% Text title            : Dashavatara Prarthana
% File name             : dashAvatAraprArthanA.itx
% Category              : vishhnu, dashAvatAra
% Location              : doc\_vishhnu
% Author                : raNganAthasUri
% Proofread by          : Rajesh Thyagarajan
% Description/comments  : From Stotrasamuchchaya 2, Edited by Pandit K. Parameshwara Aithal
% Latest update         : May 10, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Dashavatara Prarthana ..}##
\itxtitle{.. dashAvatAraprArthanA ..}##\endtitles ##
matsyarUpiNo bhagavataH prArthanA\-
trayyA durjayadAnavendrahR^itayA vaiyAkulIM prApite
      nAlIkAsanamAnase sarasije bhAnorapAyena vA |
madhye.ambhonidhi yaH prahR^itya tamariM vANIM purANIM punaH
      prAdAt tasya yathApuraM sa tanutAM shrImatsyamUrtiH shriyam || 1||
kUrmarUpiNo bhagavataH prArthanA\-
yachChvAsAnilaparyudastajaladhikroDochchaladvIchikA\-
      vedhaHsaudhavighaTTanodbhaTaravo brahmANDamAsphoTayan |
daityAn mohayato harerdiviShadAM pIyUShadAnakShaNe
      sAhAyyaM vitatAna sharma kuhanAmUrtiH sa nirmAtu naH || 2||
varAharUpiNo bhagavataH prArthanA\-
daMShTrAgre pR^ithusImni yasya jaladherunmagnamUrteH purA
      ghoNe ghurghuradhUrNamAnatanutAmAseduShI medinI |
prItA shailashikhAdhirohajanitAmAdhatta divyAM shriyaM
      mAyAsUkarashekharaH sa dishatAmAmodabhUmodayam || 3||
narasiMharUpiNo bhagavataH prArthanA\-
daMShTrAMshUchchayapANDarairnakhamukhairdaityendravakShaHsthalI\-
      niShTyUtAmitaku~NkumAbharudhiraprAgbhArasambhAvitaiH |
mAlinyaM dyusadAM mamArja hR^idaye prahlAdamAhlAdayan
      yaH pUrvaM tamimaM bhajema sharaNaM vaikuNThakaNThIravam || 4||
vAmanarUpiNo bhagavataH prArthanA\-
AsId yasya vitAnamambarasarit pUrvaM parastAdasau
      shIrShatrANamabhUdatho galatale mandAramAlAbhavat |
jAtA dhautamathAMshukaM kaTitaTe pAdAravinde tataH
      sampede madhubindurItimavatAt yAch~nAvaTustadvaduH || 5||
parashurAmarUpiNo bhagavataH prArthanA\-
dR^iptakShatravadhAdhvare pitR^ivadhAmarShodayAd dIkShito
      bAhA hehayanAyakasya samidhaH sAhasramapyujjvalAH |
dhArAgrajvaladAshushukShaNishikhAmadhye kuThArasya yo
      nistandraM juhuvAmbabhUva munirADavyAdabhavyAt sa naH || 6||
shrIrAmabhadrarUpiNo bhagavataH prArthanA\-
vIraH ko.api sakR^innatArtiharaNashraddhAvishuddhAshayaH
      kAmaM kAmapi sampadaM vitanutAmAkalpamalpetarAm |
yasyApA~NgajashoNimA stanataTe sehe na muktAshriyaM
      netre kajjalakAlimAnamapi cha kravyAdavAmabhruvAm || 7||
balabhadrarUpiNo bhagavataH prArthanA\-
yasyAhurmusalaM halaM praharaNaM sa~NgrAmasImAjuSho
      bhettuM vairishirodhanAn namayituM chAnyAnapekShaM budhAH |
yenAkArShi cha hastinaM kurumadajvAlArujaM jAhnavI\-
      pUre tyAjayituM sa lA~NgaladharaH kurvIta gurvI shriyam || 8||
shrIkR^iShNarUpiNo bhagavataH prArthanA\-
anviShTo.api chirAdakR^itrimagirAM shreNIbhireNIdR^ishAM
      gopAlAhvayajanmanAM tu sulabhaM svAtmAnamAdhatta yaH |
yo vishvasya niyantR^itAmanubhavantrapyAvahad dUtatAM
      baghnImo.a~njalimAdareNa karuNAdigdhAya mugdhAtmane || 9||
kalkirUpiNo bhagavataH prArthanA\-
rAjanyApashandairjagadvipadala~NkarmINacharyApadai\-
      rnirmUle nikhile kalerupachayAd dharme mahImaNDale |
prAdurbhUya kR^ipANapANiratha tAn nirdhUya bhUyaH purA
      dharmaM kArtayugaM pravartayati yaH kalkI shriyai kalpatAm || 10||
iti kaushikara~NganAthasUriH sukumAraiH padagumbhanaiH stuvan san |
paramaM puruShaM dashAvatAram . \-.\- .\- . shobhate kR^itArthaH ||

iti ra~NganAthasUrivirachitA shrIdashAvatAra prArthanA samAptA |
stotrasamuchchayaH 2 (61)
##
Proofread by Rajesh Thyagarajan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}