% Text title : Verses praising Sacred Dharmapuri in Telangana 2 % File name : dharmapurIvarNanam2.itx % Category : vishhnu, koriDevishvanAthasharmA % Location : doc\_vishhnu % Author : koriDe vishvanAthasharmA, dharmapurI % Transliterated by : koriDe vishvanAthasharmA % Proofread by : koriDe vishvanAthasharmA % Acknowledge-Permission: Koride Vishwanatha Sharma % Latest update : March 15, 2018 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Verses praising Sacred Dharmapuri in Telangana 2 ..}## \itxtitle{.. dharmapurI varNanam 2 ..}##\endtitles ## ma~NgaLashlokAH ayikarikarNika | mUShikavAhana | parvatajAsuta | sAmbapriya | nutajanapoShaka | ShaNmukhasevita |sha~NkarachumbitaphAlataTa | varachaturAnanadevagaNArchita | dAnavabha~njaka | dAsarata | jaya gaNanAyaka | vighnavinAshaka | dharmapurIjanapAla vibho | || 1|| ayi | nijamUrdhajapAshajaTodbhavagautamajAsikatodbhava | bhoH vararaghuvaMshakaLAnidhikIrtitarAghavasevitali~Ngatano | nijavarabhaktakR^itAghavinAshaka | dAsajanArthitadAnarate | jaya rajanIkarabhUShitashekhara | dharmapurIvilasannilaya || 2|| tvaddarshanaM yadi labhe na tu nIlakaNTha he soma nAmabhajanaM na karomi yatte | rUpaM smarAmi tava chenna manoharaM yat tajjIvanaM mama nirarthakameva shambho || 3|| prAtaH kAlIna godAvarIvarNanam yA lakShmInR^ihareH padAbjalasitA brahmAdidevairyutA yA rAmArchitarAmali~NganilayA bhaktAghavidhvaMsinI | yasyAH prAgdishi gautamI ravikarAn prakShAlayantI sadA seyaM dharmapurI sanAtanapuraM kShetraM satIrthaM mahat || 4|| godAvarIgatasurArpaNakautukenduH pIyUShabhANDaparipUrNasudhAkaro.ayam | vIchInibaddhapratibimbatanur nitAntaM sUryodaye lasati gachChati khAnnisheshaH || 5|| godAvarIvarajaleShu vinodamichChuH tArAyuto varatara~NgahR^itAtmarUpaH | AvR^itya vArvasitakairavamAtmabandhuM sUryodaye lasati gachChati khAddhimAMshuH || 6|| niShkAsya dvijarAT tamo.andhapaTalaM yAtyekato hyambarAt nidrAmudritamAnavAn dvijavarAH jAgranti rAvairmuhuH | ChittvA.andhaM dvijakAntibhir dvijavarAH shrAvyanti vedashrutIH prAtar dharmapurIpurasya hi janAn kurvanti chaitanyakAn || 7|| gautamyAstu tara~Ngapa~Nktininadair mAdhuryamApUryate AbrAhmI haritashcha ChAtravaTavaH pUryanti vedashrutIH | gAvo.ambheti nadanti vatsakagaNaM svodhAsyadAnAya tAH prAtar dharmapuraM hi ma~NgaLakarair dhvAnaiH pavitrIkR^itam || 8|| yasyAM brAhmaNapu~NgavairanudinaM susnAtaliptA~NgakaiH gAyatrI shrutirAva susvaragaLair dattA~njalir bhAskaraH | snAtvA kShAlitarashmibhir narahariM sandraShTukAmo mudA nidrAmudritapadmamunnayati yaH saMsevanAya prabhum || 9|| godAvarIvimalavAritara~NgahR^Idyair yatkairavair ratimupetya mudA nishAnte | indau gate tu kamalAni nimIlitAni unmIlya bhAskarakarair