% Text title            : Brahmana Kritam 6 Vishnu Stotram
% File name             : brahmaNAkRRitaM6viShNustotram.itx
% Category              : vishhnu, vishnu, viShNupurANa, stotra
% Location              : doc\_vishhnu
% Proofread by          : PSA Easwaran
% Description/comments  : viShNupurANa | adhyAya 5/1/36-51||
% Latest update         : October 2, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Brahmana Kritam 6 Vishnu Stotram ..}##
\itxtitle{.. brahmaNA kR^itaM 6 viShNustotram ..}##\endtitles ##
brahmovAcha |
dve vidye tvamanAmnAyaparA chaivAparA tathA |
ta eva bhavato rUpe mUrttAmUrttAtmike prabho || 35||
dve brahmaNI tvaNIyo.atisthUlAtmansarva sarvavit |
shabdabrahmaparaM chaiva brahma brahmamayasya yat || 36||
R^igvedastvaM yajurvedassAmavedastvatharvaNaH |
shikShA kalpo niruktaM cha chChando jyotiShameva cha || 37||
itihAsapurANe cha tathA vyAkaraNaM prabho |
mImAMsA nyAyashAstraM cha dharmashAstrANyadhokShaja || 38||
AtmA.a.atmadehaguNavadvichArAchAri yadvachaH |
tadapyAdyapate nAnyadadhyAtmAtmasvarUpavat || 39||
tvamavyaktamanirdeshyamachintyAnAmavarNavat |
apANipAdarUpaM cha shuddhaM nityaM parAtparam || 40||
shR^iNoShyakarNaH paripashyasi tvamachakShurUpo bahurUparUpaH |
apAdahasto javano grahItA tvaM vetsi sarvaM na cha sarvavedyaH || 41||
aNoraNIyAMsamasatsvarUpaM tvAM pashyato j~nAnanivR^ittiragryA |
dhIrasya dhIrasya bibhartti nAnyadvareNyarUpAtparataH parAtman || 42||
tvaM vishvanAbhirbhuvanasya goptA sarvANi bhUtAni tavAntarANi |
yadbhUtabhavyaM yadaNoraNIyaH pumAMstvamekaH prakR^iteH parastAt || 43||
ekashchaturddhA bhagavAnhutAsho varchovibhUtiM jagato dadAsi |
tvaM vishvatashchakShuranantamUrtte tredhA padaM tvaM nidadhAsi dhAtaH || 44||
yathAgnireko bahudhA samidhyate vikArabhedairavikArarUpaH |
tathA bhavAnsarvagataikarUpI rUpANyashShANyanupuShyatIsha || 45||
ekaM tavAgryaM paramaM padaM yatpashyanti tvAM sUrayo j~nAnadR^ishyam |
tvatto nAnyatki~nchidasti svarUpaM yadvA bhUtaM yachcha bhavyaM parAtman || 46||
vyaktAvyaktasvarUpastvaM samaShTivyaShTirUpavAn |
sarvaj~nassarvavitsarvashaktij~nAnabalarddhimAn || 47||
anyUnashchApyavR^iddhishcha svAdhIno nAdimAnvashI |
klamatandrIbhayakrodhakAmAdibhirasaMyutaH || 48||
niravadyaH paraH prApterniradhiShTho.akSharaH kramaH |
sarveshvaraH parAdhAro dhAmnAM dhAmAtmako.akShayaH || 49||
sakalAvaraNAnItanirAlambanabhAvana |
mahAvibhUtisaMsthAna namaste puruShottama || 50||
nAkAraNAtkAraNAdvA kAraNAkAraNAnna cha |
sharIragrahaNaM vApi dharmatrANAya kevalam || 51||

iti viShNupurANe pa~nchamabhAge prathamAdhyAyAntargataM
         brahmaNA kR^itaM viShNustotraM samAptam |

viShNupurANa | adhyAya 5/1/36\-51||
##
viShNupurANa . adhyAya 5/1/36-51..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}