% Text title            : Dhruvakritam Vishnu Stotram
% File name             : dhruvakRRitaMviShNustotram.itx
% Category              : vishhnu, vishnu, skandapurANa, stotra
% Location              : doc\_vishhnu
% Proofread by          : PSA Easwaran
% Description/comments  : skandapurANa | kAshIkhaNDa | pUrvakhaNDa | adhyAya 21/1-75||
% Latest update         : June 9, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Dhruvakritam Vishnu Stotram ..}##
\itxtitle{.. dhruvakR^itaM viShNustotram ..}##\endtitles ##
dhruva uvAcha |
namo hiraNyagarbhAya sarvasR^iShTividhAyine |
hiraNyaretase tubhyaM suhiraNyapradAyine || 1||
namo harasvarUpAya bhUtasaMhArakAriNe |
mahAbhUtAtmabhUtAya bhUtAnAM pataye namaH || 2||
namaH sthitikR^ite tubhyaM viShNave prabhaviShNave |
tR^iShNAharAya kR^iShNAya mahAbhArasahiShNave || 3||
namo daityamahAraNyadAvavahnisvarUpiNe |
daityadrumakuThArAya namaste shAr~NgapANaye || 4||
namaH kaumodakIvyagrakarAgrAya gadAdhara |
mahAdanujanAshAya namo nandakadhAriNe || 5||
namaH shrIpataye tubhyaM namashchakradharAya cha |
dharAdharAya vArAharUpiNe paramAtmane || 6||
namaH kamalahastAya kamalAvallabhAya te |
namo matsyAdirUpAya namaH kaustubhavakShase || 7||
namo vedAntavedyAya namaH shrIvatsadhAriNe |
namo guNasvarUpAya guNine guNavarjita || 8||
namaste padmanAbhAya pA~nchajanyadharAya cha |
vAsudeva namastubhyaM devakInandanAya cha || 9||
pradyumnAya namastubhyamaniruddhAya te namaH |
namaH kaMsavinAshAya namashchANUramardine || 1\.21\.10||
dAmodara hR^iShIkesha govindAchyuta mAdhava |
upendra kaiTabhA.arAte madhuhantaradhokShaja || 11||
nArAyaNAya narakahAriNe pApahAriNe |
vAmanAya namastubhyaM haraye shauraye namaH || 12||
anantAya namastubhyamanantashayanAya cha |
rukmiNIpataye tubhyaM rukmipramathanAya cha || 13||
chaidyahantre namastubhyaM dAnavAre.asurAraye |
mukunda paramAnanda nandagopapriyAya cha || 14||
namaste puNDarIkAkSha danujendraniShUdine |
namo gopAlarUpAya veNuvAdanakAriNe || 15||
gopIpriyAya keshighne govardhanadharAya cha |
rAmAya raghunAthAya rAghavAya namo namaH || 16||
rAvaNAre namastubhyaM vibhIShaNasharaNyada |
ajAya jayarUpAya raNA~NgaNavichakShaNa || 17||
kShaNAdi kAlarUpAya nAnArUpAya shAr~NgiNe |
gadine chakriNe tubhyaM daityachakravimardine || 18||
balAya balabhadrAya balArAtipriyAya cha |
baliyaj~napramathana namo bhaktavaraprada || 19||
hiraNyakashiporvakShovidAraNa raNapriya |
namo brahmaNyadevAya gobrAhmaNahitAya cha || 1\.21\.20||
namaste dharmarUpAya namaH sattvaguNAya cha |
namaH sahasrashirase puruShAya parAya cha || 21||
sahasrAkSha sahasrA~Nghre sahasrakiraNAya cha |
sahasramUrte shrIkAnta namaste yaj~napUruSha || 22||
vedavedyasvarUpAya namo vedapriyAya cha |
vedAya vedagadine sadAchArAdhvagAmine || 23||
vaikuNThAya namastubhyaM namo vaikuNThavAsine |
viShTarashravase tubhyaM namo garuDagAmine || 24||
