% Text title            : Devadibhih Kritam Narayana Stotram
% File name             : devAdibhiHkRRitaMnArAyaNastotram.itx
% Category              : vishhnu, vishnu, skandapurANa, stotra
% Location              : doc\_vishhnu
% Proofread by          : PSA Easwaran
% Description/comments  : skandapurANa | vaiShNavakhaNDa | vAsudevakhaNDa | adhyAya 15/1-37||
% Latest update         : May 15, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Devadibhih Kritam Narayana Stotram ..}##
\itxtitle{.. devAdibhiH kR^itaM nArAyaNastotram ..}##\endtitles ##
brahmovAcha |
vichAryyA.ahaM vedAnmuhurupagato nishchayamimaM
ramArAme bhaktistvayi dR^iDhatarA yarhyasubhR^itAm |
bhavettarhyevaiShAM kShayavirahitA bhoganikarA\-
stathA syurlokA vai paramapuruShAtyantikagatiH || 1||
ajAnantastvitthaM bhR^itarajatamaskAnapi hare
bhajantyasmAndevAnbahuvidhatapo.archchAsaraNibhiH |
ta evoktA mUDhAH kShayarahitasaukhyaM na kuhachi\-
llabhante.atastvAM vai nijahR^idi dadhe keshavamaham || 2||
sha~Nkara uvAcha |
trayI sA~NkhyavedAntayogAH purANaM tathA pa~ncharAtraM prabho dharmashAstram |
tavaivAtimAhAtmyamekasya nityaM prakArairanekairhi gAyanti bhaktyA || 3||
tvadevesha shAstrANi chaitAni bhUmno babhUvustvadekAshrayANyAdikalpe |
ramAsevyapAdAmbujaM shAstrayoniM tamAdyaM bhavantaM bhaje vAsudevam || 4||
dharma uvAcha |
kathA tvadIyA bhavapAshamochanI sudhaiva tApatrayataptadehinAm |
anekajanmAghachayApahAriNI tanoti bhaktiM vayunaM tavA~njasA || 5||
sadaiva sA karNapathena hR^iddarIM vishatvanantAbhidha sammukhodgatA |
mama tvadanyA haratAchcha vAsanA dayAbdhaye te prabhaviShNave namaH || 6||
prajApataya UchuH |
dhanyA ete kalpavR^ikShA yadIyAM ChAyAmetAmAshritastvaM sahashrIH |
dhanyaH kartA maNDapasyAsya te vai dhanyaiShA bhUryatra pIThaM tavesha || 7||
dhanyo loke nUnameSho.amburAshiH sAkShAttubhyaM yena dattA svakanyA |
dhanyAshchaite tvAM vayaM vIkShamANA dhanyeshAnaM shrIpatiM tvAM natAH smaH || 8||
manava UchuH |
dharmaH khalu sa hi paramo dharmebhyo mAdhava sakalebhyo.api |
bhaktirbhavati yato vai dharmabhuvi tvayi hi niravadyA || 9||
dharmAtmAnaM bhagavandharmadhurINaM cha dharmapAtAram |
sarvAtipriyadharmaM numastvAM dharmasambhUtim || 9\.15\.10||
R^iShaya UchuH |
bhaktyA hInastvadvimukho vayunArthI
shrAmyanbhUyopyasya na siddhiM samupaiti |
tarhyAsaktaH karmaNi kAmye tu kuto.asau
saukhyaM yAyAdakShayamAnandamahAbdhe || 11||
bhaktyA nityaM tvAmata eva vayaM vai shraddhAyuktA dharmataponigamAdyaiH |
mAyAtItaM kAlaniyantAramudAraM dhyAyAmaH shrIkAntaparAtparamekam || 12||
indra uvAcha |
bhagavannuruduHkhitA vayaM nanu durvAsasa eva helanAt |
na bhavantamR^ite.avituM hi no vidhirudrapramukhA ime.ashakan || 13||
vigatAkhilasampado nirannAH samabhAvaM bhuvi pAmarairupetAH |
bhavataiva vayaM hR^itApadaH smaH sapadi shrIharaye namo.astu tubhyam || 14||
agniruvAcha |
gIrvANadAnavanarAdyupajIvanAnnaM
yannirmitaM hi bhavataiva tato budhAstu |
yaj~neShu tena yajanaM tava kurvate.atho
tvachCheShamanyadiviShadbhya upAnayanti || 15||
kAmyeShu karmasu ratA api yAj~nikAste
tatkarmabandhanata Ashu vimuchya yAnti |
brAhmIM gatiM taditare tu bhavanti chaurAH
shrIyaj~napUruShamahaM praNamAmi taM tvAm || 16||
maruta UchuH |
bhaktA ekAntikAste.akSharaparamapade sevayA te tu hInaM
vAsaishvaryAdi nechChantyatishayitasukhaM nApi kaivalyamokSham |
tadyuktaM tvAtmano.api shvapachakulajanurmAnayantyuttamaM vai
taM tvAmekAntadharmAshrayaNamupagatAH shrImahApUruShaM smaH || 17||
siddhA UchuH |
naikabrahmANDasargAdikAraNaM tvAmakAraNam |
tatsthaM tadvyatiriktaM cha niyantAraM namAmahe || 18||