vikasanti prAtaH || 10|| ye chaiva baddhatanavaH kamalodareShu bhR^i~NgA hi bhAnuhR^itachittamumukShavaste | santuShTabhAskarakaraiH suvimuktasa~NgAH gItopadeshakavarA nanu yAnti chordhvam || 11|| shrI vaiShNavA nR^iharisevanatatparAshcha dikpUryamANashubhama~NgaLavAdyaghoShaiH | gododapUrNavarahemaghaTA nivR^itya niryAnti vedapaThanair bhR^itadevachittAH || 12|| gopAlabAlakagaNair dhR^itahastadaNDaiH gAvo mudA pratigR^ihAt kila muktabandhAH | vAtsalyadattapayaso.anvayagogaNAshcha godAvarItaTavanaM hyupayAnti dhIram || 13|| kokkorakodhvaniyutair nanu kukkuTaishcha dikpUryamANaninadaiH pravimuktakaNThaiH | jAgranti yena hi vibudhya vimuktama~nchAH yadgautamInivahanAya janAstu yAnti || 14|| yadgAyato budha sadAshiva vishvanAthau rAjannashAstrikR^itavA~NmayasevanaM tu | prAbhAtikaM nanu sakIrtanachittajihvAH godAvagADhatanavaH svagR^ihANi yAnti || 15|| godAM hi gopataruNImaNayastaraNyAM gokShIrapUritaghaTAH bahavo tarantyaH | grAmaM pravishya madhurasvarakaNTharAvaiH udghoShayanti nanu vikrayaNAya dugdham || 16|| ga~Nge | trivikramapadodbhavi | he surArchye | pApaghni | he shivajaTAhR^itavArirUpe | vidhvasta gautamamaharShikR^itAgharAshe | tvaM jAgR^ihItyuShasi bhaktavarAH stuvanti || 17|| abhyAgatA vividhadeshasamAgatAshcha abAlavR^iddhapuravAsagaNAshcha vIthyAm | snAtA.a.agatAn dvijavarAnabhivandya namrAH godAnimajjanaparAstvaritaM prayAnti || 18|| pitrAj~nayA gatavano raghurAmachandraH snAtvA cha yatra pitaraM tvakaroddhi tR^iptam | bhaktyA.archayat svakR^itasaikatali~NgamUrtiM tadgautamIsthasikatA hi punanti bhaktAn || 19|| yadrAmachandrakR^itapaitR^ikakarma yatra mokShaM pradAt dasharathAya gatAghabhAje abhyAgatAH svapitR^imokShamavAptihetoH | godAtaTe hyanucharanti supiShTapiNDaiH || 20|| sa~NkalpamantrapaThanA vaTavA stu kechit kechinnimajjanaparA harashabdapUrvam | sandhyAntvupAsanaparAH sunimIlitAkShAH godAjaleShu vidhikarmaratA dvijA hi || 21|| viprottamAH godAsnAnapunItakAntitanavaH svabhyastavedAnanAH dharmAdharmavichArashAstrapaTavaH vANIlasajjihvakAH | nityaM tvarchitadevatAtithigaNAH bhasmAnuliptA~NgakAH te.amI dharmapurInivAsarasikAH viprottamA dhArmikAH || 22|| tripuNDrabhasmA~nchitaphAlabhAgAH rudrAkShamAlAdhR^itakaNThabhAgAH | yaj~nopavItairbhR^itavatsabhAgAH viprottamAH karmasu niShThachittAH || 23|| nityaM tvanuShThAnakriyAkalApAH vedaprapUtAnanachandrabimbAH | dharmaikaniShThAshcha sadA kriyeShu svastiH prajAbhyo.astviti chittakAmAH || 24|| vR^ittyAM svakIyena khalu dharmaniShThAH paropakArAyanihitaikachittAH | satsa~NgagoShThIhR^itarAtrikAlAH te dharmapUH pauravarAshchadhanyAH || 25|| shrauta smArtasunityakarmavidhaye yat shrAvaNI karmaNi sarve viprakulottamAH sughaTitAH