% Text title : Shri Bhagavannama Ratnavali (Selected verses from Shrimad Bhagavatam) 03 04 % File name : bhagavannAmaratnAvalI.itx % Category : vishhnu % Location : doc\_vishhnu % Proofread by : Rajesh Thyagarajan % Description/comments : From Shrimad Bhagavatapurana. From stotrArNavaH 03-04 % Latest update : August 14, 2021 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Bhagavannama Ratnavali ..}## \itxtitle{.. shrIbhagavannAmaratnAvalI ..}##\endtitles ## svanAmakIrtanAdeva sulabhaM vrajavallabham | shukashAstreshvaraM kR^iShNamAshraye jagatAM patim || 1|| prathamaskandhe ApannaH santR^iti ghorAM yannAma vivasho gR^iNan | tataH sadyo vimuchyeta yadvibheti svayaM bhayam || 2|| kurvANA yatra karmANi bhagavachChikShayA sakR^it | gR^iNanti guNanAmAni kR^iShNasyAnusmaranti cha || 3|| sa vAgvisargo janatAghaviplavo yasmin pratishlokamabaddhavatyapi | nAmAnyanantasya yasho.a~NkitAni ya\- chChR^iNvanti gAyanti gR^iNanti sAdhavaH || 4|| nAmAnyanantasya gatatrapaH paThan guNyAni bhadrANi kR^itAni cha smaran | gAM paryaTaMstuShTamanA gataspR^iho kAlaM pratIkShan vimado vimatsaraH || 5|| bhaktyAveshya mano yasmin vAchA yannAma kIrtayan | tyajan kalevaraM yogI muchyate kAmakarmabhiH || 6|| kutaH punargaNato nAma tasya mahattamaikAntaparAyaNasya | yo.anantakIrtirbhagavAnananto mahAguNatvAdyamanantamAhuH || 7|| dvitIyaskandhe etannirvidyamAnAnAmichChatAmakusobhayam | yoginAM nR^ipa nirNItaM harernAmAnukIrtanam || 8|| shvaviDarAhoShTrakharaiH sammitaH puruShaH pashuH | na yatkarNapathopetaM jAtu nAma gadAbhR^itaH || 9|| tadashmasAraM hR^idayaM batedaM yadgR^ihyamANe harinAmadheye | na vikriyetAtha mukhe vikAso netre jalaM gAtraruheShu harShaH || 10|| yatkIrtanaM yatsmaraNaM yadIkShaNaM yadvandanaM yachChrvaNaM yadahaNam | lokasya sadyo vidhunoti kilbiShaM tasmai subhadrashravase namo namaH || 11|| antaHparasyurubalena gR^ihItapAdo grAheNa yUthapatirambujahasta ArtaH | AhedamAdipuruShAkhilalokanAtha\- tIrthashravashravaNama~NgalanAmadheya || 12|| dhanvantarishcha bhagavAn svayameva kIrti\- rnAmnA nR^iNAM pururujAM ruja Ashu hanti | yaj~ne cha bhAgamamR^itAyuravAvarundhe Ayushcha vedamanushAstyavatIrya loke || 13|| tR^itIyaskandhe \- yasyAvatAraguNakarmaviDambanAni nAmAni ye.asuvigame vivashA gR^iNanti | te.anekajanmashamalaM sahasaiva hitvA saMyAntyapAvR^itamR^itaM tamajaM prapadye || 14|| bhUteShu madbhAvanayA sattvenAsa~Ngamena cha | AdhyAtmikAnushravaNAnnAmasa~NkIrtanA~ncha me || 15|| yannAmadheyashravaNAnukIrtanAt yatprahvaNAdyatsmaraNAdapi kvachit | shvAdo.api sadyaH savanAya kalpate kutaH punaste bhagavannu darshanAt || 16|| aho bata shvapacho.ato garIyAn yajjihvAgre vartate nAma tubhyam | tepustapaste juhuvuH sasnurAryA brahmAnU churnAma gR^iNanti ye te || 17|| chaturthaskandhe sa prasIda tvamasmAkamAkA~NkShatAM darshanaM samparibhraShTasatkarmaNAm | kIrtyamAne nR^ibhirnAmni yaj~nesha te yaj~navighnAH kShayaM yAnti tasmai namaH || 18|| auttAnapAda bhagavAMstava shAr~NgadhanvA devaH kShiNotvavanatArtiharo vipakShAn | yannAmadheyamabhidhAya nishamya vAddhA loko.a~njasA tarati dustarama~Nga mR^ityum || 29|| pa~nchamaskandhe \- naivaMvidhaH puruShakAra urukramasya puMsAM tada~NghrirajasA jitaShaDguNAnAm | chitraM vidUravigataH sakR^idAdadIta yannAmadheyamadhunA sa jahAti bandham || 20|| atha katha~nchit skhalanachalanakShudhApatanajR^imbhaNaduravasthAnAdiShu