% Text title            : Brahmakritam 1 Shri Krishna Stotram
% File name             : brahmakRRitaM1shrIkRRiShNastotram.itx
% Category              : vishhnu, vishnu, krishna, brahmavaivartapurANa, stotra
% Location              : doc\_vishhnu
% Proofread by          : PSA Easwaran
% Description/comments  : brahmavaivartapurANa | shrIkRRiShNajanma, pUrvabhAga | adhyAya 20/37-51||
% Latest update         : March 22, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Brahmakritam 1 Shri Krishna Stotram ..}##
\itxtitle{.. brahmakR^itaM 1 shrIkR^iShNastotram ..}##\endtitles ##
brahmovAcha |
sarvasvarUpaM sarveshaM sarvakAraNakAraNam |
sarvAnirvachanIyaM taM namAmi shivarUpiNam || 37||
navInajaladAkAraM shyAmasundaravigraham |
sthitaM jantuShu sarveShu nirliptaM sAkShirUpiNam || 38||
svAtmArAmaM pUrNakAmaM jagadvyApijagatparam |
sarvasvarUpaM sarveShAM bIjarUpaM sanAtanam || 39||
sarvAdhAraM sarvavaraM sarvashaktisamanvitam |
sarvArAdhyaM sarvaguruM sarvama~NgalakAraNam || 40||
sarvamantrasvarUpaM cha sarvasampatkaraM varam |
shaktiyuktamayuktaM cha staumi svechChAmayaM vibhum || 41||
shaktIshaM shaktibIjaM cha shaktirUpadharaM varam |
saMsArasAgare ghore shaktinaukAsamanvitam || 42||
kR^ipAluM karNadhAraM cha namAmi bhaktavatsalam |
AtmasvarUpamekAntaM liptaM nirliptameva cha || 43||
saguNaM nirguNaM brahma staumi svechChAsvarUpiNam |
sarvendriyAdidevaM tamindriyAlayameva cha || 44||
sarvendriyasvarUpaM cha virADrUpaM namAmyaham |
vedaM cha vedajanakaM sarvavedA~NgarUpiNam || 45||
sarvamantasvarUpaM cha namAmi parameshvaram |
sArAtsArataraM dravyamapUrvamanirUpiNam || 46||
svatantramasvatantraM cha yashodAnandanaM bhaje |
santaM sarvasharIreShu tamadR^iShTamanUhakam || 47||
dhyAnAsAdhyaM vidyamAnaM yogIndrANAM guruM bhaje |
rAsamaNDalamadhyasthaM rAsollAsasamutsukam || 48||
gopIbhiH sevyamAnaM cha taM dhareshaM namAmyaham |
satAM sadaiva santaM tamasantamasatAmapi || 49||
yogIshaM yogasAdhyaM cha namAmi shivasevitam |
mantrabIjaM mantrarAjaM mantradaM phaladaM phalam || 50||
mantrasiddhisvarUpaM taM namAmi cha parAtparam |
sukhaM duHkhaM cha sukhadaM duHkhadaM puNyameva cha || 51||
puNyapradaM cha shubhadaM shubhabIjaM namAmyaham |
ityevaM stavanaM kR^itvA dattvA gAshcha sa bAlakAn || 92||
nipatya daNDavadbhUmau ruroda praNanAma cha |
dadarsha chakShurunmIlya vidhAtA jagatAM mune || 53||
brahmaNA cha kR^itaM stotraM nityaM bhaktyA cha yaH paThet |
iha loke sukhaM bhuktvA yAtyante shrIhareH padam || 54||
labhate dAsyamatulaM sthAnamIshvarasannidhau |
labdhvA cha kR^iShNasAnnidhyaM pArShadapravaro bhavet || 55||

iti shrIbrahmavaivartapurANe shrIkR^iShNajanmakhaNDe pUrve viMshAdhyAyAntargataM
         brahmakR^itaM shrIkR^iShNastotraM samAptam |

brahmavaivartapurANa | shrIkR^iShNajanma, pUrvabhAga | adhyAya 20/37\-51||
##
brahmavaivartapurANa . shrIkRRiShNajanma, pUrvabhAga . adhyAya 20/37-51..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}