% Text title            : Brahmaprakashakhyabrahmachariproktam Balakrishna Stotram
% File name             : brahmaprakAshAkhyabrahmachAriproktaMbAlakRRiShNastotram.itx
% Category              : vishhnu, vishnu, krishna, lakShmInArAyaNIyasaMhitA, stotra
% Location              : doc\_vishhnu
% Proofread by          : PSA Easwaran
% Description/comments  : lakShmInArAyaNIyasaMhitA | khaNDa 2 | adhyAya 61/83-111||
% Latest update         : February 5, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Brahmaprakashakhyabrahmachariproktam Balakrishna Stotram ..}##
\itxtitle{.. brahmaprakAshAkhyabrahmachAriproktaM bAlakR^iShNastotram ..}##\endtitles ##
ityukto brAhmaNaH prAha guroryogAdahaM tava |
prajvAlya sarvapApAni kariShye mokShaNaM dhruvam || 83||
yadi shushrUShito vahnirguroH shushrUShUNAdanu |
vratAni vA suchIrNAni mokSho bhavatu rakShasaH || 84||
yadyahaM pitaraM devaM guruM cha mAtaraM harim |
gauraveNA.abhivandAmi mokSho bhavatu rakShasaH || 85||
yadyahaM manasA vAchA karmaNA cha guruM harim |
nA.avamAne yojayAmi mokSho bhavatu rakShasaH || 86||
japa rAkShasa deveshaM shrIkR^iShNaM puruShottamam |
harikR^iShNaM hR^iShIkeshaM vAsudevaM janArdanam || 87||
praNato.asmi jagannAthaM sa cha mokShaM dadhAtu me |
charAcharaguruM nAthaM kR^iShNanArAyaNaM prabhum || 88||
sha~NkhinaM chakriNaM shAr~NgadhAriNaM dhvajinaM harim |
praNato.asmi patiM lakShmyAH sa cha mokShaM dadhAtu me || 89||
dAmodaraM puNDarIkanetraM cha sheShashAyinam |
praNato.asmi cha govindaM sa cha mokShaM dadhAtu me || 90||
nArAyaNaM naraM pR^ithvIdharaM dhAmAdhivAsinam |
praNato.asmi prabhAnAthaM sa cha mokShaM dadhAtu me || 91||
shrIvatsavakShasaM shrIshaM shrImatpAravatIpatim |
praNato.asmi ramAkAntaM sa cha mokShaM dadhAtu me || 92||
yatayo yaM chintayanti rAdhA ra~njayati prabhum |
samastAlambanamUrtiM tamasmi sharaNaM gataH || 93||
parabrahmA.asa~NkhyagopIpatiM shrIkambharAsutam |
sarvAdhAraM sarvagaM cha tamasmi sharaNaM gataH || 94||
paramAtmAnamAtmasthaM karmakShAlanashaktikam |
punarbhavaprabhettAraM tamasmi sharaNaM gataH || 95||
IshAn devAnR^iShIn pitR^In mAnavA.Nshcha sarIsR^ipAn |
pAdapAn jalajAn svedodbhavAn sR^ijati rakShati || 96||
brahmarUpadharaM jagadyoniM trAtAramachyutam |
gopAlakR^iShNabAlaM cha tamasmi sharaNaM gataH || 97||
yaj~nesha chAntakaM sarvAntaryAmiNaM pareshvaram |
yasmAnnAnyatparaM ki~nchit tamasmi sharaNaM gataH || 98||
shubhA.ashubhAni kAryANi janmAntarakR^itAni me |
anAdishrIkR^iShNanArAyaNastAni vyapohatu || 99||
yannishAyAM cha yatprAtaryanmadhyAhnA.aparAhNayoH |
sandhyayoshcha kR^itaM pApaM tanme sarvaM praNashyatu || 100||
yattiShThatA yadvrajatA yachcha shayyAgatena vai |
kR^itaM duHkhakaraM karma kAyena manasA girA || 101||
aj~nAnato j~nAnato vA madAchchalitachetasA |
tatkShipraM vilayaM yAtu bAlakR^iShNasya kIrtanAt || 102||
paradAraparadravyavA~nchChAdrohodbhavaM cha yat |
mahAtmanAM pranindAM cha kurvatA paraduHkhadAm || 103||
kR^itaM pApaM marmabhedivachasA tatpraNashyatu |
yachcha bhojye tathA peye bhakShye choShye vilehane || 104||
yadbAlye yachcha kaumArye yatpApaM yauvane mama |
vayaHpariNatau yachcha yachcha janmAntare kR^itam || 105||
tadanAdikR^iShNanArAyaNeti japakIrtanAt |
prayAtu vilayaM sadyo mokShadasya prabhAvanAt || 106||
anAdishrIkR^iShNanArAyaNAya haraye namaH |
kambharAshrInandanAya bAlakR^iShNAya te namaH || 107||
shrImadgopAlakR^iShNasya bAlakAya namo namaH |
etadbhadra mayA.a.akhyAtaM tava pAtakanAshanam || 108||
svargadaM mokShadaM divyaM stotraM yadguruNoditam |
anena bAlakR^iShNaM tvaM samArAdhaya rAkShasa! || 109||
pratyahaM tvaM stavenA.anenA.api smR^itvA cha lomasham |
guruM tathA parabrahma shrIkR^iShNapuruShottamam || 110||
stutvA bhaktiM dR^iDhAM kR^itvA tataH pApAt pramokShyase |
stuto bhaktyA bhaktavashaH sarvapApaharo hariH || 111||

iti shrIlakShmInArAyaNIyasaMhitA | khaNDa 2| adhyAya 61\-adhyAyAntargataM
brahmaprakAshAkhyabrahmachAriproktaM bAlakR^iShNastotraM sampUrNam |

lakShmInArAyaNIyasaMhitA | khaNDa 2| adhyAya 61/83\-111||
##
lakShmInArAyaNIyasaMhitA . khaNDa 2. adhyAya 61/83-111..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}