% Text title            : Brahmeshadharmakritam Shri Krishnastotrarajapathanam
% File name             : brahmeshadharmakRRitaMshrIkRRiShNastotrarAjapaThanam.itx
% Category              : vishhnu, vishnu, krishna, brahmavaivartapurANa, stotra
% Location              : doc\_vishhnu
% Proofread by          : PSA Easwaran
% Description/comments  : brahmavaivartapurANa | shrIkRRiShNajanma, pUrvabhAga | adhyAya 5/94-119||
% Latest update         : March 22, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Brahmeshadharmakritam Shri Krishnastotrarajapathanam ..}##
\itxtitle{.. brahmeshadharmakR^itaM shrIkR^iShNastotrarAjapaThanam ..}##\endtitles ##
brahmovAcha |
varaM vareNyaM varadaM varadAnAM cha kAraNam |
kAraNaM sarvabhUtAnAM tejorUpaM namAmyaham || 93||
ma~NgalaM ma~NgalAnAM cha ma~NgalaM ma~Ngalapradam |
samastama~NgalAdhAraM tejorUpaM namAmyaham || 94||
sthitaM sarvatra nirliptamAtmarUpaM parAtparam |
nirIhamavitarkyaM cha tejorUpaM namAmyaham || 95||
saguNaM nirguNaM brahma jyotIrUpaM sanAtanam |
sAkAraM cha nirAkAraM tejorUpaM namAmyaham || 96||
tamanirvachanIyaM cha vyaktamavyaktamekakam |
svechChAmayaM sarvarUpaM tejorUpaM namAmyaham || 97||
guNatrayavibhAgAya rUpatrayadharaM param |
kalayA te kR^itAH sarve kiM jAnanti shruteH param || 98||
sarvAdhAraM sarvarUpaM sarvabIjamabIjakam |
sarvAntakamanantaM cha tejorUpaM namAmyaham || 99||
lakShyaM ShaDguNarUpaM cha varNanIyaM vichakShaNaiH |
kiM varNayAmi lakShyaM cha tejorUpaM namAmyaham || 5\.100||
asharIraM vigrahavadindriyaM yadatIndriyam |
yadasAkShi sarvasAkShi tejorUpaM namAmyaham || 101||
gamanArhamapAdaM yadachakShuH sarvadarshanam |
hastAsyahInaM yadbhoktR^i tejorUpaM namAmyaham || 102||
vede nirUpitaM vastu santaH shaktAshcha varNitum |
vede.anirUpitaM yattattejorUpaM namAmyaham || 103||
sarveshaM yadanIshaM yatsarvAdi yadanAdi yat |
sarvAtmakamanAtmaM yattejorUpaM namAmyaham || 104||
ahaM vidhAtA jagato vedAnAM janakaH svayam |
pAtA dharmo haro hartA stotuM shaktA na ke.api yat || 105||
sevayA tava dharmo.ayaM pAlane cha nirUpitaH |
tavAj~nayA cha saMhartA tvayA kAle nirUpite || 106||
niHsheShotpattikarttA.ahaM tvatpAdAmbhojasevayA |
karmiNAM phaladAtA cha tvaM bhaktAnAM cha naH prabhuH || 107||
brahmANDe bimbasadR^ishe bhUtvA viShayiNo vayam |
evaM katividhAH santi teShvananteShu sevakAH || 108||
yathA na sa~NkhyA reNUnAM tathA teShAmaNIyasAm |
sarveShAM janakashchesho yastaM stotuM cha ke kShamAH || 109||
ekaikalomavivare brahmANDamekamekakam |
yasyaiva mahato viShNoH ShoDashAMshastavaiva saH || 5\.110||
dhyAyante yoginaH sarve tavaitadrUpamIpsitam |
tvadbhaktadAsyaniratAH sevante charaNAmbujam || 111||
kishoraM sundarataraM yadrUpaM kamanIyakam |
mantradhyAnAnurUpaM cha darshayAsmAkamIshvara || 112||
navInajaladashyAmapItAmbaradharaM varam |
dvibhujaM muralIhastaM sasmitaM sumanoharam || 113||
mayUrapichChachUDaM cha mAlatIjAlamaNDitam |
chandanAgurukastUrIku~Nkumadravacharchitam || 114||
amUlyaratnasArANAM sArabhUShaNabhUShitam |
amUlyaratnarachitakirITamukuTojjvalam || 115||
sharatpraphullapadmAnAM prabhAmoShyAsyachandrakam |
pakvabimbasamAnena hyadharoShThena rAjitam || 116||
pakvadADimabIjAbhadantapa~Nktimanoharam |
kelIkadambamUle cha sthitaM rAsarasonmukham || 117||
gopIvaktrasmitatanuM rAdhAvakShaHsthalasthitam |
evaM vA~nChitarUpaM te draShTuM ko vA na chotsukaH || 118||
ityevamuktvA vishvasR^iT praNanAma punaH punaH |
evaM stotreNa tuShTAva dharmo.api sha~NkaraH svayam || 119||
nanAma bhUyo bhUyashcha sAshrupUrNavilochanaH |
tiShThato.api punaH stotraM prachakrustridasheshvarAH || 5\.120||
vyAptAstatrAshrame sarve shrIkR^iShNatejasA mune |
stavarAjamimaM nityaM brahmeshadharmabhiH kR^itam || 121||
pUjAkAle harerevaM bhaktiyuktashcha yaH paThet |
sudurlabhAM dR^iDhAM bhaktiM nishchalAM labhate hareH || 122||
surAsuramunIndrANAM durlabhaM dAsyameva cha |
aNimAdikasiddhiM cha sAlokyAdi chatuShTayam || 123||
ihaiva viShNutulyashcha vikhyAtaH pUjito dhruvam |
vAksiddhirmantrasiddhishcha bhavettasya sunishchitam || 124||
sarvasaubhAmyasaMyuktaM yashasA pUritaM jagat |
putrashcha vidyA kavitA nishchalA kamalA tathA || 125||
patnI pativratA sAdhvI sushIlA susthirAH prajAH |
kIrtishcha chirakAlInA tvante kR^iShNAntike gatiH || 126||

iti shrIbrahmavaivarte mahApurANe shrIkR^iShNajanmakhaNDe |
golokavarNane shrIkR^iShNastotrarAjapaThanaM nAma pa~nchamo.adhyAyaH || 5||

brahmavaivartapurANa | shrIkR^iShNajanma, pUrvabhAga | adhyAya 5/94\-119||
##
brahmavaivartapurANa . shrIkRRiShNajanma, pUrvabhAga . adhyAya 5/94-119..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}