% Text title            : Brahmashivadevadibhih Kritam Vishnu Stotram
% File name             : brahmAshivadevAdibhiHkRRitaMviShNustotram.itx
% Category              : vishhnu, vishnu, bhaviShyapurANa, stotra
% Location              : doc\_vishhnu
% Proofread by          : PSA Easwaran
% Description/comments  : bhaviShyapurANa | pratisargaparva | chaturthakhaNDa | adhyAya 25/19-42||
% Latest update         : October 4, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Brahmashivadevadibhih Kritam Vishnu Stotram ..}##
\itxtitle{.. brahmAshivadevAdibhiH kR^itaM viShNustotram ..}##\endtitles ##
(brahmA\-shiva\-devAdaya UchuH)
mahattamA mUrtimayI tavAjA tadAsya pUrvAjjanitoha.amAdau |
mayA tataM vishvamidaM sadaiva yato namastatpuruShottamAya || 19||
ajasya yAmyAjjanito.ahamAdau viShNurmahAkalpakaro.adhikArI |
svakIyanAmnA tu mayA tataM tadvishve sadaivaM cha namo namaste || 20||
avyaktapAshchAtyamukhAtsujanmA shivo.ahamAdau suratattvakArI |
mayA mahAkalpakarastR^itIyA tvadAj~nayA deva namo namaste || 21||
pradhAnavaktrottarato.ahamAdau jAto gaNeshaH kila kalpakartA |
mayA tataM vishvamidaM sadaiva tasmai namaH kAruNikottamAya || 22||
ajArddhavaktrAjjanito.ahamAdau marunmahAkalpakaro mahendraH |
mayA tataM vishvamidaM svakalpe yadAj~nayA deva namo namaste || 23||
prathAnabhAlAkShisamudbhavo.ahaM vahnermahAkalpakaro guhAkhyaH |
vinirmitaM vishvamidaM mayA tadyadAj~nayA nAtha namo namaste || 24||
ajAmukhAtpUrvagatAchcha jAtashchAdau mahAkalpakaro.ahamagniH |
brahmANDametachcha mayA tataM vai brahmANDakalpAya namo namaste || 25||
ajAbhujAddakShiNato.ahamAdau jAto mahAkalpakaraH sadharmaH |
mayA sadevai rachitaM samagraM li~NgAkhyakalpAya namo namaste || 26||
ajAbhujAtpashchimato.ahamAdau jAto mahAkalpakaraH sa yaj~naH |
mayA tataM vishvamidaM samagraM matsyAkhyakalpAya namo namaste || 27||
pradhAnabAhUttarato.ahamAdau jAto mahAkalpakaraH prachetAH |
mayA tataM nAtha tavAj~nayedaM karmAkhyakalpAya namo namaste || 28||
brahmANDatamaso jAtastvaddAso.ahaM vibhIShaNaH |
mayA tataM trilokaM cha namaste manurUpiNe || 29||
brahmANDasadguNAjjAtashchitto.ahaM manukArakaH |
mayA tataM cha trailokyaM svAyambhuva namo.astu te || 30||
brahmANDarajaso jAto vAyurmanvantaraM tatam |
mayA svArochiShaM svAminnamaste manurUpiNe || 31||
brahmANDamanaso jAto dhruvo.ahaM manukArakaH |
mayottamaM cha rachitaM namaste.astu tavAj~nayA || 32||
brahmANDashravaNAjjAto vishvakarmAhamIshvaraH |
mayA tataM raivataM cha namo deva tavAj~nayA || 33||
brahmANDadehato jAtassUryo.ahaM chAkShuShapradaH |
tavAj~nayA tataM vishvaM manurUpAya te namaH || 34||
brahmANDanetrato jAtaH somo.ahaM tu mayA tatam |
vaivasvatAntaraM ramyaM namaste manurUpiNe || 35||
brahmANDarasanAjjAto moho.ahaM manukArakaH |
namaste manurUpAya mayA sAvarNikaM tatam || 36||
brahmANDaghrANato jAto budho.ahaM nAtha ki~NkaraH |
nirmitaM brahmasAvarNaM mayA tAta namo namaH || 37||
brahmANDavaktrato jAto jIvo.ahaM manukArakaH |
mayA vai dakShasAvarNaM tataM tatte namo namaH || 38||
brahmANDakarato jAtaH shukrohaM tava ki~NkaraH |
nirmitaM rudrasAvarNaM mayA tubhyaM namo namaH || 39||
brahmANDapadato jAto mando.ahaM nAtha te.anugaH |
tataM vai dharmasAvarNaM prabhAte.asmai namo namaH || 40||
brahmANDali~Ngato jAto rAhushchAhaM tava priyaH |
mayA bhaumaM kR^itaM nAtha namaste manurUpiNe || 41||
brahmANDaguhyato jAtaH ketushchAhaM tavAnugaH |
bhautaM manvataraM sR^iShTaM tasmai devAya te namaH || 42||

iti bhaviShyapurANe pratisgaparve chaturthakhaNDe pa~nchaviMshAdhyAyAntargataM
         brahmA\-shiva\-devAdibhiH kR^itaM viShNustotraM samAptam |

bhaviShyapurANa | pratisargaparva | chaturthakhaNDa | adhyAya 25/19\-42||
##
bhaviShyapurANa . pratisargaparva . chaturthakhaNDa . adhyAya 25/19-42..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}