% Text title            : Devadibhih Kritam Vishnu Stotram
% File name             : devAdibhiHkRRitaMviShNustotram.itx
% Category              : vishhnu, vishnu, lakShmInArAyaNIyasaMhitA, stotra
% Location              : doc\_vishhnu
% Proofread by          : PSA Easwaran
% Description/comments  : lakShmInArAyaNIyasaMhitA | khaNDa 1 | adhyAya 325/73-100||
% Latest update         : January 13, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Devadibhih Kritam Vishnu Stotram ..}##
\itxtitle{.. devAdibhiH kR^itaM viShNustotram ..}##\endtitles ##
tuShTuvuste hariM lakShmInArAyaNaM prajeshvarAH |
surarakShaka shAntAtman daityanAshaka te namaH || 73||
matsyAtmane cha te viShNo vedAnnItavate namaH |
amR^itamanthane.adriM bibhrate kUrmAya te namaH || 74||
pR^ithvIM dante bibhrate te varAhAya namo namaH |
baliM ChalAyate vipravAmanAya cha te namaH || 75||
namaH parashurAmAya kApathakShatranAshine |
rAvaNAntakarAyA.a.ashu rAmachandrAya te namaH || 76||
kR^iShNanArAyaNarAdhAramAshrIpataye namaH |
namo buddhasvarUpAya daityamohakarAya te || 77||
namaH kapilarUpAya tattvaj~nAnapradAya te |
namo haMsasvarUpAya vidhAtre j~nAnadAya te || 78||
vedavyAsasvarUpAya vidyAshravAya te namaH |
kalidoShavinAshakR^itkalkirUpAya te namaH || 79||
pArvatyAshcha prabhAyAshcha mANikyAH pataye namaH |
kambharAyAH suputrAya gopAlasUnave namaH || 80||
sharaNyAya surarakShAkartre vidyAvate namaH |
sAdhurUpAya kR^iShNAya vallabhAya cha te namaH || 81||
j~nAnAchAryAya daivAya dAsatrAtre cha te namaH |
daityaduHkhitabhaktAdirakShakAya namo namaH || 82||
sarvanetrAya hR^itsthAya ramAnAthAya te namaH |
dhvajapadmA~Nkushavajrayavachihnavate namaH || 83||
svastikajAmbvaShTakoNordhvarekhAdhAriNe namaH |
dhanustrikoNakalashA.ardhachandradhAriNe namaH || 84||
goShpadavyomamatsyAdidhAriNe pattale namaH |
dakShapANau dhvajachakradhanustrishUlasvastikAH || 85||
mInadaNDayavarekhA yasya tasmai namo namaH |
bAhU netre jAnunI cha nAsikA cha stanAntaram || 86||
dIrghANi santi te pa~ncha tasmai kR^iShNAya te namaH |
suhR^isvajaghanapR^iShThagrIvAja~NghAvate namaH || 87||
sUkShmakeshA.a~NguliparvaradA.asthidhAriNe namaH |
kakShA kukShishcha vakShashcha ghrANaM skandho lalATakam || 88||
yasyonnatAni ShaT santi tasmai shrIharaye namaH |
netraprAntau nakhAstAlu jihvoShThau pAdayostale || 89||
pANitale cha raktAni yasya santi cha te namaH |
uraH shiro lalATaM cha yasya tatAni te namaH || 90||
svaraH sattvaM cha nAbhishcha gambhIraM yasya te namaH |
vAmasakthni ramAchihnaM yasyAsti te namo namaH || 91||
hR^idaye dakShiNAvartavate kR^iShNAya te namaH |
satrivalayashobhADhyanAbhiyuktAya te namaH || 92||
shItabhAsvararUpAyA.amR^itapradAya te namaH |
akSharAyA.avyAkR^itanAmne golokAya te namaH || 93||
vaikuNThAya badrIshAya shvetadvIpAya te namaH |
kShIrasthAnAya jIvAya jIvAtave cha te namaH || 94||
Atmane cha tadAtmane sarvAtmane namo namaH |
vahnisthAya ravisthAya hiraNyasthAya te namaH || 95||
surA.asuranivAsAya bhaktArtihAriNe namaH |
apakShAya vipakShAya bhaktapakShAya te namaH || 96||
bhagava.Nste kathAdhAmne vArtAdhAmne cha te namaH |
sarvavidyAnivAsAya brahmaNe te namo namaH || 97||
bhagavan devadevesha pAhi naH sharaNAgatAn |
jalandhareNa vai svargaM nirAkR^itya surA.NstataH || 98||
svAyattIkR^itameveti kathaM tvaM sahase prabho |
sUryashchandrashcha vahnishcha sheSho dharmo nirAkR^itAH || 99||
sharaNaM te vayaM prAptA vadhastasya vichintyatAm |
vayaM kShudrA iva nAtha vicharAmo.aTavIsthalam || 100||

iti shrIlakShmInArAyaNIyasaMhitAyAM prathame kR^itayugasantAne 325\-adhyAyAntargataM
devAdibhiH kR^itaM viShNustotraM sampUrNam |

lakShmInArAyaNIyasaMhitA | khaNDa 1| adhyAya 325/73\-100||
##
lakShmInArAyaNIyasaMhitA . khaNDa 1. adhyAya 325/73-100..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}