% Text title : Shri Bhaktivaijayanti Stotram 06 15 % File name : bhaktivaijayantIstotram.itx % Category : vishhnu, stotra, krishna % Location : doc\_vishhnu % Author : jIvadevAchArya % Proofread by : Gopalakrishnan % Description/comments : From stotrArNavaH 06-15 % Source : jIvadevAchArya % Latest update : September 18, 2021 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Bhaktivaijayanti Stotram ..}## \itxtitle{.. shrIbhaktivaijayantIstotram ..}##\endtitles ## shrIkR^iShNAya namaH samastahR^idayAmbhojAvadAtatviShe bhaktaughasmayamAnamAnasavate daityAvalIvidviShe | gopIvallavikAya nAyakaguNagrAmapraNAlIjuShe lIlAvaiNavikAya kAyasuShamAnIlAmbujashrIjuShe || 1|| avyaktaM shrutishekharAntaravane vyaktaM cha vR^indAvane gUDhaM vedavichArachAruvadanaigUDhaM cha gopIjanaiH | aspaShTaM hR^idi yoginAmapiH punaH spaShTaM cha sevAvatAM shrIkR^iShNaM kamanIyakAntikuhakaM brahmAdbhutaM saMshraye || 2|| padmApInapayodharapraNihitaM prANapradaM prANinAM pija~nChADambarapIvaraM praNAyinIpremApriyaM bhAvukam | pItaM padmavilochanApariShadA pratyakShataH prItayA pAyAdvaH pratimAbhinApihitaM pItAmbaraM prAbhavam || 3|| kAlo gatvara eSha kenachidaho mArgeNa yAsyatyalaM yogakShemavichAraghoranarake rAtrindivaM manjatAm | yeShAM yAti mukundachitracharitashreyo.amR^itAkarNana\- preyonanditachetasAM sumanasAM tebhyo mahadbhayo namaH || 4|| bAhvora~Nkitasha~NkhachakrayugalaM kaNThe tulasyA~nchitaM svAnte prasphuTakR^iShNapAdakamalaM nAmAmR^itADhyaM mukhe | netre harShajalojjvalaM shuchitare gAtre cha romA~nchitam | dhanyA eva vilokayanti nayanairviShNoH samaM vaiShNavam || 5|| satyaM j~nAnamanantamekamamalaM jyotiH svato bhAsvaraM brahmAnandaghanaM paraM gurumukhAdvij~nAya vedAntataH | sadyaH smerasarojasundarataraM lakShmyA mudopAsitaM tadviShNoH paramaM padaM hR^idi sadA pashyanti yatsUrayaH || 6|| avyaktaM paramaM nirAkR^iti hare rUpaM vachashchetasoH\- dUraM kevalachitprakAshamatulaM j~nAtvA shruteH shekhare | vyaktaM vistR^itapuNDarIkanayanaM vaMshIninAdapriyaM vR^indAraNyavinodava~nchanaparaM saMsevyatAM muktaye || 7|| ArdrAntaHkaraNaM guNairbhagavatastyaktAnyamArgabhramaM romA~nchairvipulaiH samAvR^itatanuM harShAshrupUrNakShaNam | AnandodayamodamAnamanishaM shrIkR^iShNanAmAmR^itaiH muktiH santanute svayaMvaravidhiM dR^iShTvA svayaM vaiShNavam || 8|| dhigjihvAM pishunasya kR^ittamusalIpuchChopamaM vihvalAM dustarkopalatADanairbhagavato bhakterdviShANAM mR^iShA | kaivalyAgamakartarIM kalipaTInirmANakAle turIM marmodbhedanasUchikAM nijahateH saMsUchikAM sUchikAm || 9|| bhedo.ayaM yAda nAma jIvaparayoH svAbhAviko vartate yadvaupAdhika eva mUrtipadavIparyantamatra dhruvaH | tatraivaM sati sevyasevakabhidA siddhA prasiddhA shrutau niShkAmo nijamuktaye paramupAsIteti vAkyaiH sphuTam || 10|| eke ShoDashaShaTpadArthaviShayaj~nAnaM samAchakShate kamaiveti vichArayanti katichidyogaM cha kechijjaguH | puMso.atha prakR^iteshcha jIvaparayorj~nAnaM pare menire sarvaM klR^iptamidaM guNairbhagavato bhaktiH paraM muktaye || 11|| yA kAchit parikalpitA khalakathA tAmAgapyajAtabhramAH pAkAyAtibhaya~NkarAya virasAkArAya labdhAshramAH | nAkAdhIshapaterapAraparamAnandAptimandAkinIM shAkAsvAdaparAH sudhAmiva sudhA nechChanti bhaktiM budhAH || 12|| kaM kaH sevata ityudIrayati yo.abhede sa ka~NkaH svayam | kA kA bhaktiritIrayanti bahu ye kAkA varAkA hi te | brahmAhaM viShame.atra me kR^itashame kiM me bhavedIshvaraH sevyo.asAviti saMlapannurugalaH so.ayaM khalashChAgalaH || 13|| svAdhyAyAdhyayane tathopaniShadAM jAte.akSharANAM