% Text title            : Brahmanaproktam Sarasvatam Vishnu Stotram
% File name             : brAhmaNaproktaMsArasvataMviShNustotram.itx
% Category              : vishhnu, vishnu, vAmanapurANa, stotra
% Location              : doc\_vishhnu
% Proofread by          : PSA Easwaran
% Description/comments  : vAmanapurANa | adhyAya 86/66-110||
% Latest update         : September 27, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Brahmanaproktam Sarasvatam Vishnu Stotram ..}##
\itxtitle{.. brAhmaNaproktaM sArasvataM viShNustotram ..}##\endtitles ##
brAhmaNa uvAcha |
shrUyatAM tava yachChreyastathA.anyeShAM cha pApinAm |
samastapApashud.hdhyarthaM puNyopachayadaM cha yat || 64||
prAtarutthAya japtavyaM madhyAhne.ahnaH kShaye.api |
vA.asaMshayaM sadA japyo japatAM puShTishAntidaH || 65||
(stotram)\- OM hariM kuShNaM hR^iShIkeshaM vAsudevaM janArdanam |
praNato.asmi jagannAthaM sa me pApaM vyapohatu || 66||
charAcharaguruM nAthaM govindaM sheShashAyinam |
praNato.asmi paraM devaM sa me pApaM vyapohatu || 67||
sha~NkhinaM chakriNaM shAr~NgadhAriNaM sragdharaM param |
praNato.asmi patiM lakShmyAH sa me pApaM vyapohatu || 68||
dAmodaramudArAkShaM puNDarIkAkShamachyutam |
praNato.asmi stutaM stutyaiH sa me pApaM vyapohatu || 69||
nArAyaNaM naraM shauriM mAdhavaM madhusUdanam |
praNato.asmi dharAdhAraM sa me pApaM vyapohatu || 70||
keshavaM chandrasUryAkShaM kaMsakeshiniShUdanam |
praNato.asmi mahAbAhuM sa me pApaM vyapohatu || 71||
shrIvatsavakShasaM shrIshaM shrIdharaM shrIniketanam |
praNato.asmi shriyaH kAntaM sa me pApaM vyapohatu || 72||
yamIshaM sarvabhUtAnAM dhyAyanti yatayo |
akSharam.vAsudevamanirdeshyaM tamasmi sharaNaM gataH || 73||
samastAlambanebhyo yaM vyAvR^ittya manaso gatim |
dhyAyanti vAsudevAkhyaM tamasmi sharaNaM gataH || 74||
sarvagaM sarvabhUtaM cha sarvasyAdhAramIshvaram |
vAsudevaM paraM brahma tamasmi sharaNaM gataH || 75||
paramAtmAnamavyaktaM yaM prayAnti sumedhasaH |
karmakShaye.akShayaM devaM tamasmi sharaNaM gataH || 76||
puNyapApavinirmuktA yaM pravishya punarbhavam |
na yoginaH prApnuvanti tamasmi sharaNaM gataH || 77||
brahma bhUtvA jagatsarvaM sadevAsuramAnuSham |
yaH sR^ijatyachyuto devastamasmi sharaNaM gataH || 78||
brahmatve yasya vaktrebhyashchaturvedamayaM vapuH |
prabhuH purAtano jaj~ne tamasmi sharaNaM gataH || 79||
brahmarUpadharaM devaM jagadyoniM janArdanam |
sraShTR^itve saMsthitaM sR^iShTau praNato.asmi sanAtanam || 80||
sraShTA bhUtvA sthito yogI sthitAvasurasUdanaH |
tamAdipuruShaM viShNuM praNato.asmi janArdanam || 81||
dhR^itA mahI hatA daityAH paritrAtAstathA surAH |
yena taM viShNumAdyeshaM praNato.asmi janArdanam || 82||
yaj~nairyajanti yaM viprA yaj~neshaM yaj~nabhAvanam |
taM yaj~napuruShaM viShNuM praNato.asmi sanAtanam || 83||
pAtAlavIthIbhUtAni tathA lokAn nihanti yaH |
tamantapuruShaM rudraM praNato.asmi sanAtanam || 84||
sambhakShayitvA sakalaM yathAsR^iShTamidaM jagat |
yo vai nR^ityati rudrAtmA praNato.asmi janArdanam || 85||
