% Text title            : Brahmakritam 1 Jagannatha Stotram
% File name             : brahmakRRitaM1jagannAthastotram.itx
% Category              : vishhnu, vishnu, skandapurANa, stotra
% Location              : doc\_vishhnu
% Proofread by          : PSA Easwaran
% Description/comments  : skandapurANa | vaiShNavakhaNDa | puruShottamakhaNDa | adhyAya 27/15-38||
% Latest update         : May 5, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Brahmakritam 1 Jagannatha Stotram ..}##
\itxtitle{.. brahmakR^itaM 1 jagannAthastotram ..}##\endtitles ##
brahmovAcha |
namastubhyaM namo mahyaM tubhyaM mahyaM namo namaH |
ahaM tvaM tvamahaM sarvaM jagadetachcharAcharam || 15||
mahadAdi jagatsarvaM mAyAvilasitaM tava |
adhyastaM tvayi vishvAtmaMstvayaiva pariNAmitam || 16||
yadetadakhilAbhAsaM tattvadaj~nAnasambhavam |
j~nAte tvayi vilIyeta rajjusarpAdibodhavat || 17||
anirvaktavyamevedaM sattvAtsattvavivekataH |
advitIya jagadbhAsa svaprakAsha namo.astu te || 18||
viShayAnandamakhilaM sahajAnandarUpiNaH |
aMshaM tavopajIvanti yena jIvanti jantavaH || 19||
niShprapa~ncha nirAkAra nirvikAra nirAshraya |
sthUlasUkShmANumahimansthaulyasUkShmavivarjita || 2\.27\.20||
guNAtIta guNAdhAra triguNAtmannamo.astu te || 21||
tvanmAyayA mohito.ahaM sR^iShTimAtraparAyaNaH |
adyApi na labhe sharma antaryyAminnamostu te || 22||
tvannAbhipa~NkajAjjAto nityaM tatraiva saMstuvan |
nAtikramitumIsho.asmi mAyAM te ko.anya IshvaraH || 23||
ahaM yathANDamadhye.asmin rachitaH sR^iShTikarmaNi |
tathAnulomakalitA brahmANDe brahmakoTayaH || 24||
sArddhatrikoTisa~NkhyAnAM viri~nchInAmapi prabho |
naiko.api tattvato vetti yathAhaM tvatpuraH sthitaH || 25||
namo.achintyamahimne te chidrUpAya namo namaH |
namo devAdhidevAya devadevAya te namaH || 26||
divyAdivyasvarUpAya divyarUpAya te namaH |
jarAmR^ityuvihInAya mR^ityurUpAya te namaH || 27||
jvaladagnisvarUpAya mR^ityorapi cha mR^ityave |
prapannamR^ityunAshAya sahajAnandarUpiNe |
bhaktipriyAya jagatAM mAtre pitre namo namaH || 28||
praNatArtivinAshAya nityodyoginnamo.astu te |
namo namaste dInAnAM kR^ipAsahajasindhave || 29||
parAya pararUpAya parampArAya te namaH |
apArapArabhUtAya brahmarUpAya te namaH || 2\.27\.30||
paramArthasvarUpAya namaste parahetave |
paramparAparivyAptaparatattvaparAya te || 31||
praNatArtivinAshAya namaH svAtmaikabhAnave |
purA yatprArthitaM svAminsR^iShTibhArAvatAraNe || 32||
tatkuruShva jagannAtha sahajAktadarUpabhAk |
tvayi prasanne kiM nAtha durlabhaM mayi vidyate || 33||
tvayaivAhaM pR^ithaglIlAbhedAdbhinnaH kR^ipAmbudhe |
aj~nAnatimirachChanne jagatkArAgR^ihAntare || 34||
bhrAmyanna dvAramApnoti tvAmR^ite muktihetave || 35||
namo namaste jagadekavandya surAsurAbhyarchitapAdapadma |
namo namastApaharaikachandra namo namaH sharmasubodhasAndra || 36||
namo namaH kalpakadUrabhUta duShprApyakAmaprada kalpavR^ikSha |
dInAsharaNyapraNataikaduHkhasa~NghoddhR^itau nityasubaddhapakSha || 37||
prasIda jagatAM nAtha magnAnAM duHkhasAgare |
kaTAkShalIlApAtena trAyasva karuNAkara || 38||

iti shrIskandapurANe vaiShNavakhaNDe puruShottamajagannAthamAhAtmye
saptaviMshAdhyAyAntargataM brahmakR^itaM jagannAthastotraM
samAptam |

skandapurANa | vaiShNavakhaNDa | puruShottamakhaNDa | adhyAya 27/15\-38||
##
skandapurANa . vaiShNavakhaNDa . puruShottamakhaNDa . adhyAya 27/15-38..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}