grahe vij~nAte shravaNe cha jIvaparayoraikye vimuktekShaNaH | shrIkR^iShNaM bhajamAna eva bahudhA sa~NkIrtanAdyaiH sadA satyaM j~nAnamanantamekamakhilaM tadbrahma sampadyate || 14|| etaiH ShoDashabhiH padArthanichayairj~nArtairvimuktiH kathaM jalpaMstatra phalaM parasya vijayaH syAttena kiM vA tataH | j~nAnaM cheta parameshvarasya tadidaM bhaktyarthamevochitaM siddhAnteShvidamUchire sphuTataraM prAmANikAstArkikAH || 15|| dravyAdau vidite padArthanivahe kaivalyasiddhiH kathaM pANinyAdivivechanAdiva sukhaM j~nAtA bhavet prakriyA | shabdasyApyanumAnabhAvabhajanaM bauddhasya panthA na kiM tasmAdIshamupAsituM shrutamidaM dravyAdichintAphalam || 16|| brUte ShoDashaShaTpadArthakalanAt kA vA vimuktiM shrutiH kiM vA saMsmaraNaM purANavachanaM nyAyo.api kastAdR^ishaH | tarko vedavichAraNAya ghaTite.anugrAhakaH kevalaM tasyai tatpratipakShatA yadi tadA siddhA na kiM bauddhatA || 17|| bhedo.ayaM ghaTakumbhayoH samuchitaM pratyakShato gR^ihyate shrutyA kevalameva jIvaparayoH kaivalyamudbhAvyate | bhedAbhedavivechane prabhavati pratyakShayovAspade tasyAgocharake kathaM prasaratu bhrAnte.api tulyodayam || 18|| bhedaM lokanitaM vadiShyati kathaM pashchAdabhedashrutiH bhItA lokamiterbhavidhyati punaH svArthIpachAre katham | bAdhaM laukikamAnataH kathamiyaM gachChedathApauruShI | yadyeShA puraShoditA sa puruShaH kiM tvAdR^isho.anyAdR^ishaH || 19|| yasmin sarvamidaM vibhAti nihitaM yasmAt punarjAyate yasminneva layaM prayAti sakalaM karmApi yatprItaye | sarvaM karmaphalaM vimuktipadavI yasya prasAdAdbhavet yachChavAsapratimA shrutiH sa bhagavAn kaishchit kathaM neShyate || 20|| drohaM shrIparameshvare viddhate ye laukikaiH kalpanaiH vedAntairupagIyamAnacharite nyAyaishcha saMsavite | te vyarthaM pashumAraNaikarasikAH sanmArgasandUShakAH\- kanthAM karmamayIM nidhAya nibhR^itA mImAMsakA rAkShasAH || 21|| karmaiva pratipAdyatAM svasamayairnyAyaiH sahasraiH sphuTaM tasyAnuShThitisiddhaye kramavatI vyAkhyAyatAM paddhatiH | jAne yUyamihAtmanAsharasikA mImAMsakA hiMsakAH yaddrohAt parameshvarasya bhavatAM svargo.apavargo hataH || 22|| moho.ayaM kapilasya jaiminimunerdroho.ayamIshe pare tadbhuktiM kaNabhuk tathAkShacharaNastarkeNa chakre parAm | vyAsaH kR^iShNamatAnusAri kR^itavAn sUtraM nirastabhramaH kR^iShNopAsanayA samAdhivibhavaH pAta~njaleH prakramaH || 23|| svargo durgatimAgato.akShayamukho mokSho.api vikShobhitaH svechChAkalpanayAnayA rachanayA vedo.api viplAvitaH | mokShArthaM milatAM sumudhAmatimatAM sA~Nkhayena sa~NkayAvatAM dveShArthaH parameshvarasya nitarAM lAbho mahAgauravaH || 24|| vedAnIshvarasevanavyasanino muktvA tadekavratAn vidyAbhAvanayAlpayA prakaTayaM tAM pallavagrAhiNIm | nAratyeveshvara ityudIrayati yaH sUtreNa baddho gale nAshAyaiva kR^itodyamaH sa hi pashuH kAlasya nUnaM baliH || 25|| IshadrohaparAyaNaM matabhidaM naivojjvalaM kApilaM grAhyaM jaiminikalpitaM bhagavato drohAdR^ite karmatAm | nAstyeveshvara ityudIraNaparo drohaM viShaM dondhi gAm | tat pItvA nipatatyapAraniraye bhUyo vinaShTasmR^itiH || 26|| nyAyA yAntu vidUrameva bhavatAM bhaktau kR^itaj~no yadA mImAMse bahirAsva bhaktivachane yadyarthavAdAdhvanI | vedAntAH sutarAM na dAntahR^idayA bhakterna sheShA yadA bhaktyarthA yadi vo namaH samuchite mArge sukhaM sthIyatAm || 27|| bhedAkrandanavAvadUkarasanastarkeNa tarkeNa kiM tattadvedakathAvimardakuhanAsA~Nkhyena sA~Nkhayena kim | svAntAshrAntanirodhayodhakalanodyogena yogena kiM bhaktiM bhAgavatIM shrayantu sudhiyaH svargApavargapradAm || 28|| yadvedAH samudIrayanti bahudhA