rudrA UchuH |
mAyAyAH sarvamohinyA mohanaM mohavarjitam |
mahAkAlasyApi kAlaM tvAM namaH puruShottamam || 19||
AdityA UchuH |
prakAshitA yena vayaM jaganti prakAshayAmo bhavatA ramesha |
svayamprakAshaM tamuruprakAshaM prakAshamUrttiM praNatA bhavantam || 9\.15\.20||
sAdhyA UchuH |
shAstA nR^ipANAM cha mahoragANAM daityAdhipAnAM cha surAdhipAnAm |
tvaM vai manUnAM cha prajApatInAM rAjAdhirAjAya namo.astu tubhyam || 21||
vasava UchuH |
bhavati bhuvi yadA yadA.asurAMshaiH prathitasanAtanadharmadhArmikANAm |
kadanamuru tadA tadA svayaM te hyavatarate praNamAma dharmagoptre || 22||
chAraNA UchuH |
charitraM shubhaM te dhR^itAnekamUrtteH prabandhairanekairhi gAyanti bhaktAH |
yadu shrotR^ivaktR^InpunAtyeva sadyo vayaM taM natAH puNyakIrttiM bhavantam || 23||
gandharvApsarasa UchuH |
ye kathAste vihAyAnyagAthAH prabho kIrttayante.atha shR^iNvanti vA te janAH |
duHkhitAH syushcha saMsArapAshaiH sitAstaM natAH smaH sharaNyaM bhavantaM vayam || 24||
samudra uvAcha |
ajita tavA.atha tAvakajanasya mudA.alpamapi
draviNajalAnnavastranamanAnyatamena sakR^it |
charati ha sevanaM sa padavIM mahatIM mahatAM
vrajati jano.alpako.api tamahaM praNataH karuNam || 25||
pArShadA UchuH |
pitarau tvamasi svajanastvamasi tvamasIShTaguruH suhR^idAtmapatiH |
tvamasIshvara eva cha naH paramastvamasi draviNaM sakalaM tvamasi || 26||
mUrttiruvAcha |
yatsambandhata eva yAnti padavImuchchAM mahadbhirnnutAM
strIshUdrAsuranIchapakShipashavaH pApAtmajIvA api |
yaddhInA vibudheshvarA api bhavantyarchchojjhitAstatkShaNaM
golokAdhipatiM tameva hR^idaye nityaM bhaje tvAmaham || 27||
sAvitryuvAcha |
tvaM sargakAle prakR^itiM cha pUruShaM dR^iShTyA svayotthApya tatastadAtmanA |
tattvAni sR^iShTvA mahadAdimAnitairnnaikAnvirAjo bahudhA sasarjitha || 28||
vairAjarUpeNa jagadvidhAtR^itAM svIkR^itya devAsuramAnuShoragAn |
tvaM sthAvaraM ja~NgamamIsha nirmame tvAmAdikartAramupAshrito.asmyaham || 29||
durgovAcha |
priyatayA.adhikayA hR^idi chintanaM vidadhate tava ye bhuvi te vibho |
na parameShThisukhaM na divaH sukhaM na kamayanti dharaikanareshatAm || 9\.15\.30||
prasabhamarpitamapyatulaM tvayA sukhamidaM samavApya cha tatra te |
tadapahAya na shaktikR^itaH kShaNaM tamu namAmi cha sAtvatanAyakam || 31||
nadya UchuH |
varada namanamAtraM nAmasa~NkIrtanaM vA vidadhati tava ye vai j~nAnato.aj~nAnato vA |
janimR^itiyamabhItestAnapi trAyamANaM narasakhamupayAtAH smo.adya nArAyaNaM tvAm || 32||
devapatnya UchuH |
bhuvi dhR^itAkR^iterjanma ma~NgalaM charitamadbhutaM lokapAvanam |
bhavati nirguNaM sarvameva te bhavasi nirguNabrahma yatparam || 33||
tava samAshrayAttAmasA janA api cha rAjasAH sAttvikAshcha ye |
nanu bhavanti te nirguNAstato vayamupAsmahe tvAM hi nirguNam || 34||
R^iShipatnya UchuH |
ArtAnAmuruvR^ijinaistridhA cha tApaiH sarvApatprashamanamekameva viShNoH |
pAdAbjaM tava bhavatIti tadvayaM vai prAptAH smaH sharaNamananta devadeva || 35||
pR^ithivyuvAcha |
pUrNashAradasudhAkarAnanaM shAradAbjadaladIrghalochanam |
shrIviyogabahudhA.a.artimochanaM vA.asudevamahamekamAshraye || 36||
sarasvatyuvAcha |
nayane mamAchyuta tavAtisundare mukhashItarochiShi chakoratAM gate |
na hi gachChato.anyata itIyameva me hR^idi mUrtirastu satataM na hItarA || 37||

iti shrIskandapurANe vaiShNavakhaNDe vAsudevamAsamAhAtmye pa~nchadashAdhyAyAntargataM
         devAdibhiH kR^itaM nArAyaNastotraM samAptam |

skandapurANa | vaiShNavakhaNDa | vAsudevakhaNDa | adhyAya 15/1\-37||
##
skandapurANa . vaiShNavakhaNDa . vAsudevakhaNDa . adhyAya 15/1-37..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}