% Text title            : Dhanvantari Vandana
% File name             : dhanvantarivandanA.itx
% Category              : vishhnu, saptaka
% Location              : doc\_vishhnu
% Author                : HarinArAyaNa Sharma Vaidya
% Transliterated by     : Deepakshi Kumar
% Proofread by          : Deepakshi Kumar
% Latest update         : August 12, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Dhanvantari Vandana ..}##
\itxtitle{.. dhanvantarivandanA ..}##\endtitles ##
vishiShTarogauShadha\-bodhabhAvAt
     roga\-vrajAbhAva\-vidhAna\-vIram |
na tatra yAntashcha kadApi mohaM
     dhanvantariM vaidyavaraM namAmi || 1||
pIyUShapANiM kushalaM kriyAsu
     dhIraM nirIhaM shubhadaM dayAlum |
prabuddhasA~NgAgada\-veda\-vidyaM
     dhanvantariM vaidyavaraM namAmi || 2||
svastheShu maitrIM karuNAM rujArte
     prIti susAdhye vidadhAnameva |
upekShaNa~nchAsu\-mumukShumartye
     dhanvantariM vaidyavaraM namAmi || 3||
ichChantamagryaM paramaM sva\-dharmaM
     duHkhAtprayatnena sadAturANAm |
nijAtma\-jAnAmiva rakShitAraM
     dhanvantariM vaidyavaraM namAmi || 4||
bhUtAnukampeti paro hi dharmaH
     nishchitya pathyena gadaghnamasmAt |
susiddhimantaM sukhinamprashAntaM
     dhanvantariM vaidyavaraM namAmi || 5||
puMsAM gadAnAM vividhe nidAne
     li~Nge sushAntau cha bhavApravR^ittau |
chaturvidhaj~nAna\-visheShabhAjaM
     dhanvantariM vaidyavaraM namAmi || 6||
deshasya kAlasya tanorgadAnAM
     dravyasya doShasya rasasya chApi |
asheSha\-tattvaj~navaraM prabhAvAt
     dhanvantariM vaidyavaraM namAmi || 7||
sparshAvagamyairbahubhistu bhAvaiH
     sharIra jAtairgadapIDitAnAm |
AyuH pramANAnyavabudhyamAnaM
     dhanvantariM vaidyavaraM namAmi || 8||
asAdhyavarjaM pariyApya yApyAn
     sAdhyAmayAn siddhasuyogasa~NghaiH |
nighnantamavyAhatabuddhivegaM
     dhanvantariM vaidyavaraM namAmi || 9||

iti harinArAyaNasharmA vaidya virachitA dhanvantarivandanA samAptA |
##

Encoded and proofread by Deepakshi Kumar

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}