श्रीदैन्याष्टकम्

श्रीदैन्याष्टकम्

श्रीकृष्ण गोकुलाधीश नन्दगोपतनूद्भव । यशोदागर्भसम्भूत मयि दीने कृपां कुरु ॥ १॥ व्रजानन्द व्रजावास व्रजस्त्रीहृदयस्थित । व्रजलीलाकृतं नित्यं मयि दिने कृपां कुरु ॥ २॥ श्रीभागवतभावार्थरसात्मन् रसिकात्मक । नामलीलाविलासार्थं मयि दीने कृपां कुरु ॥ ३॥ यशोदाहृदयानन्द विहिताङ्गणरिङ्गण । अलकावृतवक्त्राब्ज मयि दीने कृपां कुरु ॥ ४॥ विरहार्तिव्रतस्थात्मन् गुणगानश्रुतिप्रिय । महादैन्यदयोद्भूत मयि दीने कृपां कुरु ॥ ५॥ अत्यासक्तजनासक्त परोक्षभजनप्रिय । परमानन्दसन्दोह मयि दीने कृपां कुरु ॥ ६॥ निरोधशुद्धहृदय दयितागीतमोहित । आत्यन्तिकवियोगात्मन् मयि दीने कृपां कुरु ॥ ७॥ स्वाचार्यहृदयस्थायिलीलाशतयुतप्रभो । सर्वथा शरणं याते मयि दीने कृपां कुरु ॥ ८॥ ॥ इति श्रीहरिदासविरचितं दैन्याष्टकं समाप्तम् ॥ Proofread by PSA Easwaran
% Text title            : dainyAShTakam 1 
% File name             : dainyAShTakam.itx
% itxtitle              : dainyAShTakam 1 (haridAsavirachitam shrIkRiShNa gokulAdhIsha nandagopatanUdbhava)
% engtitle              : dainyAShTakam 1 
% Category              : aShTaka, vishhnu, krishna, vishnu, haridAsa, puShTimArgIya
% Location              : doc_vishhnu
% Sublocation           : vishhnu
% SubDeity              : krishna
% Author                : haridAsa
% Language              : Sanskrit
% Subject               : philosophy/hinduism/religion
% Proofread by          : PSA Easwaran
% Description/comments  : puShTimArgIya stotraratnAkara
% Indexextra            : (pushti margiya stotraratnAkara)
% Latest update         : May 17, 2017
% Send corrections to   : (sanskrit at cheerful dot c om)
% Site access           : https://sanskritdocuments.org

This text is prepared by volunteers and is to be used for personal study and research. The file is not to be copied or reposted for promotion of any website or individuals or for commercial purpose without permission. Please help to maintain respect for volunteer spirit.

BACK TO TOP
sanskritdocuments.org