% Text title            : Devadibhih Kritam Krishnanarayana Stotram
% File name             : devAdibhiHkRRitaMkRRiShNanArAyaNastotram.itx
% Category              : vishhnu, vishnu, lakShmInArAyaNIyasaMhitA, stotra, krishna
% Location              : doc\_vishhnu
% Proofread by          : PSA Easwaran
% Description/comments  : lakShmInArAyaNIyasaMhitA | khaNDa 1 | adhyAya 531/72-97||
% Latest update         : February 5, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Devadibhih Kritam Krishnanarayana Stotram ..}##
\itxtitle{.. devAdibhiH kR^itaM kR^iShNanArAyaNastotram ..}##\endtitles ##
sarvAnandA muktayashcha yasyA.akShikoNake sthitAH |
sarve devAshcha R^iShaya IshvarA yanmanobhavAH || 72||
tasmAyanAdishrIkR^iShNanArAyaNAya vai namaH |
svAmine bAlarUpAya vallabhAya cha te namaH || 73||
muktAnAM pataye dhAmnAM pataye te namo namaH |
avatAravR^indadhartre IshvareshAya te namaH || 74||
rAdhAlakShmIsvAmine te jayAyAH pataye namaH |
lalitAmANikIpadmApArvatIshAya te namaH || 75||
prabhAvR^indAtulasIshrIpadmAvatIsha te namaH |
ma~njulAkAnta haMsesha yogIshesha cha te namaH || 76||
kamalAkAnta siddhIsha te pratyakSha namonamaH |
namo hR^idayavAsAtha sarvAntaryAmiNe namaH || 77||
namaH mayUrapichChADhyamukuTadhAriNe namaH |
namaH kaustubhasaMshobhadvakShaHsthalAya te namaH || 78||
namaH kuNDalakarNAya svarNahArAya te namaH |
sarvashaktisvarUpAya kAmakAmAya te namaH || 79||
naikAsuravinAshAya bhaktatrANAya te namaH |
bhaktavA~nchChitadAtre te shrIkR^iShNAya namo namaH || 80||
dhanyeyaM ku~NkumavApI dhanyo.ayaM lomasho muniH |
ashvapaTTasaro dhanyaM dhanyaM vyAghravanaM shubham || 81||
dhanyA ime cha R^iShayo dhanyA drutR^iNabhUruhAH |
dhanyAH pakShagamA jIvA dhanyA bhUvAsakAriNaH || 82||
dhanyA narAstathA nAryo dhanyaM charAcharaM tvidam |
yatra vai bAlarUpastvaM vartase puruShottamaH || 83||
dR^ishyase sarvaviShayo gamyase j~nAnibhiH khalu |
adya naH saphalaM janma puNyaM naH pAravarjitam || 84||
sR^iShTisa~nchAlakairyo na prApyate dR^ishyase.atra naH |
anekajanmashuddhAnAM darshanaM te.atra yujyate || 85||
asmAkaM chAtra sa~njAtaM puruShArthachatuShTayam |
sharaNyaM yatpadaM labdhaM pratyakShaM sevanochitam || 86||
ityevaM stavanaM kR^itvA bAlaveShaM pumuttamam |
pupUjuH parayA bhaktyA shR^i~NgAritaM jagatprabhum || 87||
upadAH pradaduH sarve chakrushcha tilakaM shubham |
ArArtrikaM prachakrushcha nemustuShTuvurAdarAt || 88||
pradakShiNaM prachakrushcha naivedyaM vividhaM daduH |
devA devyaH puShpavR^iShTiM chakruH kR^iShNasya mUrdhani || 89||
mahotsave koTisho vai bhuvanAnAM nivAsinaH |
samAyAtA jayantyAM shrIkR^iShNanArAyaNasya te || 90||
darshanaM cha prasAdaM cha charaNAmR^itamityapi |
shubhAshiShashcha sa~NgR^ihya yayurnijAlayaM mudA || 91||
anAdishrIkR^iShNanArAyaNasyaitat stavaM shubham |
paramaishvaryajanakaM sukhadaM sampadApradam || 92||
nirvANamokShadaM lakShmi! haribhaktipradaM param |
akShareshapadadAtR^i sarvasiddhipradaM varam || 93||
lobhamohakAmakrodhakarmamUlanikR^intanam |
balabuddhipradaM chaiva janmamR^ityuvinAshanam || 94||
dhanaputrapriyAbhUmipatisampatpradaM nR^iNAm |
shokaduHkhaharaM yashcha paThedvA shR^iNuyAchcha vA || 95||
bandhanAnmuchyate duHkhI bhIto muchyeta vai bhayAt |
rogAdvimuchyate rogI daridrashcha dhanI bhavet || 96||
dasyugrasto ripugrasto hiMsrajantusamAvR^itaH |
stotreNA.anena vai lakShmi! kalyANaM labhate janaH || 97||

iti shrIlakShmInArAyaNIyasaMhitAyAM prathame kR^itayugasantAne 531\-adhyAyAntargataM
devAdibhiH kR^itaM kR^iShNanArAyaNastotraM sampUrNam |

lakShmInArAyaNIyasaMhitA | khaNDa 1| adhyAya 531/72\-97||
##
lakShmInArAyaNIyasaMhitA . khaNDa 1. adhyAya 531/72-97..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}