viShvaksena namastubhyaM jaganmaya janArdana |
trivikramAya satyAya namaH satyapriyAya cha || 25||
keshavAya namastubhyaM mAyine brahmAgAyine |
taporUpAya tapasAM namaste phaladAyine || 26||
stutyAya stutirUpAya bhaktastutiratAya cha |
namaste shrutirUpAya shrutyAchArapriyAya cha || 27||
aNDajAya namastubhyaM svedajAya namo.astu te |
jarAyujasvarUpAya nama udbhijjarUpiNe || 28||
devAnAmindrarUpo.asi grahANAmasi bhAnumAn |
lokAnAM satyaloko.asi sindhUnAM kShIrasAgaraH || 29||
surApagA.asi saritAM sarasAM mAnasaM saraH |
himavAnasi shailAnAM dhenUnAM kAmadhugbhavAn || 1\.21\.30||
dhAtUnAM hATakamasi sphaTikashchopaleShvasi |
nIlotpalaM prasUneShu vR^ikSheShu tulasI bhavAn || 31||
sarvapUjyashilAnAM vai shAlagrAmashilA bhavAn |
muktikShetreShu kAshI tvaM prayAgastIrthapa~NktiShu || 32||
varNeShu shvetavarNo.asi dvipadAM brAhmaNo bhavAn |
garuDo.asyaNDajeShvIsha vyavahAreShu vAgbhavAn || 33||
vedeShUpaniShadrUpo mantrANAM praNavohyasi |
akSharANAmakAro.asi yajvanAM somarUpadhR^ik || 34||
pratApinAmagnirasi kShamA.asi tvaM kShamAvatAm |
dAtR^INAmasi parjanyaH pavitrANAM parohyasi || 35||
chApo.asi sarvashastrANAM vAto vegavatAmasi |
mano.asIndriyavargeShu nirbhayANAM karohyasi || 36||
vyoma vyAptimatAM tvaM vai paramAtmA.asi chAtmanAm |
sandhyopAstirbhavAndeva sarvanityeShu karmasu || 37||
kratUnAmashvamedho.asi dAnAnAmabhayaM bhavAn |
lAbhAnAM putralAbho.asi vasantastvamR^ituShvaho || 38||
yugAnAM prathamo.asi tvaM tithInAM tvaM kuhUrhyasi |
puShyo.asi nakShatragaNe sa~NkramaH sarvaparvasu || 39||
yogeShu vyatipAtastvaM tR^iNeShu hi kusho bhavAn |
udyamAnAM hi sarveShAM nirvANaM tvamasi prabho || 1\.21\.40||
sarvAsAmiha buddhInAM dharmabuddhirbhavAnaja |
ashvatthaH sarvavR^ikSheShu somavallI latAsu cha || 41||
prANAyAmo.asi sarvepu sAdhaneShu shuchiShvaho |
sarvadaH sarvali~NgeShu shrImAnvishveshvaro bhavAn || 42||
mitrANAM hi kalatraM tvaM dharmastvaM sarvabandhuShu |
tvatto nAnyajjagatyasminnArAyaNa charAchare || 43||
tvameva mAtA tvaM tAtastvaM sutastvaM mahAdhanam |
tvameva saukhyasampattistvamAyurjIvaneshvaraH || 44||
sA kathA yatra te nAma tanmano yattvadarpitam |
tatkarma yattvadarthaM vai tattapo yadbhavatsmR^itiH || 45||
taddhanaM dhaninAM shuddhaM yattvadarthe vyayIkR^itam |
sa eva sakalaH kAlo yasmi~njiShNo tvamarchyase || 46||
tAvachcha jIvitaM shreyo yAvattvaM hR^idi vartase |
rogAH prashamamAyAnti tvatpAdodakasevanAt || 47||
mahApApAni govinda bahujanmArjitAnyapi |
sadyo vilayamAyAnti vAsudeveti kIrtanAt || 48||
aho puMsAM mahAmohastvaho puMsAM pramAdatA |
vAsudevamanAdR^itya yadanyatra kR^itashramAH || 49||
idameva hi mA~Ngalyamidameva dhanArjanam |
jIvitasya phalaM chaitadyaddAmodarakIrtanam || 1\.21\.50||
adhokShajAtparodharmo nArtho nArAyaNAtparaH |
na kAmaH keshavAdanyo nApavargo hariM vinA || 51||
