% Text title : Gajendramokshanah from Vamanapurana % File name : gajendramokShaNaH\_vAmanapurANa.itx % Category : vishhnu, stotra, vishnu, vAmanapurANa % Location : doc\_vishhnu % Description/comments : vAmanapurANa | adhyAya 85/1-84|| Includes stuti from 31-67 % Latest update : September 14, 2024 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Gajendramokshanah from Vamanapurana ..}## \itxtitle{.. vAmanapurANe gajendramokShaNaH ..}##\endtitles ## nArada uvAcha | yAn japyAn bhagavad bhaktyA prahlAdo dAnavo.ajapat | gajendramokShaNAdIMstu chaturastAn vadasva me || 1|| pulastya uvAcha | shrR^iNuShva kathayiShyAmi japyAnetAMstapodhana | duHsvapnanAsho bhavati yairuktaiH saMshrutaiH smR^itaiH || 2|| gajendramokShaNaM tvAdau shrR^iNuShva tadanantaram | sArasvataM tataH puNyau pApaprashamanau stavau || 3|| sarvaratnamayaH shrImAMstrikUTo nAma parvataH | sutaH parvatarAjasya sumerorbhAskaradyuteH || 4|| kShIrodajalavIchyagrairdhautAmalashilAtalaH | utthitaH sAgaraM bhittvA devarShigaNasevitaH || 5|| apsarobhiH parivR^itaH shrImAn prasravaNAkulaH | gandharvaiH kinnarairyakShaiH siddhachAraNapannagaiH || 6|| vidyAdharaiH sapatnIkaiH saMyataishcha tapasvibhiH | vR^ikadvIpigajendrashcha vR^itagAtro virAjate || 7|| punnAgaiH karNikAraishcha bilvAmalakapATalaiH | chUtanIpakadambaishcha chandanAguruchampakaiH || 8|| shAlaistAlaistamAlaishcha saralArjunaparpaTaiH | tathAnyairvividhairvR^ikShaiH sarvataH samala~NkR^itaH || 9|| nAnAdhAtva~NkitaiH shrR^i~NgaiH prasravadbhiH samantataH | shobhito ruchiraprakhyaistribhirvistIrNasAnubhiH || 10|| mR^igaiH shAkhAmR^igaiH siMhairmAta~Ngaishcha sadAmadaiH | jIva~njIvakasa~NghuShTaishchakorashikhinAditaiH || 11|| tasyaikaM kA~nchanaM shrR^i~NgaM sevate yaM divAkaraH | nAnApuShpasamAkIrNaM nAnAgandhAdhivAsitam || 12|| dvitIyaM rAjataM shrR^i~NgaM sevate yaM nishAkaraH | pANDurAmbudasa~NkAshaM tuShArachayasannibham || 13|| vajrendranIlavaiDUryatejobhirbhAsayan dishaH | tR^itIyaM brahmasadanaM prakR^iShTaM shrR^i~Ngamuttamam || 14|| na tatkR^itaghnAH pashyanti na nR^ishaMsA na nAstikAH | nAtaptatapaso loke ye cha pApakR^ito janAH || 15|| tasya sAnumataH pR^iShThe saraH kA~nchanapa~Nkajam | kAraNDavasamAkIrNaM rAjahaMsopashobhitam || 16|| kumudotpalakahlAraiH puNDarIkaishcha maNDitam | kamalaiH shatapatraishcha kA~nchanaiH samala~NkR^itam || 17|| patrairmarakataprakhyaiH puShpaiH kA~nchanasannibhaiH | gulmaiH kIchakaveNUnAM samantAt pariveShTitam || 18|| tasmin sarasi duShTAtmA virUpo.antarjaleshayaH | AsId grAho gajendrANAM ripurAkekarekShaNaH || 19|| atha dantojjvalamukhaH kadAchid gajayUthapaH | madasrAvI jalAkA~NkShI pAdachArIva parvataH || 20|| vAsayanmadagandhena girimairAvatopamaH | gajo hya~njanasa~NkAsho madAchchalitalochanaH || 21|| tR^iShitaH pAtukAmo.asau