sveShAM cha tajjanyatAM svenaiva pratipAdayanti niyatAM tachCheShatAM karmaNAm | eShAmarpaNameva yatra niyataM mokShAya sa~njAyate tasyAbhAvamudIrayan vijayate sa syAt kathaM vaidikaH || 29|| labdhvA mAnuShajanma pUrvasukR^itaiH puNyAM cha medhAvitAM tattajjAtinijAshramasthitimimAM shrIvaiShNavaiH sa~NkathAma | shochyA yUyamamI bhaviShyatha tadA j~nAnaM shritA durlabhaM muktammanyatayA yadA bhagavato bhaktiH parityajyate || 30|| yUyaM tattvavidaH shrutismR^itigirAM j~nAnena dhautAshayAH muktyai bhAgavatI paraM bhagavatI bhaktiH samAshrIyatAm | saMsArAmbudhipAramAptumanaso dhR^itvaiva vo majjayan dhIrAH ko.api durAgraho hi bhavatAM grAho bhaviShyatyayam || 31|| j~nAnaM styAnamidaM kurudhvamamalaiH shrIviShNubhakte rasaiH karmANi pratikarmanarmasubhagaM bhaktyA tanudhvaM hareH | yogaM bhogasamAshritaM bhagavato rUpaiH shrayadhvaM sadA bhakteH sheShatayA vidhAya sakalaM dhIrAH samAdhvaM sukham || 32|| yogo roga iveha durlabhataraH khedAya sa~njAyate j~nAnaM glAnimidaM prayAti nitarAM yatnena sampAditam | marmachChedanameva karma kalitaM kleshAya sa~njAyate viShNobhaktiriyaM yadA na bhavatAM muktiH priyambhAvukI || 33|| bedAntAdhyayanAdataH prakR^itatA tasyochitA vR^ittatA tasyAnantaratAtha shabdaghaTitA tatrAdhikArIdR^ishaH | tena brahmaNi vedamAtR^ividite j~nAtuM visheSheNa tat\- kAryechChetyanuvakti vedavachanaM sUtraM cha vaiyAsikam || 34|| janmAdyasya yato bhavet sa bhagavAn brahmeti vedoditaM sUtreNAnukR^itaM tato.asya jagatAM nirmAtR^itA lakShaNam | tatsAmAnyavisheShataH shravaNato j~nAtvA vishuddhAshayaH tasyopAsanamAcharedavirataM muktyai nirasteShaNaH || 35|| vishvaM vishvakR^itA kR^itaM punaridaM tasyaiva mAyA sphuTaM sA tadbhaktivisheShato yadi nivarteteti vedoditam | utsUtraH shrutilakShaNena rahitastatkalpanAniShphalaH shAstrArambhasamarthanAya vikalo.adhyAsaH kathaM vartate || 36|| IshAdvishvamitIraNaM shrutigirAM tena prakAreNa tat j~nAtvopAsanamAmananti viduShaH kaivalyasaMsiddhaye | adhyastaM parameshvare jagadidaM naitAdR^isho dR^ishyate vedaH ko.api vR^ithaiva jalpanamidaM kaishchidbalAt kalpitam || 37|| bhrAntishchet parameshvarasya vihatA sarvaj~natA tadgatA jIvasyeti yadA sa eva kathamanyo.anyAshrayAjjIyatAm | tatrAnAditayA yadA parihR^itirjanmAntarIyaM smaran kiM sarvaM kathamullasedanubhavo naitAdR^isho vibhramaH || 38|| aj~nAte yadi ra~NgasIsashakale jAyeta rUpyabhramaH\- tasyAbhAvavinishchiteH sa na bhavet kAdhiShThitetitA | tajj~nAnaM yadi pUrvamiShTamamalabrahmAtmanAdhiShThiteH saMsArabhrama IdR^ishaH kimudaye kasmAt punarlIyatAm || 39|| yatredaM rajataM vibhAti nihitaM j~nAtaM purA kiM tato bAdhe tabdyatireka eva rajataM nedaM bhavedityataH | tattatvaprathanaM nivartayati na bhrAntiM tatastena kiM na j~nAnena nivartayet kShatarujaH sha~NkhasmR^iteH pItimA || 40|| aj~nAnAdyadi jIvatA kathamidaM sarveshvaro jAyatAM jIve chennitarAM parasparahataM mAyA tataH shrIhareH | jhAnAbhAvanivartakaM tata idaM j~nAnaM mataM j~nAninAM mAyAsantaraNe paraM bhagavato bhakteH shrutau shrUyate || 41|| yeyaM nAshrayamohinI paravashA kartushcha mAyA he sA\- yAsAvAshrayamohinI nigaditA vidyA na karturvashA | sA j~nAnena nivartate bhagavatI mAyA punarvaiShNavI bhaktyaiveha vilIyate bhagavato lIlAkR^iteH shrIpateH || 42|| svenAdhyastamidaM jagadbhagavatA svasmin yadetIyate kA yuktiH shrutireva kA na sakalaj~nAnasya yukto bhramaH | IshAjAtamidaM samastamiti chet sUtraM shrutiH shrUyate buddherbandhanameva kaishchiduditAdhyAse vR^ithA phakkikA || 43|| sarvaj~nasya kuto bhramaH kathamasau