% Text title            : buddhastavaH
% File name             : buddhastavaH.itx
% Category              : vishhnu, dashAvatAra, vishnu, stava
% Location              : doc\_vishhnu
% Proofread by          : PSA Easwaran psawaswaran
% Description/comments  : Edited by S. V. Radhakrishna Shastriji
% Acknowledge-Permission: Mahaperiaval Trust
% Latest update         : May 13, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Buddhastavah ..}##
\itxtitle{.. buddhastavaH ..}##\endtitles ##

ShaTchakre kramabhAvanAparigataM hR^itpadmamadhyasthitaM
sampashyachChivarUpiNaM layavashAdAtmAnamadhyAshritaH |
yuShmAkaM madhusUdano budhavapurdhArI sa bhUyAnmude
yastiShThetkamalAsane kR^itaruchirbuddhaikali~NgAkR^itiH || 1||
retoraktamayAnyamUni bhavinAM viNmUtrapUrNodarA\-
NyAlokyeva kalevarANi vigalattoyArdrarandhrANi yaH |
mAyAjAlaniyantritAni ghR^iNayA nonmIlayatyakShiNI
nirvyAjapraNidhAnanishchalamatirbud.h{}dhyai sa buddho.astu vaH || 2||
dhyAnavyAjamupetya chintayasi kAmunmIlya chakShuH kShaNaM
pashyAna~NgasharAturaM janamimaM trAtApi no rakShasi |
mithyAkAruNiko.asi nirghR^iNatarastvattaH kuto.anyaH pumAn
shashvanmAravadhUbhirityabhihito buddho jinaH pAtu vaH || 3||
AbAhUdgatamaNDalAgraruchayaH sannaddhavakShaHsthalAH
soShmANo vraNino vipakShahR^idayapronmAthinaH karkashAH |
utsR^iShTAmbaradR^iShTivibhramabharA yasya smarAgresarA
yodhA vAravadhUstanAshcha na dadhuH kShobhaM sa vo.avyAjjinaH || 4||
baddhvA padmAsanaM yo nayanayugamidaM nyasya nAsAgradeshe
dhR^itvA mUrtau cha shAntau samarasamilitau chandrasUryAkhyavAtau |
pashyannantarvishuddhaM kimapi cha paramaM jyotirAkArahInaM
saukhyAmbhodhau nimagnaH sa dishatu bhavatAM j~nAnabodhaM budho.ayam || 5||
kAmenAkR^iShya chApaM hatapaTupaTahaM valgubhirmAravIyaiH
bhrUbha~NgotkShepajR^imbhAsmitalalitadR^ishA divyanArIjanena |
siddhaiH prahvottamA~NgaiH pulakitavapuShA vismayAdvAsavena
dhyAyanyo yogapIThAdachalita iti vaH pAtu dR^iShTo munIndraH || 6||
kiM syAdbhAsvAnna bhAnoramR^itaghanarasasyandanaH santi pAdAH
kiM vA rAkAshashA~Nko na hi tuhinaruchiH kutrachinniShkala~NkaH |
sAkShAchchintAmaNiH kiM vipulaphalamaNeH saukumAryaM kutastyaM
sandehAnmugdhadhIbhiH prathamamiti muneH pAtu dR^iShTaM vapurvaH || 7||

iti buddhastavaH sampUrNaH |

##
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}