% Text title            : bhagavatstotrashivakRitam
% File name             : bhagavatstotrashivakRitam.itx
% Category              : vishhnu, vishnu
% Location              : doc\_vishhnu
% Proofread by          : PSA Easwaran
% Description-comments  : Brihatstotraratnakara 1, Narayana Ram Acharya, Nirnayasagar, stotrasankhyA 211
% Latest update         : January 19, 2017
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shivakRitaM bhagavatstotram ..}##
\itxtitle{.. shivakR^itaM bhagavatstotram ..}##\endtitles ##

shrIgaNeshAya namaH |
shiva uvAcha |
jitaM ta Atmaviddhurya svastaye svastirastu me |
bhavatA rAdhasA rAddhe sarvasmA Atmane namaH || 1||
amaH pa~NkrajanAbhAya bhUtasUkShmendriyAtmane |
vAsudevAya shAntAya kUTasthAya svarochiShe || 2||
sa~NkarShaNAya sUkShmAya durantAyAntakAya cha |
namo vishvaprabodhAya pradyumnAyAntarAtmane || 3||
namo namo.aniruddhAya hR^iShIkeshendriyAtbhane |
namaH paramahaMsAya pUrNAya nibhR^itAtmane || 4||
svargApavargadvArAya nityaM shuchipade namaH |
namo hiraNyavIryAya chAturhotrAya tantave || 5||
nama UrjaiShetrayyAHpataye yaj~naretase |
tR^iptidAya cha jIvAnAM namaH sarvarasAtmane || 6||
sarvasatvAtmadehAya visheShAya sthavIyase |
nabhastraiMlokyapAlAya sahaojobalAya cha || 7||
arthali~NgAya nabhase namo.antarbahirAtmane |
namaH puNyAya lokAya amuShmai bhUrivarchase || 8||
pravR^ittAya nivR^ittAya pitR^idevAya karmaNe |
namo dharmavipAkAya mR^ityave duHkhadAya cha || 9||
namasta AshiShAmIsha manave kAraNAtmane |
namo dharmAya bR^ihate kR^iShNAyAkuNThamedhase |
puruShAya purANAya sA~NkhyayogeshvarAya cha || 10||
shaktitrayasametAya mIDhuShe.aha~NkR^itAtbhane |
chetAkUtirUpAya manovAchovibhUtaye || 11||
darshanaM no didR^ikShUNAM dehi bhAgavatArchitam |
rUpaM priyatamaM svAnAM sarvendriyaguNA~njanam || 12||
snigdhaprAvR^iDghanashyAmaM sarvasaundaryasa~Ngraham |
chArvAyatachaturbAhuM sujAtaruchirAnanam || 13||
padmakAshapalAshAkShaM sundarabhru sunAsikam |
sudvijaM sUkapolAsyaM samakarNavibhUShaNam || 14||
prItiprahasitApA~Ngamalakairupashobhitam |
lasatpa~Nkajaki~njalkadukUlaM mR^iShTakuDalam || 15||
sphuratkirITavalayahAranUpuramekhalam |
sha~NkhachakragadApadmamAlAmaNyuttamardhimat || 16||
siMhaskandhatviSho bibhratsaubhAgyagrIvakaustubham |
shriyAnapAyinyAkShiptanikaShAshmorasollasat || 17||
pUrarechakasaMvignavalivalgudalodaram |
pratisa~NkrAmayadvishvaM nAbhyAvartagabhIrayA || 18||
shyAmashroNyAdhirochiShNu dukUlasvarNamekhalam |
samachArva~NghrijaghorunimnajAnusudarshanam || 19||
padA sharatpadmapalAsharochiShA nakhadyubhirno.antaradhaM vidhunvatA |
pradarshaya svIyamapAstasAdhvasaM padaM guro mArgagurustamojuShAm || 20||
etadrUpamanudhyeyamAtmashuddhimabhIpsatAm |
yadbhaktiyogo.abhayadaH svadharmamanutiShThatAm || 21||
