% Text title            : Shri Dharmika Stotram
% File name             : dhArmikastotram.itx
% Category              : vishhnu, svAminArAyaNa, krishna, gurudev, stotra
% Location              : doc\_vishhnu
% Author                : shatAnandamuni
% Acknowledge-Permission: Swaminarayan Sampradaya
% Latest update         : August 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Dharmika Stotram ..}##
\itxtitle{.. shrIdhArmikastotram ..}##\endtitles ##
(vasantatilakA vR^ittam)
shrIvAsudeva\-vimalAmR^ita\-dhAmavAsaM
nArAyaNaM narakatAraNa\-nAmadheyam |
shyAmaM sitaM dvibhujameva chaturbhujaM cha
tvAM bhaktidharmatanayaM sharaNaM prapadye || 1||
shikShArthamatra nijabhaktimatAM narANAM
ekAnta\-dharmamakhilaM parishIlayantam |
aShTA~Ngayoga\-kalanAshcha mahAvratAni
tvAM bhaktidharmatanayaM sharaNaM prapadye || 2||
shvAsena sAka\-manuloma\-vilomavR^ittyA
svAntarbahishcha bhagavatyurudhA nijasya |
pUre gatAgata\-jalAmbudhinopameyaM
tvAM bhaktidharmatanayaM sharaNaM prapadye || 3||
bAhyAntarindriyagaNa\-shvasanAdhidaiva\-
vR^ityudbhava\-sthitilayAnapi jAyamAnAn |
sthitvA tataH svamahasA pR^ithagIkShamANaM
tvAM bhaktidharmatanayaM sharaNaM prapadye || 4||
mAyAmayA\-kR^ititamo.ashubhavAsanAnAM
kartuM niShedhamurudhA\-bhagavatsvarUpe |
nirbIja\-sA~Nkhyamata\-yogaga\-yuktibhAjaM
tvAM bhaktidharmatanayaM sharaNaM prapadye || 5||
divyAkR^ititva\-sumahas tvasuvAsanAnAM
samyagvidhiM prathayituM cha patau ramAyAH |
sAlambasA~Nkhyapatha\-yogasuyuktibhAjaM
tvAM bhaktidharmatanayaM sharaNaM prapadye || 6||
kAmArtta\-taskara\-naTavyasani\-dviShantaH
svasvArtha\-siddhimiva chetasi nityameva |
nArAyaNaM paramayaiva mudA smarantaM
tvAM bhaktidharmatanayaM sharaNaM prapadye || 7||
sAdhvI\-chakora\-shalabhAstimi\-kAlakaNTha\-
kokA nijeShTaviShayeShu yathaiva lagnAH |
mUrtau tathA bhagavato.atra mudAtilagnaM
tvAM bhaktidharmatanayaM sharaNaM prapadye || 8||
snehAturastvatha bhayAtura AmayAvI
yadvat kShudhAturajanashcha vihAya mAnam |
dainyaM bhajeyuriha satsu tathA charantaM
tvAM bhaktidharmatanayaM sharaNaM prapadye || 9||
dharmasthitai\-rupagatairbR^ihatA nijaikyaM
sevyo hariH sitamahaHsthitadivyamUrtiH |
shabdAdyarAgibhiriti svamataM vadantaM
tvAM bhaktidharmatanayaM sharaNaM prapadye || 10||
sadgranthanitya\-paThanashravaNAdi\-saktaM
brAhmIM cha satsadasi shAsatamatra vidyAm |
saMsArajAla\-patitAkhila\-jIvabandho
tvAM bhaktidharmatanayaM sharaNaM prapadye || 11||

iti shrIshatAnandamunivirachitaM shrIdhArmikastotraM sampUrNam |
##

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}