surAsurAH pitR^igaNAH yakShagandharvarAkShasAH |
sambhUtA yasya devasya sarvagaM taM namAmyaham || 86||
samastadevAH sakalA manuShyANAM cha jAtayaH |
yasyAMshabhUtA devasya sarvagaM taM nato.asmyaham || 87||
vR^ikShagulmAdayo yasya tathA pashumR^igAdayaH |
ekAMshabhUtA devasya sarvagaM taM namAmyaham || 88||
yasmAnnAnyatparaM ki~nchidyasmin sarvaM mahAtmani |
yaH sarvamadhyago.anantaH sarvagaM taM namAmyaham || 89||
yathA sarveShu bhUteShu gUDho.agniriva dAruShu |
viShNurevaM tathA pApaM mamAsheShaM praNashyatu || 90||
yathA viShNumayaM sarvaM brahmAdi sacharAcharam |
yachcha j~nAnaparichChedyaM pApaM nashyatu me tathA || 91||
shubhAshubhAni karmANi rajaHsattvatamAMsi cha |
anekajanmakarmotthaM pApaM nashyatu me tathA || 92||
yannishAyAM cha yatprAtaryanmadhyAhnAparAhnayoH |
sandhyayoshcha kR^itaM pApaM karmaNA manasA girA || 93||
yattiShThatA yadvrajatA yachcha shayyAgatena me |
kR^itaM yadashubhaM karma kAyena manasA girA || 94||
aj~nAnato j~nAnato vA madAchchalitamAnasaiH |
tatkShipraM vilayaM yAtu vAsudevasya kIrtanAt || 95||
paradAraparadravyavA~nChAdrohodbhavaM cha yat |
parapIDodbhavAM nindAM kurvatA yanmahAtmanAm || 96||
yachcha bhojye tathA peye bhakShye choShye vilehane |
tadyAtu vilayaM toye yathA lavaNabhAjanam || 97||
yadbAlye yachcha kaumAre yatpApaM yauvane mama |
vayaH pariNatau yachcha yachcha janmAtare kR^itam || 98||
tannArAyaNa\-govinda\-harikR^iShNesha\-kIrtanAt |
prayAtu vilayaM toye yathA lavaNabhAjanam || 99||
viShNave vAsudevAya haraye keshavAya cha |
janArdanAya kR^iShNAya namo bhUyo namo namaH || 100||
bhaviShyannarakaghnAya namaH kaMsavighAtine |
ariShTakeshichANUradevArikShayiNe namaH || 101||
ko.anyo balerva~nchayitA tvAmR^ite vai bhaviShyati |
ko.anyo nAshayati balAddarpaM haihayabhUpateH || 102||
kaH kariShyatyathA.anyo vai sAgare setubandhanam |
vadhiShyati dashagrIvaM kaH sAmAtyapuraHsaram || 103||
kastvAmR^ite.anyo nandasya gokule ratimeShyati |
pralambapUtanAdInAM tvAmR^ite madhusUdana |
nihantA.apyathavA shAstA devadeva bhaviShyati || 104||
(phalashrutiH)\-japannevaM naraH puNyaM vaiShNavaM dharmamuttamam |
iShTAniShTaprasa~Ngebhyo j~nAnato.aj~nAnato.api vA || 105||
kR^itaM tena tu yatpApaM saptajanmAntarANi vai |
mahApAtakasa.nj~naM vA tathA chaivopapAtakam || 106||
yaj~nAdIni cha puNyAni japahomavratAni cha |
nAshayedyoginAM sarvamAmapAtramivAmbhasi || 107||
naraH saMvatsaraM pUrNaM tilapAtrANi ShoDasha |
ahanyahani yo dadyAt paThatyetachcha tatsamam || 108||
aviluptabrahmacharyaM samprApya smaraNaM hareH |
viShNulokamavApnoti satyametanmayoditam || 109||
yathaitatsatyamuktaM me na hyalpamapi me mR^iShA |
rAkShasastrastasarvA~NgaM tathA mAmeSha mu~nchatu || 110||

iti vAmanapurANe ShaDashItitamAdhyAyAntargataM
         brAhmaNaproktaM sArasvataM viShNustotraM samAptam |

vAmanapurANa | adhyAya 86/66\-110||
##
vAmanapurANa . adhyAya 86/66-110..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}