% Text title            : Dashavatara Stotram 13
% File name             : dashAvatArastotram13.itx
% Category              : vishhnu, dashAvatAra
% Location              : doc\_vishhnu
% Proofread by          : Vani V
% Description/comments  : Sanskrit Bharati Jan-Mar 1920 Vol 3, No 1 p 5 (17)
% Latest update         : March 18, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. dashAvatArastotram ..}##
\itxtitle{.. dashAvatArastotram ..}##\endtitles ##
magnA yadAjyA pralaye payodhA buddhArito yena tadA hi vedaH |
mInAvatArAya gadAdharAya tasmai namaH shrImadhusUdanAya || 1||
kalpAntakAle pR^ithivIM dadhAra,pR^iShThe.achyuto yaH salile nimagnAm |
kUrmAvatArAya namo.astu tasmai pItAmbarAya priyadarshanAya || 2||
rasAtalasthA dharaNI kilaiShA daMShTrAgrabhAgena dhR^itA hi yena |
varAharUpAya janArdanAya tasmai namaH kaiTabhanAshanAya || 3||
stambhaM vidArya praNataM hi bhaktaM rakSha prahlAdamatho vinAshya |
daityaM namo yo narasiMhamUrtirdIptAnalArkadyutaye tu tasmai || 4||
Chalena yo.ajashcha baliM ninAya pAtAladeshaM hyatidAnashIlam |
anantarUpashcha namaskR^itaH sa mayA harirvAmanarUpadhArI || 5||
piturvadhAmarShararyeNa yena triHsaptavArAnsamare hatAshcha |
kShatrAH pitustarpaNamAhita~ncha tasmai namo bhArgavarUpiNe te || 6||
dashAnanaM yaH samare nihatya,baddhA payodhiM harisainyachArI |
ayonijAM satvaramuddadhAra sItApatiM taM praNamAmi rAmam || 7||
vilolanenaM madhusiktavaktraM prasannamUrtiM jvaladarkabhAsam |
kR^iShNAgrajaM taM balabhadrarUpaM nIlAmbaraM sIrakaraM namAmi || 8||
padmAsanasthaH sthirabaddhadR^iShTirjitendriyo ninditajIvaghAtaH |
namo.astu te mohavinAshakAya jinAya buddhAya cha keshavAya || 9||
mlechChAn nihantuM labhate tu janma kalau cha kalkI dashamAvatAraH |
namo.astu tasmai narakAntakAya devAdidevAya mahAtmane cha || 10||

iti dashAvatArastotraM sampUrNam |

##
Encoded and proofread by Vanbi V.

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}