chet tat kArayitA kaH sarvavyApin paresha bhavadanyaH || 13||
dehI svabhAvasiddhaM karma hi kurute na kArayati kashchit |
iti chet svatantratAsya syAt tadyuktaM na chobhayoH sAmyam || 14||
AstAmiti chet svAmyaM tulyaM jagadIsha dehino bhavatA |
daNDo.asya shAstrasiddhaH sa cha na ghaTetAsya dhArayiturabhAvAt || 15||
karmAnuguNo daNDaH klR^ipto dehini patatyasAviti chet |
tatkalpakena bhAvyaM daNDyaH paratantra iti tu janasiddham || 16||
rAj~naH puruSha ivAsti svAtantryaM taduditAnyathAkaraNe |
uktakaraNe daNDo dehina iti kiM jagatpate nyAyyam || 17||
nyAyaH kila sarvasamaH shUdrAsa~NginyajAmile daNDam |
anipAtya choddhR^itaH kathamIsha tavechChAtra kAraNaM nUnam || 18||
nArAyaNeti tenodgItaM tannAma maraNasamaya iti |
chet svAmiMstat prathitaM tenAhUtaH suto.ativAtsalyAt || 19||
atha ched yathAkatha~nchit tava shubhanAmAkSharakramochchAraH |
AmaraNarachitaduritadhvaMsAya nR^iNAmalaM cha mokShAya || 20||
gajarakShaka narakAntaka suravara nArAyaNeti kIrtanataH |
muktishchedIsha kuto brahmavichAraH kutastapaHkarma || 21||
prAgjanmani sajj~nAnI lavaduritavashAd dvijastathAvR^ittaH |
bhogAd duritavipAke nAmochchArAt sa tAritaH sahasA || 22||
jIrNo.anubhavAd rogo nashyati sakR^idapi yathauShadhagrahaNAt |
AyuShmAn bhavati sukhI nAmnA duritakShaye tathA j~nAnI || 23||
yadajAmilena nArAyaNeti chAntye katha~nchidAkalitam |
tena sa durvR^itto.api j~nAnI vipraH pureti vA j~neyam || 24||
AstAM sa prAg j~nAnI nAmochchArAt kathaM cha samaye.antye |
mukto nAmagrahaNAdevetyatrAsti saMshayo balavAn || 25||
kAshyAM sutanikaTe vA muktirmaraNAditi smR^itiH prathitA |
sutasAmIpye siddhe.apyajAmile tvatsmR^itiH kutaH sAdhyA || 26||
asadR^ishamAryotpannaH putro na mR^itirna kevalaM muktiH |
kintviha naShTe durite j~nAnAnmokSha iti kimasi nirdoShaH || 27||
bhaktyA tvajj~nAnAptiH sA kila dAsyArchanAdirUpA hi |
tvamagocharashcha manasaH saMshayametaM nivArya mAM pAhi || 28||
brahmANDAd bahirasyaNvantastvamiti shrutistadanumeyam |
upagantuM vA draShTuM j~nAtuM shakyaM kathaM nvaparimeyam || 29||
lokA vishanti bhavati pralaye shrutirAha chetthamavikalaye |
tat kathamapi nityaM tvAmaparichChinnaM divi cha bhuvi kalaye || 30||
nANvantarvrajati mahad dR^iShTaM na cha na shrutaM shrutirvadati |
taM khalu gurUpadeshaM laghu cheto na sahate hiM dhUrvadati || 31||
dyutirastyantarbahirapi pR^ithau pR^ithutare laghau cha hIramaNau |
mahati cha mahattare tvaM tadvachChrutivedya nanu kimaNau || 32||
nahyavikArAbhAsaM yogAdvA jagati tanu mahad bhavati |
ghaTate chaikatvaM kathamavikAre sa~Ngavarjite bhavati || 33||
prAg yo hi ghaTAkAshaH sa mahAkAshastu bhavati ghaTavilaye |
mahadAkAshaH sa gate sa~NgavikArau na khasya khalu nilaye || 34||
sa.nj~nA tathAntarAtmA paramAtmeti tvayIsha sAmanute |
