% Text title            : Brahmakritam 12 Vishnu Stotram
% File name             : brahmakRRitaM12viShNustotram.itx
% Category              : vishhnu, vishnu, mahAbhArata, stotra
% Location              : doc\_vishhnu
% Proofread by          : PSA Easwaran
% Description/comments  : mahAbhArata | bhIShmaparva | adhyAya 61/42-70||
% Latest update         : November 2, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Brahmakritam 12 Vishnu Stotram ..}##
\itxtitle{.. brahmakR^itaM 12 viShNustotram ..}##\endtitles ##
vishvAvasurvishvamUrtirvishvesho viShvakseno vishvakarmA vashI cha |
vishveshvaro vAsudevo.asi tasmAdyogAtmAnaM daivataM tvAmupaimi || 42||
jaya vishva mahAdeva jaya lokahite rata |
jaya yogIshvara vibho jaya yogaparAvara || 43||
padmagarbha vishAlAkSha jaya lokeshvareshvara |
bhUtabhavyabhavannAtha jaya saumyAtmajAtmaja || 44||
asa~NkhyeyaguNAjeya jaya sarvaparAyaNa |
nArAyaNa suduShpAra jaya shAr~Ngadhanurdhara || 45||
sarvaguhyaguNopeta vishvamUrte nirAmaya |
vishveshvara mahAbAho jaya lokArthatatpara || 46||
mahoraga varAhAdya harikesha vibho jaya |
harivAsa vishAmIsha vishvAvAsAmitAvyaya || 47||
vyaktAvyaktAmitasthAna niyatendriya sendriya |
asa~NkhyeyAtmabhAvaj~na jaya gambhIra kAmada || 48||
ananta viditapraj~na nityaM bhUtavibhAvana |
kR^itakArya kR^itapraj~na dharmaj~na vijayAjaya || 49||
guhyAtmansarvabhUtAtmansphuTasambhUtasambhava |
bhUtArthatattva lokesha jaya bhUtavibhAvana || 50||
Atmayone mahAbhAga kalpasa~NkShepatatpara |
udbhAvana manodbhAva jaya brahmajanapriya || 51||
nisargasargAbhirata kAmesha parameshvara |
amR^itodbhava sadbhAva yugAgne vijayaprada || 52||
prajApatipate deva padmanAbha mahAbala |
AtmabhUta mahAbhUta karmAtma~njaya karmada || 53||
pAdau tava dharA devI disho bAhurdivaM shiraH |
mUrtiste.ahaM surAH kAyashchandrAdityau cha chakShuShI || 54||
balaM tapashcha satyaM cha dharmaH kAmAtmajaH prabho |
tejo.agniH pavanaH shvAsa Apaste svedasambhavAH || 55||
ashvinau shravaNau nityaM devI jihvA sarasvatI |
vedAH saMskAraniShThA hi tvayIdaM jagadAshritam || 56||
na sa~NkhyAM na parImANaM na tejo na parAkramam |
na balaM yogayogIsha jAnImaste na sambhavam || 57||
tvadbhaktiniratA deva niyamaistvAM samAhitAH |
archayAmaH sadA viShNo parameshaM maheshvaram || 58||
R^iShayo devagandharvA yakSharAkShasapannagAH |
pishAchA mAnuShAshchaiva mR^igapakShisarIsR^ipAH || 59||
evamAdi mayA sR^iShTaM pR^ithivyAM tvatprasAdajam |
padmanAbha vishAlAkSha kR^iShNa duHsvapnanAshana || 60||
tvaM gatiH sarvabhUtAnAM tvaM netA tvaM jaganmukham |
tvatprasAdena devesha sukhino vibudhAH sadA || 61||
pR^ithivI nirbhayA deva tvatprasAdAtsadAbhavat |
tasmAdbhava vishAlAkSha yaduvaMshavivardhanaH || 62||
dharmasaMsthApanArthAya daiteyAnAM vadhAya cha |
jagato dhAraNArthAya vij~nApyaM kuru me prabho || 63||
yadetatparamaM guhyaM tvatprasAdamayaM vibho |
vAsudeva tadetatte mayodgItaM yathAtatham || 64||
sR^iShTvA sa~NkarShaNaM devaM svayamAtmAnamAtmanA |
kR^iShNa tvamAtmanAsrAkShIH pradyumnaM chAtmasambhavam || 65||
pradyumnAchchAniruddhaM tvaM yaM vidurviShNumavyayam |
aniruddho.asR^ijanmAM vai brahmANaM lokadhAriNam || 66||
vAsudevamayaH so.ahaM tvayaivAsmi vinirmitaH |
vibhajya bhAgasho.a.atmAnaM vraja mAnuShatAM vibho || 67||
tatrAsuravadhaM kR^itvA sarvalokasukhAya vai |
dharmaM sthApya yashaH prApya yogaM prApsyasi tattvataH || 68||
tvAM hi brahmarShayo loke devAshchAmitavikrama |
taistaishcha nAmabhirbhaktA gAyanti paramAtmakam || 69||
sthitAshcha sarve tvayi bhUtasa~NghAH kR^itvA.a.ashrayaM tvAM varadaM subAho |
anAdimadhyAntamapArayogaM lokasya setuM pravadanti viprAH || 70||

iti mahAbhArate bhIShmaparvaNi 33 adhyAyAntargataM
brahmakR^itaM viShNustotraM sampUrNam |

mahAbhArata | bhIShmaparva | adhyAya 61/42\-70||
##
mahAbhArata . bhIShmaparva . adhyAya 61/42-70..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}