jIvo nu bhUyaH smaret adhyasyediha yadbhavena vidite.adhyAsaH kathaM jAyatAm | naivAdhiShThitinishchayAdvighaTate.adhyAso yathA pItimA sha~Nke rogashamAt paraM na khalu tajj~nAnaM bhavennishchitam || 44|| aj~nAte.api pureha shuktishakale rUpyAnubhUtismR^iteH tatlhAtibhramabAdhanaM cha rajatAbhAvaprakArAdbhavet | AropyAnubhavo yathA yadi tathAdhiShThAnasaMvedanaM pUrva brahma yadA mataM kathamasau saMsArarUpo bhramaH || 45|| tajj~nAnena vinA yadA kathamadhiShThAnaM bhramo bodhayet bAdhastatra na hi prabhuH sa hi samAropyasya vidhvaMsakaH | nAtmA chedviditaH ShaDUrmirahito dehAdvibhinno vibhuH nityaM kaH kurutAM dhanakShayakaraM duHkhAkaraM karma tat || 46|| aj~nAtvAkSharamatra yo hi yajate tasyAkhilaM kShIyate shrutyaivaM pratipAditaM bhagavatA gItAsu tavdyAkR^itam | j~nAnaM mochakamatra bandhakamidaM karmeti kaishchinmataM tajj~nAne bhagavanmate na ghaTate vaidaiH sadA sammate || 47|| bandhArthaM phalameva tatparihR^itaM karmaiva bhaktyAtmanA shrIkR^iShNarpitamekakaM vijayate saMsArato muktaye | j~nAnAnantaramIritaM bhagavataH saMsevanaM bhUribhiH vAkyairmuktiphalAnvitaiH shrutaphalaM naivArthavAdAyate || 48|| j~nAnaM pApavinAshanaM yadi bhavettatrApi mokShashrutiH saiShA~NgeShu phalashrutirnayavashAdatrArthavAdAyate | j~nAna~nchenna vidhIyate tava janA naitatpradhAnaM bhavet tasyA~Nga kimihAstu yasya bhavitA bhAvyashrutervAdatA (?) || 49|| bhatirj~nAnamapekShya sAdhayati te dvAraM vimuktiM tadA (vimukteH) tasyAH kAraNatA mataM shravaNatastatsyAditi vyAhatam | brahmAhaM na hi me bhidA bhagavatA kAchidyathArthA shrutiH kaivalyapratipAdikA bhagavatI kiM tvekamabhyarthaye || 50|| yAvatkAlabhupAdhireSha kalito dehAtmanA dR^ishyate tAvatkAlamahaM bhajAmi satataM bhaktapriyaM shrIpriyam | pItaM pa~NkajalochanAkShipuTakaiH pItaM dilAsAmbare raktaM gopanitambinIkuchataTe raktaM varollAsane || 51|| shuklaM komalamandahAsakusume shuklaM yugopakrame kR^iShNaM chArukalevare guNavare kR^iShNaM shriye saMshraye | jAtiH kAchidihAstu kashchana vidhiH prAptastathaivAshramaH taddharmasthitipAlanaM phalaparityAgena kR^iShNArpaNam || 52|| j~nAnaM tasya nijAdhikAraniyamaiH sampAdya lakShIpateH pAdAmbhoruhasevanaM hi tanute lokasya niHshreyasam | sa~njAte shravaNe tataH samudite j~nAne parAtmAshraye shuddhe.antaHkaraNe narasya sukR^ite jAtyAshramasthe kR^ite || 53|| kAme nirgalite mukundapadayorAviShkR^itAyAM ratau sAkArasya harerupAsanamidaM siddhaM shrutau muktaye | satyaM j~nAnamanantamekamakhilaM brahmAmR^itaM nishchitaM sarvAtmA parameshvaraH sa sakalaM sannirmame mAyayA || 54|| nirmAya svayameva tatra kR^itavAn svasya praveshaM prabhuH tatropAdhisamAvR^itasya niyatA bhaktirbhavedAtmanaH | j~nAnAsUtrakR^itastathopaniShadAM vyAkhyAkR^itaH paNDitAH (nAnAsUtra) tatrApyuttamabuddhayo matakR^itaH kechidvivAdapriyAH || 55|| shrIkR^iShNasya kalA bhavantu na samAsteneti nirdhAritaM tasmAttanmatabAdhanaM kathamidaM teShAM materjAyate | avyaktaM samupAsyamityupahatavyaktasya sevA shrutA sarvAsUpaniShatsu nishchitamidaM kR^iShNena gItAmR^itaiH || 56|| bhaktermuktiritIritaM bhagavatA sArUpyachintAtmikA spaShTe rAjapathe sukhAmR^itarase dhIrA ramadhvaM sukham | he dhIrAH kimihoditairbahutaraishchittasya chintAkaraiH yuShmAbhiH sakalaM shrutismR^itigataM vyAkhyAshataM j~nAyate || 57|| shAne shAstrakR^ite kR^itaM matimatAmarthArthamatyAdaraiH sarvaM tatparimuchyatAM nijakR^ite kR^iShNaH paraM sevyatAm | vAdairbhaktiriyaM gateti hR^idayaM bhUyastarAM vepate vidvAMso vimalAshayAH pratibhayAt sarvaM svayaM jAnate || 