% Text title            : Devaih Kritam 02 Vishnu Stotram
% File name             : devaiHkRRitaM02viShNustotram.itx
% Category              : vishhnu, vishnu, viShNupurANa, stotra
% Location              : doc\_vishhnu
% Proofread by          : PSA Easwaran
% Description/comments  : viShNupurANa | adhyAya 3/17/11-34||
% Latest update         : October 2, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Devaih Kritam 02 Vishnu Stotram ..}##
\itxtitle{.. devaiH kR^itaM 2 viShNustotram ..}##\endtitles ##
devA UchuH |
ArAdhanAya lokAnAM viShNorIshasya yAM giram |
vakShyAmo bhagavAnadya tayA viShNuH prasIdatu || 11||
yato bhUtAnyashShAni prasUtAni mahAtmanaH |
yasmiMshcha layameShyanti kastaM stotumiheshvaraH || 12||
tathApyarAtividhvaMsadhvastavIryA bhayArthinaH |
tvAM stoShyAmastavoktInAM yAthArthyaM naiva gochare || 13||
tvamurvI salilaM vahnirvAyurAkAshameva cha |
samastamantaHkaraNaM pradhAnaM tatparaH pumAn || 14||
ekaM tavaitadbhUtAtmanmUrttamUrttamayaM vapuH |
AbrahmastambaparyantaM sthAnakAlavibhedavat || 15||
tatresha tava yatpUrvaM tvannAbhikamalodbhavam |
rUpaM vishvopakArAya tasmai brahmAtmane namaH || 16||
shakrArkarudravasvashvimarutsomAdibhedavat |
vayamekaM svarUpaM te tasmai devAtmane namaH || 17||
dambhaprAyamasambodhi titikShAdamavarjitam |
yadrUpaM tava govinda tasmai daityAtmane namaH || 18||
nAtij~nAnavahA yasminnADyaH stimitatejasi |
shabdAdilobhi yattasmai tubhyaM yakShAtmane namaH || 19||
krauryaM mAyAmayaM ghoraM yachcha rUpaM tavAsitam |
nishAcharAtmane tasmai namaste puruShottama || 20||
svargasthadharmisaddharmaphalopakaraNaM tava |
dharmAkhyaM cha tathA rUpaM namastasmai janArddana || 21||
harShaprAyamasaMsargi gatimadgamanAdiShu |
siddhAkhyaM tava yadrUpaM tasmai siddhAtmane namaH || 22||
atitikShAyanaM krUramupabhogasahaM hare |
dvijihvaM tava yadrUpaM tasmai nAgAtmane namaH || 23||
avabodhi cha yachChAntamadoShamapakalmaSham |
R^iShirUpAtmane tasmai vishvarUpAya te namaH || 24||
bhakShayatyatha kalpAnte bhUtAni yadavAritam |
tvadrUpaM puNDarIkAkSha tasmai kAlAtmane namaH || 25||
sambhakShya sarvabhUtAni devAdInyavisheShataH |
nR^ityatyante cha yadrUpaM tasmai rudrAtmane namaH || 26||
pravR^ittyA rajaso yachcha karmaNAM karaNAtmakam |
janArdana namastasmai tvadrUpAya narAtmane || 27||
aShTAviMshadvadhopetaM yadrUpaM tAmasaM tava |
unmArgagAmi sarvAtmaMstasmai vashyAtmane namaH || 28||
yaj~nA~NgabhUtaM yadrUpaM jagataH sthitisAdhanam |
vR^ikShAdibhedaiShShaDbhedi tasmai mukhyAtmane namaH || 29||
tirya~NmanuShyadevAdivyomashabdAdikaM cha yat |
rUpaM tavAdeH sarvasya tasmai sarvAtmane namaH || 30||
pradhAnabud.hdhyAdimayAdashShAdyadanyadasmAtparamaM parAtman |
rUpaM tavAdyaM yadananyatulyaM tasmai namaH kAraNakAraNAya || 31||
shuklAdidIrghAdighanAdihInamagocharaM yachcha visheShaNAnAm |
shuddhAtishuddhaM paramarShidR^ishyaM rUpAya tasmai bhagavannatAH smaH || 32||
yannaH sharIreShu yadanyadeheShvashShavastuShvajamakShayaM yat |
tasmAchcha nAnyadvyatiriktamasti brahmasvarUpAya natAH sma tasmai || 33||
sakalamidamajasya yasya rUpaM paramapadAtmavatassanAtanasya |
tamanidhanamasheShabIjabhUtaM prabhumamalaM praNatAssma vAsudevam || 34||

iti viShNupurANe tR^itIyabhAge saptadashAdhyAyAntargataM
         devaiH kR^itaM viShNustotraM samAptam |

viShNupurANa | adhyAya 3/17/11\-34||
##
viShNupurANa . adhyAya 3/17/11-34..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}