vivashAnAM naH shrImachcharaNAravindasmaraNAya jvaramaraNadashAyAmapi sakalakashmalanirasanAni tava guNakR^itanAmadheyAni vachanagocharANi bhavantu | yasya ha vAha kShutapatanapraskhalanAdiShu sakR^innAmAbhigR^iNan puruShaH karmabandhanama~njasA vidhunoti | yasya ha vai pratibAdhanaM tviha mumukShavo.anyathaivopalabhante | yannAma shrutamanukIrtayedakasmA\- dArto yadi patitaH pralambhanAdvA | hantyaMhaH sapadi nR^iNAmasheShamanyaM kaM sheShAdbhagavata AshrayenmumukShuH || 21|| ShaShThaskandhe dUre krIDanakAsaktaM putraM nArAyaNAhvayam | plAvitena svareNochchairAjuhAvAkulendriyaH || 22|| nishamya mriyamANasya mukhato harikIrtanam | bharturnAma mahArAja pArShadAH sahasApatan || 23|| ayaM hi kR^itanirvesho janmakoTyaMhasAmapi | yadvayAjahAra vivasho nAma svastyayanaM hareH || 24|| etenaiva hyaghonasya kR^itaM syAdaghaniShkR^itam | yadA nArAyaNAyeti jagAda chaturakSharam || 25|| stenaH surApo mitradhruk brahmahA gurutalpagaH | strIrAjapitR^igohantA ye cha pAtakino.apare || 26|| sarveShAmapyaghavatAmidameva suniShkR^itam | nAmavyAharaNaM viShNoryatastadviShayA matiH || 27|| na niShkR^itairuditairbahmavAdibhi\- stathA hi shudhyatyaghavAn vratAdibhiH | yathA harernAmapadairudAhR^itai\- staduttamashlokaguNopalambhakam || 28|| naikAntikaM taddhi kR^ite.aghaniShkR^ite manaH punarvAvati chedasatpathe | tatkarmanirhAramabhIpsatAM hare\- rguNAnuvAdaH khalu sattvabhAvanaH || 29|| athainaM mApanayata kR^itAsheShAghaniShkR^itim | yadasau bhagavannAma mriyamANaH samagrahIta || 30|| sA~NketyaM pArihAsyaM vA stobhaM helanameva dA | vaikuNThanAmagrahaNamasheShAghaharaM viduH || 31|| patitaH skhalito bhagnaH sandaShTastapta AhataH | harirityavashenAha pumAnnArhati yAtanAH || 32|| aj~nAnAdatha vA j~nAnAduttamashlokanAma yat | sa~NkIrtitamaghaM puMso dahatyedho yathAnalaH || 33|| yathAgadaM vIryatamamupayuktaM yadR^ichChayA | ajAnato.apyAtmaguNaM kuryAnmantro.apyudAhR^itaH || 34|| anyathA mriyamANasya nAshuchervR^iShalIpateH | vaikuNThanAmagrahaNaM jihvA vaktumihArhati || 35|| kva chAhaM kitavaH pApaH brahmaghno nirapatrapaH | kvacha nArAyaNetyetadbhagavannAma ma~Ngalam || 36|| evaM sa viShThAvitasarvadharmoM dAsyAH patiH patito garhyakarmA | nipAtyamAno niraye hatavrataH sadyo vimukto bhagavannAma gR^ihNan || 37|| nAtaH paraM karmanibandhakR^intanaM mumukShatAM tIrthapadAnukIrtanAt | na yatpunaH karmasu sajjate mano rajastamobhyAM kalilaM tadanyathA || 38|| nAmochchAraNamAhAtmyaM hareH pashyata putrakAH | ajAmilo.api yenaiva mR^ityupAshAdamuchyata || 39|| etAvatAlamaghanirharaNAya puMsAM sa~NkIrtanaM bhagavato guNakarmanAmnAm | AkR^ishya putramaghavAn sadajAmilo.api nArAyaNeti mriyamANa upaiti muktim || 40|| jihvA na vakti bhagavan guNanAmadheyaM chetashcha na smarati tachcharaNAravindam | kR^iShNAya no namati yachChira ekadApi tAnAnayadhvamasato.akR^itaviShNukR^ityAn || 41|| sarvApadbhyo harernAmarUpayAnAyudhAni naH | buddhIndriyamanaHprANAn pAntu pArShadabhUShaNAH || 42|| brahmahA pitR^ihA goghno mAtR^ihAchAryahAghavAn | shvAdaH pulkasako vApi muchyeran yasya kIrtanAt || 43|| na hi bhagavannaghaTitaM tvadarshanAnnR^irNAmakhilapApakShayaH | yannAmnaH sakuchChravaNAt pulkaso.api muchyeta saMsArAt || 44|| saptamaskandhe yadA grahagrasta iva kvachiddhasa\- tyAkrandate dhyAyati vandate janam | muhushcha saMvakti hare jagatpate