yaj~nopavItaM mudA | sAmUhena hi dhArayanti vinatAH kR^itvA.arShahomArchanaM brAhmaM yaj~navidhiM tathArShapaThanaM sampUrayataH sadA || 26|| purastrImaNayaH shrIsheShayoktanigamAntabhR^itAtmatattvaM yannArasiMhashatakaM haribhaktisAraM bhrAjannR^isiMhacharaNAbjakahR^iShTachittAH gAyanti prodgalitagAnayutA stu nAryaH || 27|| nagaravIthi mAlAM kvachiddhi dhanurAkR^itibha~Nkvachichcha khaDgaM kvachinnanu sudarshanarUpamanyat | bhinnaiH sadAkR^itivisheShagaNair balAkAH badhnanti dharmapuramambaravIthimArgam || 28|| shrInArasiMha vachasA tvanilAtmajaH kiM Aj~nApayet kapikulaM purarakShaNArtham | yat trAsayanti shaThabuddhinarAMstu vIthyAM saudhAgrabhAgaviharad varavAnarA hi || 29|| godAtara~NganichayadviguNIkR^itairhi udyatprabhAkarakarair dhR^itahemasaudhAH | vajrAyudhena vinipAtitamerushR^i~NgAH kiM kShetravAsanilayAH parivartitA vA? || 30|| kanyA gR^ihA~NgaNatalaM parishudhya chAdbhiH kR^itvA mudA rajitabhAsitara~NgavallIH | sandIptagomayagiripratimA vidhAya ra~njanti chApahR^itachittajanaM hi mArgam || 31|| rAjagopuram \- yadrAjagopuragavAkShakavATamArgAt AvR^itya pakShinivahAn khalu meghamAlAH | gachChanti mandiramaho shubhakR^iShNavarNAH draShTuM ramAnarahariM vinatA ninAdaiH || 32|| brahmAdi devagamanAya shubhA~NkitaM hi bhaktAgryadaityagamanAya mahonnataM cha | yatsvAgatAdaraNapUrvaka bhR^ityavargaM tadrAjagopuramaho kimu varNashakyam || 33|| dIvyat suvarNakalashair nanu bhrAjamAnaM AkAshachumbanaparaM shikharAgrabhAgam | AdityadaityapratimAhR^itachittahR^idyaM yadrAjagopuramaho kimu varNashakyam || 34|| dainandikena vidhinA gaganAntarALe saptAshvavAhanarathaM tvadhirUDhabhAnum | AyAntamAhvayati hi shramamochanAya yad gopuraM dhR^itakapota supuShpamAlam || 35|| udyaddineshakiraNair jvaladagnitejaH snAtAnuliptavarabhaktasamAhvanAya | yad rAjagopuramaho harimandirasya dhIraM vilokayati pUrvamukhAbhirAmam || 36|| yamanilayam \- dvArasya dakShiNamupAshritadharmarAjaH yaddakShiNAdigadhinAyakamandire.atra sa~NgaNya sandarshakabhaktagaNAgharAshIn dUrIkaroti narasiMhasubhaktakAnAm || 37|| mandiram \- rekhaistripuNDrakavibhUtisuphAlabhAgAH kechichcha vaiShNavarA nanu chordhvapuNDrAH | henArasiMha varadeti cha bhaktirAvaiH lakShmInR^isiMhanilayaM khalu ra~njayanti || 38|| gAyanti kechiddhi nudanti kechit stuvanti kechichcha bhajanti kechit nR^ityanti kechit praNamanti kechit lakShmInR^isiMhasya cha mandire hi || 39|| varAhatIrtham \- lokaikarakShaNavidhau hatahemanetraH shrIsho dhR^itakShitimR^ida~NkitadaMShTrabhAgAn | prakShAlya pUtamakarotsa varAharUpaH yattadvirAjati pavitra varAhatIrtham || 40|| yasmin mudA nivahanAddhi sabhAryakashcha chintAmaNiH paramavApa hi muktimArgam | chintAmaNItiyadagAddhi