% Text title            : Dasibhih Karaniya Shri Krishna Stuti
% File name             : dAsIbhiHkaraNIyAshrIkRRiShNastutiH.itx
% Category              : vishhnu, vishnu, krishna, lakShmInArAyaNIyasaMhitA, stuti
% Location              : doc\_vishhnu
% Proofread by          : PSA Easwaran
% Description/comments  : lakShmInArAyaNIyasaMhitA | khaNDa 1 | adhyAya 413/41-63||
% Latest update         : January 13, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Dasibhih Karaniya Shri Krishna Stuti ..}##
\itxtitle{.. dAsIbhiH karaNIyA shrIkR^iShNastutiH ..}##\endtitles ##
taNDulairviShNupAdAbjavArimishrajalaiH shubhaiH |
snAyAttathA.archayet kAmarUpaM kR^iShNanarAyaNam || 41||
ratiM kAmaM pratiShThApya rAdhAM kR^iShNaM tu kAnakam |
lakShmIM nArAyaNaM svarNaM saMsthApya pUjayettu sA || 42||
kAmAya pAdau sampUjya ja~Nghe vai mohakAriNe |
meDhraM kandarpanidhaye kaTiM prItimate namaH || 43||
nAbhiM saukhyasamudrAya rAmAya cha tathodaram |
hR^idayaM hR^idayeshAya stanAvAhlAdakAriNe || 44||
utkaNThAyeti vaikuNThamAsyamAnandakAriNe |
vAmA~NgaM puShpachApAya puShpabANAya dakShiNam || 45||
mAnasAyeti vai mauliM vilolAyeti mUrdhajam |
sarvAtmane kR^iShNanArAyaNAtmane prasevine || 46||
kAntarUpAya chakrAdidhAriNe paramAtmane |
namo nArAyaNAyeti kAmadevAtmane namaH || 47||
kAmapitre kAmadevanivAsAya cha te namaH |
kAmamokShakarAyA.artiharAya haraye namaH || 48||
kAmabandhanakArAya kAmabandhanahAriNe |
kR^iShNa kR^iShNa kAma kR^iShNa mokShadAya cha te namaH || 49||
asmAkaM tvaM patiH kR^iShNa nAnyo.asti tvAdR^ishaH patiH |
anye svArthAH patayaste vayaM svArthAshcha yoShitaH || 50||
tvaM parArthaH parabrahma gR^ihANA.asmAnnije kare |
pAtivratyaM tvayi chAstu nAnyatra kShaNadeShu vai || 51||
kShaNadeShu bhavAnAste bhavAneva patiH prabho! |
tArayA.asmAn bhavavAhAt kR^iShNavAhe naya prabho || 52||
nAryaH kAmakR^ite sR^iShTAH bhavAn kAmarUpo hi naH |
bIjarUpo hariH kR^iShNo bAlarUpo bhavAn mataH || 53||
premarUpo li~NgarUpo bhavAneva mato hi naH |
mA bhaktAnAM yoShitAM te ki~NkarINAM durItakam || 54||
paNyatve cha kadAchidvai spR^ishatvasmA.Nstava priyAH |
yatkurmo vAmabhAgasthAH sharma karma sukhAvaham || 55||
arpayAmo bhavatyeva nirguNaM tannivartatAm |
evaM kR^iShNArpaNaM lakShmi! kAryaM vArasya yoShitA || 56||
paNyastrIbhistathA dAsyA kAryaM kR^iShNArpaNaM hi tat |
atha lakShmIM rAdhikAM cha ratiM matvA samarchayet || 57||
namaH puShTyai namastuShTyai namaH sarvArthasampade |
ana~NgajananIM vande kAmapatnyai namo namaH || 58||
kAmAtmikAyai sundaryai kR^iShNakAntyai cha te namaH |
AnandAtmakarUpiNyai tAriNyai te namo namaH || 59||
evaM prAtaH sadA paNyapramadA shrIhariM patim |
shrIpatiM pUjayet svAmibhAvena mokShaNaM vrajet || 60||
gandhairmAlyaistathA dhUpairnaivaidyairjaladIpanaiH |
kAminI chApsarasashcha pUjayechChrIjanArdanam || 61||
annadAnaM vastradAnaM dravyadAnaM dvijAtaye |
sAdhave brahmashIlAya dadyAchcha brahmachAriNe || 62||
tasmai kR^iShNAyA.arpayAmi shrIkR^iShNaH prIyatAM mama |
iti pUjAM kArayedvA kuryAt puNyapradAM satI || 63||

iti shrIlakShmInArAyaNIyasaMhitAyAM prathame kR^itayugasantAne 413\-adhyAyAntargataM
dAsIbhiH karaNIyA shrIkR^iShNastutiH |

lakShmInArAyaNIyasaMhitA | khaNDa 1| adhyAya 413/41\-63||
##
lakShmInArAyaNIyasaMhitA . khaNDa 1. adhyAya 413/41-63..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}