% Text title            : dInabandhvaShTakam
% File name             : dInabandhvaShTakam.itx
% Category              : aShTaka, vishhnu, vishnu\_misc, brahmAnanda
% Location              : doc\_vishhnu
% Author                : Swami Barhmananda
% Proofread by          : PSA Easwaran psaeaswaran at gmail.com
% Latest update         : June 13, 2013
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIdInabandhvaShTakam ..}##
\itxtitle{.. shrIdInabandhvaShTakam ..}##\endtitles ##

yasmAdidaM jagadudeti chaturmukhAdyaM yasminnavasthitamasheShamasheShamUle |
yatropayAti vilayaM cha samastamante dR^iggocharo bhavatu me.adya sa dInabandhuH || 1||

chakraM sahasrakarachAru karAravinde gurvI gadA daravarashcha vibhAti yasya |
pakShIndrapR^iShThapariropitapAdapadmo dR^iggocharo bhavatu me.adya sa dInabandhuH || 2||

yenoddhR^itA vasumatI salile nimagnA nagnA cha pANDavavadhUH sthagitA dukUlaiH |
sammochito jalacharasya mukhAdgajendro dR^iggocharo bhavatu me.adya sa dInabandhuH || 3||

yasyArdradR^iShTivashatastu surAH samR^iddhim kopekShaNena danujA vilayaM vrajanti |
bhItAshcharanti cha yato.arkayamAnilAdyAH dR^iggocharo bhavatu me.adya sa dInabandhuH || 4||

gAyanti sAmakushalA yamajaM makheShu dhyAyanti dhIramatayo yatayo vivikte |
pashyanti yogipuruShAH puruShaM sharIre dR^iggocharo bhavatu me.adya sa dInabandhuH || 5||

AkArarUpaguNayogavivarjito.api bhaktAnukampananimittagR^ihItamUrtiH |
yaH sarvago.api kR^itasheShasharIrashayyo dR^iggocharo bhavatu me.adya sa dInabandhuH || 6||

yasyA~Nghripa~NkajamanidramunIndravR^indai\- rArAdhyate bhavadavAnaladAhashAntyai |
sarvAparAdhamavichintya mamAkhilAtmA dR^iggocharo bhavatu me.adya sa dInabandhuH || 7||

yannAmakIrtanaparaH shvapacho.api nUnaM hitvAkhilaM kalimalaM bhuvanaM punAti |
dagdhvA mamAghamakhilaM karuNekShaNena dR^iggocharo bhavatu me.adya sa dInabandhuH || 8||

dInabandhvaShTakaM puNyaM brahmAnandena bhAShitam |
yaH paThet prayato nityaM tasya viShNuH prasIdati || 9|| 

iti shrIparamahaMsasvAmibrahmAnandavirachitaM shrIdInabandhvaShTakaM sampUrNam||

##
Proofread by PSA EASWARAN psaeaswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}