58|| niti parameshvareNa bahudhA gItAsu sarva mataM spaShTaM bhAgavataM (bhAgavate) tathA nigaditaM svargApavargapradam | ekaM brahma yathArthametadakhilaM tabdyAkR^itaM jR^imbhate sarve nirjaranAyakAshcha tadime sarvaM jagattanmayam || 59|| sarvA mUrtiriyaM sphuTA bhagavato nArAyaNasya prabhoH chetaH kevalamIhate kalayituM gopAlalIlaM mahaH |? ? ?? ? ?.. ????????????? || 60|| mAyAsairbahubhirvivAdavihitaiH siddhAntachintAbhavaiH mAyAmavyasanairalaM shrutishirastattvaM paraM chintyatAm | mAyAvibhramadAyinI marakatashyAmA manomohinI mAyA kAchana mAnase milatu me mAyUrapi~nChapriyA || 61|| sevA bhaktirapi prapattiraparA tatsaMshritiH prahvatA tadvattatparatA tadIyaparato.apAstA sharaNyA gatiH | ityekArthapadaiH shrutismR^itipurANAdyaiH samullAsitA | bhUyAdvo bhavabandhabhedanakarI bhaktirvibhorbhAsurA || 62|| yo dhyAto vimalendranIlaruchiraH kR^iShNeti sa~NkIrtitaH sadyaH kleshachayaM nihatya vitaratyAnandabodhodayam | he dhIrA bahushAstratattvakalanAsaMshuddhabuddhAshayAH shrIkR^iShNe vilasatyudAramahimAmbhodhau kathaM khidyate || 63|| tallIlAshravaNaM shubhena manasA tannAmasa~NkIrtanaM tanmUrtismaraNaM cha tatpratikR^iteH pAdAmbujopAsanam | tatpUjA vividhA namaskR^itinutistasmiMshcha tadrAsatA tatsakhyAtmanivedanena vividhA bhaktiH shrutA vaiShNavI || 64|| eShA ShoDashadheti ke.api navadhA kechittathaivAShTadhA prAhuH ke.api tathaikadheti munayo yasminna kashchidgrahaH | ekAgreNa tadAshritena manasA tiShThan muhuvaiShNavaH sarvaM yuktamidaM karoti pibatastR^iptiH sudhAyAM katham || 65|| pItaM karNapuTena yAdavapateshchitraM charitrAmR^itaM gItaM vaiNikashekhareNa muninA matyA (bhaktyA) mahatyA muhuH | nItaM bhAvanayAnurAgaghanayA svasyAntaraM sAntaraM pItaM durlabhasaurabhojjvalarasaM tApatrayonmUlanam || 66|| svAdu svAdurasAyanaM shravaNayoH santarpaNaM chetasaH kAmAyAsapipAsutopashamanaM nirvANamAshAkShudhAm | AlAnaM bhramato madena bahushaH sa~NkalpadurdantinaH saMsArajvaranAshanaM bhagavato vArtAmR^itaM pIyAtAm || 65|| keshikleshana kaMsasUdana kR^ipAmbhodhe kalAnAM nidhe krIDAkola kalApachUDa kamalAkAnta kamakIDana | kalkin keshava keshaya kratupate ka~njAkSha kambuniya krodhAdhIshvara kAlakAla kalaye kalyANadAM te kathAm || 68|| visphoTapratime dR^ishau bhagavato rUpAvalokaM vinA hastau tatparicharyayA virahitau durdagdhadarvIsamau | tannAmAmR^itapAnara~NgarahitA jihvA jalavyAlikA puchChaM vR^ishchikajaM mano harikathAhInaM nR^iNAmAntaram || 69|| netre preraya me tavAkR^itikR^ite kau.N kathAkarNane ghrANaM pUjitamAlyagandhakalane pAdAmbushaitye tvacham | naivedyAnnarasAyanaM rasayituM jihvAM manaH santataM lIlAkalpitarUpachintanavidhau bhaktapriya shrIpate || 70|| sakhyaM shrIpuruShottamena kalayet ko vA janaH prAkR^itaH tasyAbhinnatayA parapriyatayA ki~njaitadujjR^imbhate | premAnandavishR^i~Nkhalasya manasaH kiM kiM na sambhAvyate satyaM tasya pareshiturniravadhi premAspadaM tatpadam || 71|| iShTaM dattamidaM hutaM nishamitaM dattaM cha taptaM cha yat kShetrApatyakalatramitrabhavanodyAnAni yadyat priyam | tatsarvaM vinivedaye bhagavate kR^iShNAya hR^iShTAtmanA prArabdhopahR^itaM vapuH paramupAsArthaM parasyAshrayan || 72|| shrIkR^iShNAchyuta deva rAma nR^ihare jiShNo hare shrIpate viShNo mAdhava keshaveshvara vibho vishvesha vANIpate | gopAlAvyaya gopa yAdavapate govinda gopIpate nAmaikAvalikA gale milatu me mokShAya lakShmIpateH || 73|| mallIkorakamugdhamAlyamahitA mandAramUlashritAH mAkandA~nchitamAdhavImadhujharImedasvimandasmitAH | mandAndolanamodamAnamuralImAdhuryamAdyajjanAH