bhavAn bhaktimatA labhyo durlabhaH sarvadehinAm |
svArAjyasyApyabhimata ekAntenAtmavidgatiH || 22||
taM durArAdhyamArAdhyaM satAmapi durApayA |
ekAntabhaktyA ko vA~nChetpAdamUlaM vinA bahiH || 23||
yatra nirviShTamaraNaM kR^itAnto nAbhimanyate |
vishvaM vidhvaMsayan vIryashauryavisphUrjitabhruvA || 24||
kShaNArdhenApi tulaye na svargaM nApunarbhavam |
bhagavatsa~Ngisa~Ngasya martyAnAM kimutAshiShaH || 25||
athAnadhA~Nghrestava kIrtitIrthayoratarbahiHsnAnavidhUpatapApmanAm |
bhUteShvanukroshasusattvashAlinAM syAtsa~Ngamo.anugraha eSha nastava || 26||
na yasya chittaM bahirarthavibhramaM tamoguhAyAM cha vishuddhamAvishat |
yadbhaktiyogAnugR^ihItamajasA munirvichaShTe nanu tatra te gatim || 27||
yatredaM vyajyate vishvaM vishvasminnavabhAti yat |
tattvaM brahma paraM jyotirAkAshamiva vistR^itam || 28||
yo mAyayedaM pururUpayA.asR^ijadbibharti bhUyaH kShapayatyavikriyaH |
yadbhedabuddhiH sa divAtmaduHsthayA tamAtmatantraM bhagavan pratImahi || 29||
kriyAkalApairidameva yoginaH shraddhAnvitAH sAdhu jayanti siddhaye |
bhUtendriyAtaHkaraNopalakShitaM vede cha tantre cha ta eva kovidAH || 30||
tvameka AdyaH puruShaH suptashaktistayA rajaHsattvatamo vibhidyate |
mahAnahaM khaM marudagnivArdharAH surarShayo bhUtagaNA idaM yataH || 31||
sR^iShTaM svashaktyedamanupraviShTashchaturvidhaM puramAtmAMshakena |
atho vidustaM puruShaM santamantarbhukte hR^iShIkairmadhu sAraghaM yaH || 32||
sa eSha lokAnatichaNDavego vikarShasi tvaM khalu kAlayAnaH |
bhUtAni bhUtairanumeyatattvo ghanAvalIvAyurivAviShahyaH || 33||
pramattamuchchairitikR^ityachintayA pravR^iddhalobhaM viShayeShu lAlasam |
tvamapramattaH sahasAbhipadyase kShullelihAno.ahirivAkhumantakaH || 34||
kastvatpadAbjaM vijahAti paNDito yaste.avamAnavyayamAnaketanaH |
visha~NkayAsmadgururarchati sma yadvinopapattiM manavashchaturdasha || 35||
atha tvamasi no brahman paramAtman vipashchitAm |
vishvaM rudrabhayadhvastamakutashchidbhayA gatiH || 36,||
idaM japata bhadraM vo vishuddhA nR^ipanandanAH |
svadharmamanutiShThanto bhagavatyarpitAshayAH || 37||
tamevAtmAnamAtmasthaM sarvabhUteShvavasthitam |
pUjayadhvaM gR^iNantashcha dhyAyantashchAsakR^iddharim || 38||
idamAha purAsmAkaM bhagavAn vishvasR^ikpatiH |
bhR^igvAdInAmAtmajAnAM sisR^ikShuH saMsisR^ikShatAm || 39||
te vayaM noditAH sarve prajAsarge prajeshvarAH |
anena dhvastatamasaH sisR^ikShmo vidhidhAH prajAH || 40||
ya imaM shraddhayA yukto madgItaM bhagavatstavam |
adhIyAno durArAdhyaM harimArAdhayatyasau || 41||
vindate puruSho.amuShmAdyadyadichChatyasatvaram |
madgItagItAtsuprItAchChreyasAmekavallabhAt || 42||
idaM yaH kalya utthAya prA~njaliH shraddhAnvitaH |
shR^iNuyAchChrAvayenmartyo muchyate karmabandhanaiH || 43||

iti shivakR^itaM bhagavatstotraM sampUrNam ||
##
Proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}