iyameva parA hAnirupasargo yamevahi |
abhAgyaM paramaM chaitadvAsudevaM na yatsmaret || 52||
harerArAdhanaM puMsAM kiM kiM na kurute bata |
putramitrakalatrArthaM rAjyasvargApavargadam || 53||
haratyaghaM dhvaMsayati vyAdhInAdhInniyachChati |
dharmaM vivardhayetkShipraM prayachChati manoratham || 54||
bhagavachcharaNadvandvaM nirddvandvadhyAnamuttamam |
pApinApi prasa~Ngena vihitaM svahitaM param || 55||
pApinAM yAni pApAni mahopapadabhA~njyapi |
sulInadhyAnasampanno nAmochchAro harerharet || 56||
pramAdAdapi saMspR^iShTo yathA.analakaNo dahet |
tathauShThapuTasaMspR^iShTa harinAma haredagham || 57||
nitAntaM kamalAkAnte shAntachittaM vidhAya yaH |
saMshIlayetkShaNaM nUnaM kamalA tatra nishchalA || 58||
ayameva paro dharmastvidameva paraM tapaH |
idameva paraM tIrthaM viShNupAdAmbu yatpibet || 59||
tavopahAraM bhaktAya sevate yaj~napUruSha |
sevitastena niyataM puroDAsho mahAdhiyA || 1\.21\.60||
sa chaivAvabhR^ithasnAtaH sa cha ga~NgAjalAplutaH |
viShNupAdodakaM kR^itvA sha~Nkhe yaH snAti mAnavaH || 61||
shAlagrAmashilA yena pUjitA tulasIdalaiH |
sa pArijAtamAlAbhiH pUjyate surasadmani || 62||
brAhmaNaH kShatriyo vaishyaH shUdro vA yadi vetaraH |
viShNubhaktisamAyukto j~neyaH sarvottamashcha saH || 63||
sha~NkhachakrA~NkitatanuH shirasAM ma~njarIdharaH |
gopIchandanaliptA~Ngo dR^iShTashchettadaghaM kutaH || 64||
pratyahaM dvAdashashilAH shAlagrAmasya yo.archayet |
dvAravatyAH shilAyuktaH sa vaikuNThe mahIyate || 65||
tulasI yasya bhavane pratyahaM paripUjyate |
tadgR^ihaM nopasarpanti kadAchidyamaki~NkarAH || 66||
harinAmAkSharamukhaM bhAle gopImR^idA~Nkitam |
tulasImAlitoraskaM spR^isheyurna yamAnugAH || 67||
gopImR^ittulasI sha~NkhaH shAlagrAmaH sachakrakaH |
gR^ihe.api yasya pa~nchaite tasya pApabhayaM kutaH || 68||
ye muhUrtAH kShaNA ye cha yA kAShThA ye nimeShakAH |
R^ite viShNusmR^iteryAtAsteShu muShTo yamena saH || 69||
kva dvyakSharaM harernAma sphuli~NgasadR^ishaM jvalet |
mahatI pAtakAnAM cha rAshistUlopamA kva cha || 1\.21\.70||
govindaM paramAnandaM mukundaM madhusUdanam |
tyaktvAnyaM naiva jAnAmi na bhajAmi smarAmi na || 71||
na namAmi na cha staumi na pashyAmIha chakShuShA |
na spR^ishAmi na vAyAmi gAyAmi na hariM vinA || 72||
jale sthale cha pAtAle.apyanile chAnale.achale |
vidyAdharAsurasure kinnare vAnare nare || 73||
tR^iNe straiNe cha pAShANe tarugulmalatAsu cha |
sarvatra shyAmalatanuM vIkShe shrIvatsavakShasam || 74||
sarveShAM hR^idayAvAsaH sAkShAtsAkShI tvameva hi |
bahirantarvinA tvAM tu nahyanyaM vedmi sarvagam || 75||

iti shrIskAdapurANe kAshIkhaNDe pUrvArddhe ekaviMshAdhyAyAntargataM
         dhruvakR^itaM viShNustotraM samAptam |

skandapurANa | kAshIkhaNDa | pUrvakhaNDa | adhyAya 21/1\-75||
##
skandapurANa . kAshIkhaNDa . pUrvakhaNDa . adhyAya 21/1-75..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}