% Text title            : chakrapANistotram
% File name             : chakrapANistotram.itx
% Category              : vishhnu, vishnu
% Location              : doc\_vishhnu
% Proofread by          : PSA Easwaran psawaswaran
% Description/comments  : Edited by S. V. Radhakrishna Shastriji
% Acknowledge-Permission: Mahaperiaval Trust
% Latest update         : May 13, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Chakrapanistotram ..}##
\itxtitle{.. shrIchakrapANistotram ..}##\endtitles ##

sUryakR^itaM
(kumbhakoNe sudarshana\-narasiMha\-ghaTita chakrapANimUrteH stotram |)

devadeva jagannAtha namaste bhaktavatsala |
prapannaM pAhi mAM viShNo kR^ipayA puruShottama || 1||
aparAdhaM kShamasvAdya mayA.aj~nAnakR^itaM prabho |
tvAM vinA sharaNaM nAsti tvameva sharaNaM mama || 2||
chakrAmbuje samAsInaM chakrAdyAyudhabhUShaNam |
chakramantrAdhideveshaM chakrarAjamahaM bhaje || 3||
sarvAvayavasampUrNamaShTabAhuM trilochanam |
daMShTrAkarAlavadanaM bhayasyApi bhaya~Nkaram || 4||
ugrapi~NgalakeshADhyaM jvAlAmAlApariShkR^itam |
apradR^ishyamanirdeshyaM brahmANDavyAptavigraham || 5||
aShTAyudhaparIvAraM aShTashaktisamanvitam |
aShTAraM chakramatyugraM musalaM chA~NkushaM tathA || 6||
padmaM dakShiNapArshve tu chaturbhirbAhubhirvR^itam |
vAmataH sha~NkhasasharachApapAshagadAdharam || 7||
raktavastradharaM devaM raktamAlyopAshobhitam |
raktachandanaliptA~NgaM ratnamAlAvibhUShitam || 8||
divyaratnavichitreNa makuTena virAjitam |
duShTanigrahakartAraM bhaktAnugraharUpiNam |
sudarshanAbhidhAnaM tvAmAtmano.abhimukhaM bhaje || 9||
avyAdbhAskarasaprabhAbhirakhilAbhAbhirdisho bhAsayan
bhImAkShasphuradaTTahAsavilasaddaMShTraH pradIptAnanaH |
dorbhishchakradarau gadAbjamusalAn shAr~NgaM cha pAshA~Nkushau
bibhratpi~Ngashiroruho.atidhavalashchakrAbhidhAno hariH || 10||
madhyAhnasUryapratimaprakAshaM pisha~NgakeshaM sphuradaTTahAsam |
trirUpadIptAmbaramugramIDe chakrasthitaM chakriNamaShTabAhum || 11||
kalpAntArkaprakAshaM tribhuvanamakhilaM tejasA pUrayantaM
raktAkShaM pi~NgakeshaM ripukuladahanaM bhImadaMShTrATTahAsam |
sha~NkhaM chakraM gadAbje pR^ithutaramusalaM chApapAshA~NkushAdIn
bibhrANaM dorbhirIDyaM manasi muraripuM bhAvaye chakrapANim || 12||
triNetraM chatushchakrasaMshobhihastaM sthitaM ta~ncha pa~Nkeruhe yogapIThe |
mahogrAkR^itiM kAlavidyutsakAshaM nR^isiMhaM bhaje chakrapashchAtsusaMstham || 13||

iti sUryakR^itaM chakrapANistotraM sampUrNam |

##
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}