% Text title            : Chitraketukritam Ananta Stotram
% File name             : chitraketukRRitaManantastotram.itx
% Category              : vishhnu, vishnu, bhAgavatapurANa, stotra
% Location              : doc\_vishhnu
% Proofread by          : PSA Easwaran
% Description/comments  : bhAgavatapurANa | adhyAya 6/16/34-48||
% Latest update         : September 23, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Chitraketukritam Ananta Stotram ..}##
\itxtitle{.. chitraketukR^itaM anantastotram ..}##\endtitles ##
(sheShanAga)
chitraketuruvAcha |
ajita jitaH samamatibhiH sAdhubhi\-
rbhavAn jitAtmabhirbhavatA |
vijitAste.api cha bhajatAmakAmAtmanAM
ya Atmado.atikaruNaH || 34||
tava vibhavaH khalu bhagavan
jagadudayasthitilayAdIni |
vishvasR^ijasteM.ashAMshAstatra
mR^iShA spardhante pR^ithagabhimatyA || 35||
paramANuparamamahatostva\-
mAdyantAntaravartI trayavidhuraH |
AdAvante.api cha sattvAnAM
yaddhruvaM tadevAntarAle.api || 36||
kShityAdibhireSha kilAvR^itaH
saptabhirdashaguNottarairaNDakoshaH |
yatra patatyaNukalpaH
sahANDakoTikoTibhistadanantaH || 37||
viShayatR^iSho narapashavo
ya upAsate vibhUtIrna paraM tvAm |
teShAmAshiSha Isha tadanu
vinashyanti yathA rAjakulam || 38||
kAmadhiyastvayi rachitA
na parama rohanti yathA karambhabIjAni |
j~nAnAtmanyaguNamaye
guNagaNato.asya dvandvajAlAni || 39||
jitamajita tadA bhavatA
yadAha bhAgavataM dharmamanavadyam |
niShki~nchanA ye munaya AtmArAmA
yamupAsate.apavargAya || 40||
viShamamatirna yatra nR^iNAM
tvamahamiti mama taveti cha yadanyatra |
viShamadhiyA rachito yaH
sa hyavishuddhaH kShayiShNuradharmabahulaH || 41||
kaH kShemo nijaparayoH
kiyAnarthaH svaparadruhA dharmeNa |
svadrohAttava kopaH
parasampIDayA cha tathAdharmaH || 42||
na vyabhicharati tavekShA yayA
hyabhihito bhAgavato dharmaH |
sthiracharasattvakadambeShvapR^ithagdhiyo
yamupAsate tvAryAH || 43||
na hi bhagavannaghaTitamidaM
tvaddarshanAnnR^iNAmakhilapApakShayaH |
yannAma sakR^ichChravaNAtpulkasako.api
vimuchyate saMsArAt || 44||
atha bhagavan vayamadhunA
tvadavalokaparimR^iShTAshayamalAH |
suraR^iShiNA yaduditaM tAvakena
kathamanyathA bhavati || 45||
viditamananta samastaM tava
jagadAtmano janairihAcharitam |
vij~nApyaM paramaguroH kiyadiva
savituriva khadyotaiH || 46||
namastubhyaM bhagavate sakalajaga\-
tsthitilayodayeshAya |
duravasitAtmagataye
kuyoginAM bhidA paramahaMsAya || 47||
yaM vai shvasantamanu vishvasR^ijaH shvasanti
yaM chekitAnamanu chittaya uchchakanti |
bhUmaNDalaM sarShapAyati yasya mUrdhni
tasmai namo bhagavate.astu sahasramUrdhne || 48||

iti shrImadbhAgavatamahApurANe ShaShThaskandhe ShoDashAdhyAyAntargataM
         chitrakatukR^itaM anantastotraM samAptam |

bhAgavatapurANa | adhyAya 6/16/34\-48||
##
bhAgavatapurANa . adhyAya 6/16/34-48..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}