% Text title            : Dhenukasurakritam Shri Krishna Stotram
% File name             : dhenukAsurakRRitaMshrIkRRiShNastotram.itx
% Category              : vishhnu, vishnu, krishna, brahmavaivartapurANa, stotra
% Location              : doc\_vishhnu
% Proofread by          : PSA Easwaran
% Description/comments  : brahmavaivartapurANa | shrIkRRiShNajanma, pUrvabhAga | adhyAya 22/37-57||
% Latest update         : March 22, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Dhenukasurakritam Shri Krishna Stotram ..}##
\itxtitle{.. dhenukAsurakR^itaM shrIkR^iShNastotram ..}##\endtitles ##
dAnava uvAcha |
vAmano.asi tvamaMshena matpituryaj~nabhikShukaH |
rAjyahartA cha shrIhartA sutalasthaladAyakaH || 37||
balirbhaktivasho vIraH sarvesho bhaktavatsalaH |
shIghraM tvaM hindhi mAM pApaM shApAdgardabharUpiNam || 38||
munerdurvAsasaH shApAdIdR^ishaM janma kutsitam |
mR^ityuruktashcha muninA tvatto mama jagatpate || 39||
ShoDashAreNa chakreNa sutIkShNenAtitejasA |
jahi mAM jagatAM nAtha sadbhaktiM kuru mokShada || 40||
tvamaMshena varAhashcha samuddhartuM vasundharAm |
vedAnAM rakShitA nAtha hiraNyAkShaniShUdanaH || 41||
tvaM nR^isiMhaH svayaM pUrNo hiraNyakashiporvadhe |
prahlAdAnugrahArthAya devAnAM rakShaNAya cha || 42||
tvaM cha vedoddhArakartA mInAMshena dayAnidhe |
nR^ipasya j~nAnadAnAya rakShAyai suraviprayoH || 43||
sheShAdhArashcha kUrmastvamaMshena sR^iShTihetave |
vishvAdhArashcha vishvastvamaMshenApi sahasradhR^ik || 44||
rAmo dAsharathistvaM cha jAnakyuddhArahetave |
dashakandharahantA cha sindhau setuvidhAyakaH || 45||
kalayA parashurAmashcha jamadagnisuto mahAn |
triHsaptakR^itvo bhUpAnAM nihantA jagatIpate || 46||
aMshena kapilastvaM cha siddhAnAM cha gurorguruH |
mAtR^ij~nAnapradAtA cha yogashAstravidhAyakaH || 47||
aMshena j~nAninAM shreShTho naranArAyaNAvR^iShI |
tvaM cha dharmasuto bhUtvA lokavistArakArakaH || 48||
adhunA kR^iShNarUpastvaM paripUrNatamaH svayam |
sarveShAmavatArANAM bIjarUpaH sanAtanaH || 49||
yashodAjIvano nityo nandaikAnandavardhanaH |
prANAdhidevo gopInAM rAdhAprANAdhikapriyaH || 50||
vasudevasutaH shAnto devakIduHkhabha~njanaH |
ayonisambhavaH shrImAnpR^ithivIbhArahArakaH || 51||
pUtanAyai mAtR^igatiM pradAtA cha kR^ipAnidhiH |
bakakeshipralambAnAM mamApi mokShakArakaH || 52||
svechChAmaya guNAtIta bhaktAnAM bhayabha~njana |
prasIda rAdhikAnAtha prasIda kuru mokShaNam || 53||
he nAtha gArdabhIyoneH samuddhara bhavArNavAt |
mUrkhastvadbhaktaputro.ahaM mAmuddhartuM tvamarhasi || 54||
vedA brahmAdayo yaM cha munIndrAH stotumakShamAH |
kiM staumi taM guNAtItaM purA daityo.adhunA kharaH || 55||
evaM kuru kR^ipAsindho yena me na bhavejjanuH |
dR^iShTvA pAdAravindaM te kaH punarbhavanaM vrajet || 56||
brahmA stotA kharaH stotA nopahAsitumarhasi |
sadIshvarasya vij~nasya yogyAyogye samA kR^ipA || 57||
ityevamuktvA daityendrastasthau cha purato hareH |
prasannavadanaH shrImAnatituShTo babhUva ha || 58||
idaM daityakR^itaM stotraM nityaM bhaktyA cha yaH paThet |
sAlokyasArShTisAmIpyaM lIlayA labhate hareH || 59||
iha loke harerbhaktimante dAsyaM sudurlabham |
vidyAM shriyaM sukavitAM putrapautrAnyasho labhet || 60||

iti brahmavaivartapurANe shrIkR^iShNajanmakhaNDe dvAviMshAdhyAyAntargataM
         dhAnukAsurakR^itaM shrIkR^iShNastotraM sampUrNam |

brahmavaivartapurANa | shrIkR^iShNajanma, pUrvabhAga | adhyAya 22/37\-57||
##
brahmavaivartapurANa . shrIkRRiShNajanma, pUrvabhAga . adhyAya 22/37-57..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}