% Text title            : Bhagavannamanusaram Phalapraptih
% File name             : bhagavannAmAnusAraMphalaprAptiH.itx
% Category              : vishhnu
% Location              : doc\_vishhnu
% Proofread by          : PSA Easwaran
% Description/comments  : from Vishnudharma Upapurana. Adhyaya 24
% Latest update         : December 25, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Bhagavannamanusaram Phalapraptih ..}##
\itxtitle{.. bhagavannAmAnusAraM phalaprAptiH ..}##\endtitles ##
ekasyaiva satastasya brahmaNo dvijasattama |
nAmnAM bahutvaM lokAnAmupakArakaraM shR^iNu || 10||
nimittashaktayo nAmno bhedatastadudIraNAt |
vibhinnAnyeva sAdhyante phalAni kurunandana || 11||
yachChakti nAma tattasya tattasminneva vastuni |
sAdhakaM puruShavyAghra saumyakrUreShu vastuShu || 12||
vAsudevAchyutAnantasatyAjya?puruShottamaiH |
paramAtmeshvarAdyaishcha stuto nAmabhiravyayaH || 13||
nimittabhAvaM bhagavAnvimukteryAtyadhokShajaH |
tathAnyakAryasaMsiddhau yadyattattannishAmaya || 14||
dhanakR^iddharmakR^iddharmI dharmAtmA vishvakR^ichChuchiH
shuchiShadviShNurabjAkShaH puShkarAkSho hyadhokShayaH |
shuchishravAH shipiviShTo yaj~nesho yaj~nabhAvanaH || 15||
nAmnAmityevamAdInAM samuchchAraNato naraH |
dharmaM mahAntamApnoti pApabandhakShayaM tathA || 16||
tathArthaprAptaye brahmandevanAmAni me shR^iNu |
yeShAM samuchchAraNato vittamApnoti bhaktimAn || 17||
shrIdaH shrIshaH shrInivAsaH shrIdharaH shrIniketanaH |
shriyaH patiH shrIparamaH shrImAn shrIvatsalA~nChanaH || 18||
nR^isiMho duShTadAmano jayo viShNustrivikramaH |
stutaH prayachChate chArthamevamAdibhirachyutaH || 19||
kAmyaH kAmapradaH kAntaH kAmapAlastathA hariH |
Anando mAdhavashchaiva kAmasaMsiddhaye nR^ipa || 20||
rAmaH parashurAmashcha nR^isiMho viShNureva cha |
vikramashchaivamAdIni japyAnyarijigIShubhiH || 21||
vidyAmabhyasatA nityaM japtavyaH puruShottamaH |
dAmodaraM bandhagato nityameva japannaraH || 22||
keshavaM puNDarIkAkShaM puShkarAkShaM tathA japet |
netrabAdhAsu sarvAsu hR^iShIkeshaM bhayeShu cha || 23||
achyutaM chAmR^itaM chaiva japedauShadhakarmaNi |
bhrAjiShNumagnihAnau cha japedAlambane sthitam || 24||
sa~NgrAmAbhimukhaM gachChansaMsmaredaparAjitam |
pAtAlanarasiMhaM cha jalaprataraNe smaret || 25||
chakriNaM gadinaM chaiva shAr~NgiNaM khaDginaM tathA |
kShemArthe prasavanrAjandikShu prAchyAdiShu smaret || 26||
ajitaM chAdhikaM chaiva sarvaM sarveshvaraM tathA |
saMsmaretpuruSho bhaktyA vyavahAreShu sarvadA || 27||
nArAyaNaM sarvakAlaM kShutapraskhalitAdiShu |
grahanakShatrapIDAsu devabAdhATavIShu cha || 28||
dasyuvairinirodheShu vyAghrasiMhAdisa~NkaTe
andhakAre cha tIvre cha narasiMhamanusmaret |
taratyakhiladurgANi tApArto jalashAyinam || 29||
garuDadhvajAnusmaraNAdApadbhyo muchyate naraH |
jvaraduShTashirorogaviShavIryaM prashAmyati || 30||
snAne devArchane home praNipAte pradakShiNe |
kIrtayedbhagavannAma vAsudeveti tatparaH || 31||
sthagane vittadhAnyAderapadhyAne cha duShTaje |
kurvIta tanmanA bhUtvA anantAchyutakIrtanam || 32||
nArAyaNaM shAr~NgadharaM shrIdharaM puruShottamam |
vAmanaM khaDginaM chaiva duHsvapneShu cha saMsmaret || 33||
ekArNavAhiparya~NkashAyinaM cha naraH smaret |
vAyvagnIgR^ihadAhAya pravR^iddhAvupalakShya cha || 34||
vidyArthI mohavibhrAntivegAghUrNitamAnasaH |
manuShyo munishArdUla sadAshvashirasaM smaret || 35||
balabhadraM  samR^id.hdhyarthI sIrakarmaNi kIrtayet |
jagatsUtimapatyArthI stuvanbhaktyA na sIdati || 36||
japtavyaM suprajAkhyaM tu devadevasya sattama |
dampatyorAtmasambandhe vivAhAkhye punaH punaH || 37||
shrIshaM sarvAbhyudayike karmaNi samprakIrtayet |
ariShTAnteShvasheSheShu vishokaM cha sadA japet || 38||
marutpratApAgnijalabandhanAdiShu mR^ityuShu |
svAtantryaparatantreShu vAsudevaM japedbudhaH || 39||
sarvArthashaktiyuktasya devadevasya chakriNaH |
yadvAbhirochate nAma tatsarvArtheShu kIrtayet || 40||
sarvArthasiddhimApnoti nAmnAmekArthatA yataH |
sarvANyetAni nAmAni parasya brahmaNo.anagha || 41||
evametAni nAmAni devadevasya kIrtayet
yaM yaM kAmamabhidhyAyettaM tamApnotyasaMshayam |
sarvAnkAmAnavApnoti samArAdhya jagadgurum || 42||
tanmayatvena govindamityetaddAlbhya nAnyathA |
tanmayo vA~nChitAnkAmAnyadavApnoti mAnavaH || 43||

iti viShNudharmeShu chatvAriMsho.adhyAyAntargatA
             bhagavannAmAnusAraM phalaprAptiH samAptA |

##
Proofread by PSA Easwaran 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}