iti kiM tvadachintyAdbhutashaktiM j~nAtuM shrutirhi sA manute || 35||
svachChandachAriMNI vAg yoSheva hyavinayena sAmAnyA |
yojyA kathaM tatra nutau chiddhanayuktA tathainasa mAnyA || 36||
kAmAdyarigaNava~nchitahR^idvashagaM viShayalolamanavaratam |
viniveshayAmi kathamahamakShagaNaM tvayi cha vibudhajanavara tam || 37||
shrIbrahmAmaraparivR^iDhamukhasuramuktyekahetupadakamalam |
kR^ipayA na darshayasi yadi sharaNaM yAmi trayIDya vada kamalam || 38||
tR^iShitaM marIchikAyAM mR^igayUtha salilasha~Nki marugamitam |
tadvadviShaye.atrAntaH prApyasyAM vimalasha~Nkimarugamitam || 39||
nashvaraviShayApaNikashchiddhanahR^idyasya bata sakhA\-nu bhavaH |
bhavashamana tvadavAptiM vinesha tasya tu kathaM sukhAnubhavaH || 40||
bhavarogiNAvichArAd viShayApathyaM hi sevitaM vipadi |
tanmAM sadoShamava bhavarugvaidyAkalaya chida~njanaM sapadi || 41||
tvayyastyakhilavisheShastalpIbhavati nu na chet kathaM sheShaH |
sthitilayasR^iShTikR^ideSha stautiM tvAmiti hi suragaNo.asheShaH || 42||
dattastvayAvakAshaH kukShau jagatAM na te.asti nIkAshaH |
tvatto jagatprakAshastvannAbherajani yadayamAkAshaH || 43||
nakule so.asyurage yastato hi samabhUstvamasurasurageyaH |
tvAM bhaktavashaM kalaye na dishasi taddhR^idi yataH padaM kalaye || 44||
vilasati te dAsamatA hyAbrahmastambamapi sadA samatA |
aghanut tvatpadakamalaM bhajati shrIstatsadaiva padakamalam || 45||
aNvantarbrahmANDAd bahirapi vilasati yatastu tava sattvam |
bhUtAdhunikabhaviShyatkAlaniyanteti chochyase sa tvam || 46||
dhyAyanti ye tava padaM bhajanti te vA~nChitaM tadeva padam |
j~nAnamayaM te sakalaM vapurityuktaM ramAnivAsakalam || 47||
tvAM kR^iShTakeshamavanau bhajamAnAshchApnuvannavadakesham |
AnandamayaM tava vapuriti vodgItaM tadA prapadakesham || 48||
tvaM nikhiladoSharahito vyAptashcha sakalajagadIshaH |
kAlatrayanirapAyaH sarvaj~no vijayase sadAtmaratiH || 49||
govindAchAryeNa shrIkaulagivAsudevagurukR^ipayA |
prItyarthameva hi harergrathitA bhagavadvichAralalitAryAH || 50||
rachitA vasatA svAryAH cherakeraladeshayoH |
bhagavadvichAralalitAH kalimAne shubhedhave (4945) || 51||

iti govindAchAryavirachitAH shrIbhagavadvichAralalitAryAH samAptAH |
stotrasamuchchayaH 2 (66)
##
Govindacarya, the author of the
Bhagavadvicaralalitaryah (66) was the son of
Rangacharya and Sarasvati and belonged to the
uTake family. He mentions his Guru’s name as
(kauLagi) Vasudevacharya. He also pays homage
to one (Kaulagi) Raghunathacarya. Obviously the
author was a follower of Madhvacharya whose name
he mentions in verse 5. It was written in the
Kali year 4945 (A.D. 1844) when the author was
residing in the Cera-Kerala region.

Proofread by Rajesh Thyagarajan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}