modantAM mama mAnase madhupatermuktipradA mUrtayaH || 74|| mandodashchitahAsamunnatamukhaM mAkandamUlasthitaM mAronmAdakaraM manoramaguNaM nAyUrabarhA~nchitam | mandrApUritavaMshikAmukharitaM mAlAsamAlAlitaM mAyAmAnavavitrahaM muraripuM mokShAya manyAmahe || 75|| kekArAvakarambite kutukitAM ku~nje kanaraketake krIDAklR^iptakadambakorakakulAla~NkArakallolinIm | kAshatkalpitakA~nchanArakusumAM kArtasvarAbhAsvarAM kaivalyAkramakautukAya karuNAkAdambinIM kAmaye || 76|| mAkandasya manoramasya mahite mUle milantaM mudA mArodashchitamandahAsamukharaM mallIsrajA maNDitam | mugdhaM mauralikaM marAlagamanAmuktAvalImadhyagaM mAyAmANavakaM mahodayamaho mAnyaM maho manmahe || 77|| vedAntairbahudhoditaM budhagaNaivR^indArakairvanditaM vR^indena sphuritaM gavAM vidadhataM bAlyochitAM vikriyAm | vishvastaM vrajayauvatasya vilasadvakrAlakaM bAlakaM vidmo vaiNavikaM vilAsavivashaM vR^indAvane va~nchakam || 78|| chAturyAgamadevatA parichitA charyAvatI chAmaraiH chAmpeyastabakAvataMsasubhagA charyAvatI champakaiH | chandrAkAravishobhamAnavadanA chUDAvatI chandrakaiH charchA kAchana chetasi sphuratu me charchAvatI chandanaiH || 79|| chUDAchumbitachAruchandrakachayaM chAmIkarAbhAsvaraM cha~nchachchandanasaurabhaM chaTutaraM chAturyacharchAchaNam | chArIra~njitachAlyamAnacharaNaM chAmpeyamAlAdharaM chetashchintaya cha~nchalAparivR^itaM charchAsu chandrAnanam || 80|| nityotsAritabhedavedashirasAM nIlotpalasthAsakaM (sthAsakapadavAsaH) gopInAM mR^iganAbhileparachanAvakShojakumbhAntare | bhaktAnAM paritApashAntividhaye kalyANakAdambinI janmArambhaphalaM dR^ishAM cha jayatAt kAchit kalA kaishavI || 81|| nAnAra~Ngavasho nira~njanaraso niHshreyasodbhAvano netrAnandakaro navodayavaro nIlotpalashrIdharaH | nAdAsvAdaparo navInamadano nandAtmajo nAyako nityaM no.astu nirantaraM nayanayornityapriyo nIlimA || 82|| kAlindIkamanIyakUlamilitaM kastUrikAkandalaM kandarpodayakArmaNaikavadanaM karpUrakundasmitam | kR^iShNAchumbikadambakubjakuhare kelikriyAkomalaM (ku~njakuhare) kR^iShNAkhyaM kalaye kadA nu kalaye kautUhalaM kevalam || 83|| rAsollAsarasAyane cha rasikaM rAmAbhirArAdhitaM rAkAchandrasamAnanaM ratikaraM rAjIvarAjekShaNam | raktimastutara~NgarAgarachanaM raktollasatkuNDalaM raktAshokataroradho rasamayaM rAdhAsakhaM rAdhaye || 84|| gatvA shrIharimandiraM bhagavato rUpaM vilokyAdbhutaM prakShAlyAsya bhavAdivandhacharaNaM ga~NgAditIrthAmbubhiH | mAlAbhUShaNagandhapItavasanairnopahArakramaiH dhanyA eva divAnishaM bhagavataH sevAsukhaM tanvate || 85|| sarvavyApikadambamUlamilitaM lokatrayIpAlakaM gopAlaM paripUrNasaMvidamaho gopIjanairva~njitam | indrAdIpsitadAyakaM brajavadhUsantoShayAchyAparaM kaumAropachitaM purANapuruShaM brahma prapadye param || 86|| rAdhAki~NkaramIshvaraM trijagatAM sarvaj~namaj~naM baje chintAratnavirAjamAnacharaNaM muktAvibhUShA~njitam | pIyUShAspadalAlasaM virachitasteyaM punargorase saMseve mahimAnamadbhutaguNaM nAnAguNaM nirguNam || 87|| karpU raiH kusumaimanoj~nasuShamairdhUpaiH pradIpottamaiH sUpaiH svAdurasainarvoditaghR^itAnUpairapUpaiH sadA | pUjA shrIpuruShottamasya vibhavo yadyasti vistAryatAm | no chedasti jalaM phalaM vanabhavaM devyAstulasyA dalam || 88|| cha~nchachchampakasArasArasadalaM nIlotpalapollasa\- nmallIkesaranAgakesaralasatpunnAgabhAjA srajA | mUrtiH shrImadhusUdanasya mahitA susthairgR^ihasthairyathA vanyaiH kAshakushai rasAdapachitairduHsthairdanasthaistathA || 89|| uttAlaiH kalakAhalIkalakalairmUrchChanmR^ida~NgAravaiH ghaNTAgo~NkR^iti ghoShaNairbahutarairbherIravADambaraiH | (ghaNTaughaiH kR^ita) gAnairuttamadhAtumAturachanaiH saMshuddhagAnairdhanaiH sATopairnaTanairdanairmanoj~naghaTanaiH padmApatiM prINaye || 90|| gAnairvaiNikamAdhurIsamamilattAnaiH samAnaiH shubhaiH vAdyaiH shrotrarasAyanIyamahasAmAdyaiH satodyaistataiH (tatAtodyakaiH) | nR^itye ramyarasAnurUpaghaTanAkR^ityaiH svabhR^ityaiH kR^itaiH navyaiH stotrapadairvachomaya gavIgavyaiH subhavyairyajet || 91|| (gavIgavyaM \- gokShIram) kastUrIsurabhIkR^itairjalakaNAsiktaisastulasyA dalaiH pannIrAgurusArachandrakaNikAsammelitaishchandanaiH | klR^iptopAhR^iti pUjayan yadupatiM devAsuraiH pUjite tasminneva mahodaye svasamaye tejomaye yujyate || 92|| utphullaiH kusumaimanoj~nasuShamai ratnopamaiH sadrumaiH karpUrArachanairasheShamanasAmAnandanaishchandanaiH | nAnAkAranivedanai rasaghanaiH pIyUShakalpairnavaiH ye.atrArchanti ramApatiM savibhavAsteShAM bhavo.asambhavaH || 93|| eShA ShoDashibhistathaiva dashabhistadvat punaH pa~nchabhiH pUjA shrIpuruShottamasya rachitA yenopachAraiH kramAt | tasminneva tanoti mukti mahilA kAmena rAgodayaM tasyAyuH kR^itakR^ityabhAvamayate tasyaiva janmojjvalam || 94|| pArAvArashayaM parAvaramayaM pArAyaNaM pApinAM puNyaprachyutipUrakaM prabhuvaraM pArthapriyaM pUrvajam | puShpAmodapariShkR^itaM pulakitaM pAriplavaM pAvanaM pratyuptaM pramadAshataiH pramuditaM prANAdhikaM pUjaye || 95|| romA~njaiH samuda~nchitaishchulukitaM bibhradvapuH sundaraM netre harShajalojjvale vikasitasmerAravindashriNI | chetaH premapariplutaM bhagavato lIlApravINairguNaiH yaH stauti prativAsaraM muraharaM muktyai sa shaktaH param || 96|| saMsArajvarachandanaiH sumanasAmAnandanairvandanaiH AnandAdati nandanandanamamuM vandetayassundaraiH | tad vR^indArakavanditaM padamidaM dhikkR^itya paurandaraM vindatyavyayasaMvidaM sa paramAnandAdvitIyaM mahaH || 97|| yogI taM tanute puro muraripornAmAmR^itairAyataiH yogIndraH shrutishAsane suShamato mohollasanmAnasaH | bhogIshasphuTatalpakalpanamamuM seveta yaH keshavaM bhogIshaH sa pumAn sa eva chaturo bhukteshcha mukteH kShamaH || 98|| kAlollAsikadambakorakakule kArpUrite ketakaiH kelIku~njakuTIrake kalakalaiH kallolite kekinAm | kliShTAnAM kamanIyakAntisuShamaH kastUrikAkomalaH kalyANAni karotu kautukamayaH klR^itodayaH kAlimA || 99|| maulau nIlamaNichChaTA mR^igadR^ishAM nIlotpalaM karNayoH chakShuShya~njanara~njanaM kuchayuge kastUrikAlepanam | nIlaM netradalaM nitambaphalake pAdAmbuje ShaTpadaM (netram\-jaTA vastrA~nchalaM cha) sarvasvaM shrutishekharasya kalaye vR^indAvane vyAkR^itam || 100|| mugdhendIvaramAlikAvirachanaM vR^indAvanakShmAruhA\- mAmodAya gavAM navAmbudasamaM sAraM tamAlA~Nkuram | mAdyanmanmathamAnayauvanamadAghUrNabhruvAM subhruvA\- mAsvAdyaM mahaye maho mahadaho mAdhuryamUlAyanam || 101|| dikpAlAvalimaulira~njitapadAmbhojaM trilokeshvaraM gopastrIjanavastramoShaNakalAparINapATachcharam | lakShmIkalpitadivyatalpavilasatparya~NkaparyAkulaM kAlindItaTasaikatIyashayane svechChAsuShuptaM shraye || 102|| yaddaNDagrahaNaM kaShAyavasanAdAnaM shiromuNDanaM bhaktiM bhAgavatIM vinA hatamateH tatkevalaM daNDanam | kR^iShNAne yadi daNDavannipatanaM tadyAtanAM daNDayet yAtAyAtakR^itAM bhavet (bhave) paribhave tatsambhavenmaNDanam || 103|| daNDenaikatareNa kiM gurutarairdaNDaistribhiH kiM kR^itaM dIrghashmashrubhavairjaTAyatajaTAbhArairapArairalam | keshakleshanaveSha eSha bhagavadbhaktiM vinA sajjanAH shrInArAyaNamAshrayadhvamiha vo muktau yadA kAmanA || 104|| naivedyaudanabhojanaM bhagavato nirmAlyamAlyottamaiH bhUShA tachcharaNAbjaku~NkumakaNairphAlasthaloddhR^ilanam | tanyuktAmbaraDambarairanupamairuShNIShasaMveShTanaM bhUyAsurmama muktaye munimatAH sevAbhiShekotsavAH || 105|| naivedyaM purupottamasya surasaM pIyUShasAropamaM sAmodaistulasIdalaiH parichitaM sarvAdhagarvApaham | karparotkarasaurabhaM shubhataraM chakShurmanora~njanaM bhu~njAno bhavara~njanaM kalayate viShNoH padaM kevalam || 106|| dAsyAya kShaNikAyuShAM prabhavate devAvalIsampadAM nairAshyAya phaleShu darshitamahAlobheShu bhogechChayA | lAsyAya priyasampadAM vidadhate vikhyAtamAchAryakaM dAsyAya spR^ihayAmahe bhagavato mokShaikadIkShAguroH || 107|| nityaM karmakarau karau shuchitarau sevAkathAtatparau pAdau sundaramandirAgamasusaMvAdau sadArdrai kR^itau | ghrANaM maulivimuktamugdhatulasIghrANe kR^itaprINane vidvattA kavitA vichitracharite kR^iShNasya me nandatAm || 108|| jAratvaM gurutalpadoShashamanaM gopIShu yasya prabhoH sadyo brahmavadhaM dhunoti bahudhA yadbrahmarakShovadhaH | strIbhiH shIdhuniShevaNaM gurusudhApAnaM kShiNoti kShaNAt (gurusurApAnaM) steyaM gorasamoShaNaM shatamaho tatsa~NgamaH sa~NgamaH || 109|| vedAntairbahudhAvR^itaM shrutishataiH sa~NghAkR^itaM shrIkR^itaM siddhAntairurarIkR^itaM munivaraiH sarvaiH purANairvR^itam | chitta svAsthyahR^itaM hareNa vivR^itaM mokShArthamatyAdR^itaM (chittA) shrIkR^iShNasya nipIyatAM rasabhR^itaM shrotreNa nAmAmR^itam || 110|| lIlAsaMshravaNe haro.atirasikaH shrInAradaH kIrtane brahmA saMsmaraNe padAmburuhayoH saMsevane padmajA | pUjAyAM suranAyakaH stutividhau vyAso garutmAn punaH dAsye sakhyakR^ite naro.apyatirataH svAtmArpaNe shrIpateH || 111|| eko.api triguNAnubimbakalayA traividhyamAbhAsayan mAyAkalpalatAshrayaH shukamukhaiH saMsevito yo dvijaiH | AyAsairaphalairalaM kR^itadhiyaH so.ayaM paraM sevyatAM nIlakShmAdharamaulimaNDanamaNiH kaivalyakalpadrumaH || 112|| devashreNikirITapa~NkajavisaMvAdena pAdena ta\- dvedodIritachitprakAshaparamAhlAdena nAdena tat | siddhaM chedakhilaM manoj~namuralInAdena mAdena no vAgADambarajR^immamANakalahonmAdena vAdena kim || 113|| ityeShA puruShottamasya kathitA bhaktirvimuktipradA nAsyAM vAdakathA tathA matimatAM kalyANinI shobhate | sAkArasya harerupAsanamidaM nAkArasammelanaM puMsaH santanute tanoti paramabrahmAmR^itaM kevalam || 114|| ko mUDhaH supathe sthite.api chaturairvidvajjanaiHsaMshrite nAnopadravavarjite svasukR^itairAvartitairarjite | yaiH kaishchit kR^ipaNaiH kR^itaM parihataM vij~naiH kadarthIkR^itaM kartuM duShkaramugraduHkhavikaTaM duShTaM duradhvaM shrayet || 115|| he saumatya jitaM tvayA bhagavatA pANDityakR^ityaM kR^itaM vAditvapratipAditaM tadashubhaM tattve kavitvasthitama (?) | mArgAn durgamakaNTakAtivikaTAna bhUyaH kR^itAdhogatIn yanmuktvA harirAshritaH sumanasAM svargApavargapradaH || 116|| shrIjIvaH kaviDiNDimo nR^ipaguruH ShaDdarshinIpaNDito bhaktiprasthitadeshiko.akhilakalAla~NkAraratnAkaraH | viMshatyUrdhvaprashatImitairvyarachayat padyaiH kramAdgumbhitaiH shrIkR^iShNasya samarchanAvidhikR^ite shrIvaijayantI shubhAm || 117|| shrInIlAchalavAsino bhagavato mokachintAmaNeH lIlAvigrahashAlinaH shrutishirorAjiShNuchUDAmaNeH | shrImajIvakavIshvareNa charaNAmbhojAtayorarpitA sammR^iShTA guNashAlinI vijayatAM shrIvaijayantI chiram || 118|| iti shrImatkavirAjarAjagurutrilochanAchAryatanaya shrImadbhaktiprasthAnapraNayanAbhinava bAdarAyaNa shrInArAyaNacharaNaparAyaNakaviDiNDimavAhinIpati gajarAjarAjaguru shrIjIvadevAchAryavirachitaM bhaktivaijayantIstotraM sampUrNam | ## Proofread by Gopalakrishnan \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}