nArAyaNetyAtmaratirgatatrapaH || 45|| tadA pumAn muktasamastabandhana\- stadbhAvabhAvAnukR^itAshayAkR^itiH | nirdagdhabIjAnushayo mahIyasA bhaktipravAheNa sametyadhokShajam || 46|| aShTamaskandhe yaj~nesha yaj~napuruShAchyuta tIrthapAda\- tIrthashravashravaNama~NgalanAmadheya | ApannalokavR^ijinopashamodayAdya shaM naH kR^idhIsha bhagavannasi dInanAthaH || 47|| mantratastantratashChidraM deshakAlArhavastutaH | sarvaM karoti nishChidraM nAmasa~NgIrtanaM tada || 48|| navamaskandhe ajAnatA te mahimAnubhAvaM kR^itaM mayAghaM bhavataH priyANAm | vidhehi tasyApachitiM vidhAta\- rmuchyeta yannAmnyudite nArako.api || 42|| yannAmashrutimAtreNa pumAn bhavati nirmalaH | tasya tIrthapadaH kiM vA dAsAnAmavashiShyate || 50|| dashamaskandhe shR^iNvan gR^iNan saMsmarayaMshcha chintaya\- nnAmAni rUpANi cha ma~NgalAni te | kriyAsu yastvachcharaNAravindayo\- rAviShTachitto na bhavAya kalpate || 51|| unmAdA ye hyapasmArA dehaprANendriyadruhaH | sarve nashyantu te viShNornAmagrahaNabhIravaH || 52|| yannAma gR^ihNannakhilAn shrotR^InAtmAnameva cha | sadyaH punAti kiM bhUyastasya spR^iShTaH padA hi te || 53|| iti bruvANA virahAturA bhR^ishaM vrajastriyaH kR^iShNaviShaktamAnasAH | visR^ijya lajjAM ruruduH sma susvaraM govinda dAmodara mAdhaveti || 54|| devadeva jagannAtha puNyashravaNakIrtana | yadUttamottamashloka nArAyaNa namo.astu te || 55|| he nAtha he ramAnAtha vrajanAthArtinAshana | magnamuddhara govinda gokulaM vR^ijinArNave || 56|| manaso vR^ittayo naH syuH kR^iShNapAdAmbujAshrayAH | vAchAbhidhAnI nAmnAM kAyastatprahvaNAdiShu || 57|| nArAyaNa namaste.astu sha~NkhachakragadAdhara | dAmodarAravindAkSha govinda garuDadhvaja || 58|| devadeva jagannAtha govinda puruShottama | nArAyaNa hR^iShIkesha puNyashlokAchyutAvyaya || 59|| tIrthaM chakre nR^iponaM yadajani yaduShu svaHsaritpAdashauchaM vidvadsnigdhAH svarUpaM yayurajitaparA shrIryadarthe.anyayatnaH | yannAmAma~NgalaghnaM shrutamatha gaditaM yatkR^ito gotradharmaH kR^iShNasyaitanna chitraM kShitibharaharaNaM kAlachakrAyudhasya || 60|| ekAdashaskandhe shR^iNvan subhadrANi rathA~NgapANe\- rjanmAni karmANi cha yAni loke | gItAni nAmAni tadarthakAni gAyan vilajjo vicharedasa~NgaH || 61|| evaM vrataH svapriyanAmakIrtyA jAtAnurAgo dutachitta uchchaiH | hasatyasau roditi rauti gAya\- tyunmAdavannR^ityati lokabAhyaH || 62|| kaliM sabhAjayantyAryA guNaj~nAH sArabhAginaH | yatra sa~NkIrtanenaiva sarvasvArtho hi labhyate || 63|| kAMshchinmamAnudhyAnena nAmasa~NkIrtanAdibhiH | yogeshvarAnuvR^ittyA vA hanyAdashubhadAn shubhaiH || 64|| dvAdashaskandhe \- yannAmadheyaM mriyamANa AturaH patan skhalan vA vivasho gR^iNan pumAn | vimuktakarmArgala uttamAM gatiM prApnoti yakShyanti na taM kalau janAH || 65|| kalerdoShanidhe rAjannasti hyeko mahAn guNaH | kIrtanAdeva kR^iShNasya muktabandhaH paraM brajet || 66|| kR^ite yaddhayAyato viShNuM tretAyAM yajato makhaiH | dvApare paricharyAyAM kalau taddharikIrtanAt || 67|| shrIkR^iShNa kR^iShNasakha vR^iShNivR^iShAvanidhu\- grAjanyavaMshadahanAnapavargavIrya | govinda gopavanitAvrajabhR^ityagIta\- tIrthashrava shravaNama~Ngala pAhi bhR^ityAn || 68|| nAmaratnAvalImetAM kaNThe dhR^itvA ramApateH | taddarshanArho bhavati bhaktipUtaH pumAniha || 69|| iti shrIbhagavanAmAvalI sampUrNA | ## Proofread by Rajesh Thyagarajan \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}