% Text title            : Brahmana Kritam 4 Vishnu Stotram
% File name             : brahmaNAkRRitaM4viShNustotram.itx
% Category              : vishhnu, vishnu, viShNupurANa, stotra
% Location              : doc\_vishhnu
% Proofread by          : PSA Easwaran
% Description/comments  : viShNupurANa | adhyAya 1/9/40-67||
% Latest update         : October 2, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Brahmana Kritam 4 Vishnu Stotram ..}##
\itxtitle{.. brahmaNA kR^itaM 4 viShNustotram ..}##\endtitles ##
brahmovAcha |
namAmi sarvaM sarveshamanantamajamavyayam |
lokadhAmadharAdhAramaprakAshamabhedinam || 40||
nArAyaNamaNIyAMsamasheShANAmaNIyasAm |
samastAnAM gariShThaM cha bhUrAdInAM garIyasAm || 41||
yatra sarvaM yataH sarvamutpannaM satpuraHsaram |
sarvabhUtashcha yo devaH parANAmapi yaH paraH || 42||
paraH parasmAtpuruShAtparamAtmasvarUpadhR^ik |
yogibhishchintyate yo.asau muktihetormumukShubhiH || 43||
sattvAdayo na santIshe yatra cha prAkR^itA guNAH |
sa shuddhaH sarvashuddhebhyaH pumAnAdyaH prasIdatu || 44||
kalAkAShThAmuhUrttAdikAlAsUtrasya gochare |
yasya shaktirna shuddhasya sa no viShNuH prasIdatu || 45||
prochyate paramesho hi yaH shuddho.apyupachArataH |
prasIdatu sa no viShNurAtmA yaH sarvadehinAm || 46||
yaH kAraNaM cha kAryaM cha kAraNasyApi kAraNam |
kAryasyApi cha yaH kAryaM prasIdatu sa no hariH || 47||
kAryakAryasya yatkAryaM tatkAryasyApi yaH svayam |
tatkAryakAryabhUto yastatashcha praNatAH sma tam || 48||
kAraNaM kAraNasyApi tasya kAraNakAraNam |
tatkAraNAnAM hetuM taM praNatAH sma pareshvaram || 49||
bhoktAraM bhogyabhUtaM cha sraShTAraM sR^ijyameva cha |
kAryakartR^isvarUpaM taM praNatAH sma paraM padam || 50||
vishuddhabodhavannityamajamakShayamavyayam |
avyaktamavikAraM yattadviShNoH paramaM padam || 51||
na sthUlaM na cha sUkShmaM yanna vishShaNagocharam |
tatpadaM paramaM viShNoH praNamAmaH sadA.amalam || 52||
yasyAyutAyutAMshAMsho! vishvashaktiriyaM sthitA |
parabrahmasvarUpaM yatpraNamAmastamavyayam || 53||
yadyoginaH sadodyuktAH puNyapApakShaye.akShayam |
pashyanti praNave chintyaM tadviShNoH paramaM padam || 54||
yanna devA na munayo na chAhaM na cha sha~NkaraH |
jAnanti parameshasya tadviShNoH paramaM padam || 55||
shaktayo yasya devasya brahmaviShNushivAtmikAH |
bhavantyabhUtapUrvasya tadviShNoH paramaM padam || 56||
sarvesha sarvabhUtAtmansarva sarvAshrayAchyuta |
prasIda viShNo bhaktAnAM vraja no dR^iShTigocharam || 57||

iti viShNupurANe prathamabhAge navamAdhyAyAntargataM
         brahmaNA kR^itaM viShNustotraM samAptam |

viShNupurANa | adhyAya 1/9/40\-67||
##
viShNupurANa . adhyAya 1/9/40-67..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}