saraH prasiddhaM vArAhatIrthamiha rAjati dharmapuryAm || 41|| lakShmInR^isiMhavibhudarshanasAbhilAShaM grAmaM praviShTamatithiM nanu sAdareNa | bhR^i~NgAnura~njitasuma~NgaLavAdyaghoShaiH susvAgataM vadati cheha varAhatIrtham || 42|| utthAya chaikacharaNaM cha nimIlya netre dhyAnaikachittavilasatsarasiprasuptAH | niShkampamAnalasada~NgavibhAsapakShAH kiM tApasAnanusaranti bakA hi tIre || 43|| abhyAgatAya madhupAya vinamrabhAvaiH santuShTakaM vikasitAnanapadmavR^indam | dattvA hi madhuparkamananyachittaM vArAhatIrthamiha shikShati chAtitheyam || 44|| yaddIvyadunnatakavATayutAni yAni baddhANi ma~NgalasutoraNachUtapatraiH | vAtAyanair hyupari bhAgamala~NkR^itAni dvArANi tAni vilasanti purIgR^ihANAm || 45|| satyavatIkuNDam \- godAvagAhanatanur gatasarparUpaH mAnUShyarUpamagamannanu yatra tIrthe | khyAti~NgataM hi varasatyavatI taTaM tat magnAn karoti hi janAnanaghAn cha nityam || 46|| shivamandiram \- nityaM prApya shivAlaye dvijavarAH tvaishAnya koNe sthitaM vighneshaM prathamaM supUjya shivajaM mantrairadharvair nutAH | savyAsavyavidhau pradakShiNakramaM kR^itvA hi shaivaM tataH kAshIvishvapateshcha li~NgamaparaM stutvA kapIshAhR^itam || 47|| gatvA sannidhimIshvarasya jagataH hyuktvA mahannyAsakaM rudraikAdashavAraghoShaNaparAH kR^itvA.abhishekAdikaM bhasmAlipya cha bilvapatrasudalAnikShepayanto madA naivedyaM varadhUpadIpasahitaM dattva cha nIrAjanam || 48|| naikairvaidikamantrapuShpanichayaiH bhaktyA namantaH stavaiH sAShTA~NgaM namitA dvijA sumadhuraM gAyan stutiM shUlinaH | ityevaM hi sadA.archane suniratAH tR^iptiM gatA ste punaH mAse shrAvaNike.archayanti varadaM li~NgaM hi rAmArchitam || 49|| garuDastambham \- dvArandvitIyamadhigamya narA hi bhaktyA stambhaM mahochChritapatAkayutaM cha dR^iShTvA | yad gAruDapratimayA susamAshritaM tat bhaktyA namanti narakesaridarshanAshAH || 50|| iti saMskR^itasAhityaratnapadalA~nChanasya, budhakoTinutasya, prathitakavipaNDitagaNAgraNIvarasya, akhilashiShyakoTivR^indArchitapAdapadmayugalasya, AchAryakoriDerAjannashAstriNaH dvitIyaputreNa koriDe vishvanAtha sharmaNA virachitaM dharmapurIvarNanaM samAptam | ## Dharmapuri is famous for Sri Lakshmi Narasimha Swamy Temple. It is situated on the southern banks of Godavari which flows through the town. Only at Dharmapuri the Godavari river flows from north to south direction, while in normal course flowing west to east. For this reason, the river at Dharmapuri is called Dakshina Vahini. The town is one of the nine Narasimha Kshetrams and Teertharajamu. Composed by Koride Vishwanatha Sharma, Dharmapuri, Telangana Proofread by Koride Vishwanatha Sharma. \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}