% Text title            : Bhajana Ashtakam
% File name             : bhajanAShTakam.itx
% Category              : vishhnu, svAminArAyaNa, krishna, aShTaka
% Location              : doc\_vishhnu
% Author                : yogAnandamuni
% Acknowledge-Permission: Swaminarayan Sampradaya
% Latest update         : August 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Bhajana Ashtakam ..}##
\itxtitle{.. bhajanAShTakam ..}##\endtitles ##
(kokilaka vR^ittam)
viharati yo.akShare.akShara\-padAkShara\-muktapatiH
puruShavidho vidhiM vidhiharIshvaramukhyabudhAH |
shirasi vahanti te samuditaM kila yena mudA
hR^idi tamajaM bhaje bhavaharaM harikR^iShNamaham || 1||
prakR^itimayA guNA na cha bhavanti hi yatra harau\-
iti nigamAgamA api vadanti cha nirguNakam |
iti saguNaM guNairapi yutaM paradivyashubhai\-
rhR^idi tamajaM bhaje bhavaharaM harikR^iShNamaham || 2||
shamadama\-kaushalasamR^iti\-tapobala\-kAntibhaga\-
shrutashuchisatyatA\-svavashatArjava\-kIrtimukhAH |
aparimitA guNA dhruvatayAtra vasanti sadA
hR^idi tamajaM bhaje bhavaharaM harikR^iShNamaham || 3||
prakR^iti\-parAkShare bR^ihati dhAmani mUrtidharair
nigamanijAyudhaishcha nijapArShada\-mukhyagaNaiH |
uru ya upAsyate.api ramayA ramaNIyatanur
hR^idi tamajaM bhaje bhavaharaM harikR^iShNamaham || 4||
nikhilabhagaishcha yo.akSharapade divi devagaNai\-
rakhilavibhUtibhirvibhavabhUmirupAsyata e |
ratipatidarpahA\-ramaNaramyaka\-rUpanidhir
hR^idi tamajaM bhaje bhavaharaM harikR^iShNamaham || 5||
vijitamanobhavA bhuvi bhajanti cha yaM satataM
shamadamasAdhanaiH prashamitendriya\-vAjirayAH |
prakaTita\-mAnuShAkR^itimime munidevagaNA
hR^idi tamajaM bhaje bhavaharaM harikR^iShNamaham || 6||
dvija\-vR^iSha\-sAdhugo\-munigaNAnavituM bhuvi yo
vR^iShabhavane vR^iShAd dhR^itajanirjanako jagatAm |
prakR^itibhuvAmapi prashamituM yadadharmakulaM
hR^idi tamajaM bhaje bhavaharaM harikR^iShNamaham || 7||
R^iShibhirabhiShTuto nR^ipagaNairnata\-pAdatalaH
shrutishirasAM gaNairuditasUjjavala\-kIrtirasau |
atikR^itibhiH pragIta iti yaH kavikokilakair
hR^idi tamajaM bhaje bhavaharaM harikR^iShNamaham || 8||

iti shrIyogAnandamunivirachitaM bhajanAShTakaM sampUrNam |
##

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}