% Text title            : Devaih Kritam Nrisimha Stotram
% File name             : devaiHkRRitaMnRRisiMhastotram.itx
% Category              : vishhnu, vishnu, lingapurANa, stotra, dashAvatAra
% Location              : doc\_vishhnu
% Proofread by          : PSA Easwaran
% Description/comments  : lingapurANa | pUrvabhAga | adhyAya 95/22-30||
% Latest update         : October 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Devaih Kritam Nrisimha Stotram ..}##
\itxtitle{.. devaiH kR^itaM nR^isiMhastotram ..}##\endtitles ##
taM tuShTuvuH surashreShThA lokA lokAchale sthitAH |
sabrahmakAH sasAdhyAshcha sayamAH samarudgaNAH || 21||
parAtparataraM brahma tattvAttattvatamaM bhavAn |
jyotiShAM tu para~njyotiH paramAtmA jaganmayaH || 22||
sthUlaM sUkShmaM susUkShmaM cha shabdabrahmamayaH shubhaH |
vAgatIto nirAlambo nirddhandvo nirupaplavaH || 23||
yaj~nabhugyaj~namUrtistvaM yaj~ninAM phaladaH prabhuH |
bhavAnmatsyAkR^itiH kaurmamAsthAya jagati sthitaH || 24||
vArAhiM chaiva tAM saiMhImAsthAyeha vyavasthitaH |
devAnAM devarakShArthaM nihatya ditijeshvaram || 25||
dvijashApachChalenaivamavatIrNo.asi lIlayA |
na dR^iShTaM yattvadanyaM hi bhavAnsarva~ncharAcharam || 26||
bhavAnviShNurbhavAn rudro bhavAneva pitAmahaH |
bhavAnAdirbhavAnanto bhavAneva vayaM vibho || 27||
bhavAneva jagatsarvaM pralApena kimIshvara |
mAyayA bahudhA saMsthamadvitIyamayaM prabho || 28||
stoShyAmastvAM kathaM bhAsi devadeva mR^igAdhipa |
stuto.api vividhaiH stutyairbhAvairnAnAvidhaiH prabhuH || 29||
na jagAma dvijAH shAntiM mAnayanyonimAtmanaH |
yo nR^isiMhastavaM bhaktyA paThedvArthaM vichArayet || 30||
shrAvayedvA dvijAnsarvAn viShNuloke mahIyate |
tadantare shivaM devAH sendrAH sabrahmakAH prabhum || 31||
samprApya tuShTavuH sarvaM vij~nApya mR^igarUpiNaH |
tato brahmAdayastUrNaM saMstUya parameshvaram || 32||
AtmatrANAya sharaNaM jagmuH paramakAraNam |
mandarasthaM mahAdevaM krIDamAnaM sahomayA || 33||
sevitaM gaNagandharvaiH siddhairapsarasAM gaNaiH |
devatAbhiH saha brahmA bhItabhItaH sagadgadam |
praNamya daNDavadbhUmau tuShTAva parameshvaram || 34||
brahmovAcha |
namaste kAlakAlAya namaste rudra manyave |
namaH shivAya rudrAya sha~NkarAya shivAya te || 35||
ugro.asi sarvabhUtAnAM niyantAsi shivo.asi naH |
namaH shivAya sharvAya sha~NkarAyArttihAriNe || 36||
mayaskarAya vishvAya viShNave brahmaNe namaH |
antakAya namastubhyamumAyAH pataye namaH || 37||
hiraNyabAhave sAkShAddhiraNyapataye namaH |
sharvAya sarvarUpAya puruShAya namo namaH || 38||
sadasadvyaktihInAya mahataH kAraNAya te |
nityAya vishvarUpAya jAyamAnAya te namaH || 39||
jAtAya bahudhA loke prabhUtAya namo namaH |
rudrAya nIlarudrAya kadrudrAya prachetase || 40||
kAlAya kAlarUpAya namaH kAlA~NgahAriNe |
mIDhuShTamAya devAya shitikaNThAya te namaH || 41||
mahIyase namastubhyaM hantre devAriNAM sadA |
tArAya cha sutArAya tAraNAya namo namaH || 42||
harikeshAya devAya shambhave paramAtmane |
devAnAM shambhave tubhyaM bhUtAnAM shambhave namaH || 43||
shambhave haimavatyAshcha manyave rudrarUpiNe |
kapardine namastubhyaM kAlakaNThAya te namaH || 44||
hiraNyAya maheshAya shrIkaNThAya namo namaH |
bhasmadigdhasharIrAya daNDamuNDIshvarAya cha || 45||
namo hrasvAya dIrghAya vAmanAya namo namaH |
nama ugratrishUlAya ugrAya cha namo namaH || 46||
bhImAya bhImarUpAya bhImakarmaratAya te |
agrevadhAya vai bhUtvA namo dUrevadhAya cha || 47||
dhanvine shUline tubhyaM gadine haline namaH |
chakriNe varmiNe nityaM daityAnAM karmabhedine || 48||
sadyAya sadyarUpAya sadyojAtAya te namaH |
vAmAya vAmarUpAya vAmanetrAya te namaH || 49||
aghorarUpAya vikaTAya vikaTasharIrAya te nAmaH |
puruSharUpAya puruShaikatatpuruShAya vai namaH || 50||
puruShArthapradAnAya pataye parameShThine |
IshAnAya namastubhyamIshvarAya namo namaH || 51||
brahmaNe brahmarUpAya namaH sAkShAchChivAya te |
sarvaviShNurnR^isiMhasya rUpamAsthAya vishvakR^it || 52||
hiraNyakashipuM hatvA karajairnishitaiH svayam |
daityendrairbahubhiH sArdhaM hitArthaM jagatAM prabhuH || 53||
saiMhIM samAnayanyoniM bAdhate nikhilaM jagat |
yatkR^ityamatra devesha tatkuruShva bhavAniha || 54||
ugro.asi sarvaduShTAnAM niyantAsi shivo.asi naH |
kAlakUTAdivapuShA trAhi naH sharaNAgatAn || 55||
shukraM tu vR^ittaM vishvesha krIDA vai kevalaM vayam |
tavonmeShanimeShAbhyAmasmAkaM pralayodayau || 56||
unmIlaye tvayi brahmanvinAsho.asti na te shiva |
santaptAH smo vayaM deva hariNAmitatejasA || 57||
sarvalokahitAyainaM tattvaM saMharttumichChasi |

iti shrIli~NgamahApurANe pUrvabhAge pa~nchanavatitamAdhyAyAntargataM
         devaiH kR^itaM nR^isiMhastotraM samAptam |

li~NgapurANa | pUrvabhAga | adhyAya 95/22\-30||
##
lingapurANa . pUrvabhAga . adhyAya 95/22-30..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}