avatIrNashcha tajjalam | salIlaH pa~Nkajavane yUthamadhyagatashcharan || 22|| gR^ihItastena raudreNa grAheNAvyaktamUrtinA | pashyantInAM kareNUnAM kroshantInAM cha dAruNam || 23|| hriyate pa~Nkajavane grAheNAtibalIyasA | (gaja AkarShate tIraM grAha AkarShate jalam || 24|| tayordivyaM mahAyuddhaM jAtaM varShasahasrakam |) vAruNaiH saMyataH pAshairniShprayatnagatiH kR^itaH || 24|| veShTyamAnaH sughoraistu pAshairnAgo dR^iDhaistathA | visphUrya cha yathAshakti vikrosaMshcha mahAravAn || 25|| vyathitaH sa nirutsAho gR^ihIto ghorakarmaNA | paramApadamApanno manasA.achintayaddharim || 26|| sa tu nAgavaraH shrIman nArAyaNaparAyaNaH | tameva sharaNaM devaM gataH sarvAtmanA tadA || 27|| ekAtmA nigR^ihItAtmA vishuddhenAntarAtmanA | janmajanmAntarAbhyAsAt bhaktimAn garuDadhvaje || 28|| nAnyaM devaM mahAdevAt pUjayAmAsa keshavAt | mathitAmR^itaphenAbhaM sha~NkhachakragadAdharam || 29|| sahasrashubhanAmAnamAdidevamajaM vibhum | pragR^ihya puShkarAgreNa kA~nchanaM kamalottamam | ApadvimokShamanvichChan gajaH stotramudIrayat || 30|| gajendra uvAcha | (atha stutiH |) OM namo mUlaprakR^itaye ajitAya mahAtmane | anAshritAya devAya niHspR^ihAya namo.astu te || 31|| nama AdyAya bIjAya ArSheyAya pravartine | antarAya chaikAya avyaktAya namo namaH || 32|| namo guhyAya gUDhAya guNAya guNavartine | apratarkyAprameyAya atulAya namo namaH || 33|| namaH shivAya shAntAya nishchintAya yashasvine | sanAtanAya pUrvAya purANAya namo namaH || 34|| namo devAdhidevAya svabhAvAya namo namaH | namo jagatpratiShThAya govindAya namo namaH || 35|| namo.astu padmanAbhAya namo yogodbhavAya cha | vishveshvarAya devAya shivAya haraye namaH || 36|| namo.astu tasmai devAya nirguNAya guNAtmane | nArAyaNAya vishvAya devAnAM paramAtmane || 37|| namo namaH kAraNavAmanAya nArAyaNAyAmitavikramAya | shrIshAr~NgachakrAsigadAdharAya namo.astu tasmai puruShottamAya || 38|| guhyAya vedanilayAya mahodarAya siMhAya daityanidhanAya chaturbhujAya | brahmendrarudramunichAraNasaMstutAya devottamAya varadAya namo.achyutAya || 39|| nAgendradehashayanAsanasupriyAya gokShIrahemashukanIlaghanopamAya | pItAmbarAya madhukaiTabhanAshanAya vishvAya chArumukuTAya namo.ajarAya || 40|| nAbhiprajAtakramalasthachaturmakhAya shrIrodakArNavaniketayashodharAya | nAnAvichitramukuTA~NgadabhUShaNAya sarveshvarAya varadAya namo varAya || 41|| bhaktipriyAya varadIptasudarshanAya phullAravindavipulAyatalochanAya | devendravighnashamanodyatapauruShAya yogeshvarAya virajAya namo varAya || 42|| brahmAyanAya tridashAyanAya lokAdhinAthAya bhavApanAya | nArAyaNAyAtmahitAyanAya mahAvarAhAya namaskaromi || 43|| kUTasthamavyaktamachintyarUpaM nArAyaNaM kAraNamAdidevam | yugAntasheShaM puruShaM purANaM taM devadevaM sharaNaM prapadye || 44|| yogeshvaraM chAruvichitramolimaj~neyamagryaM prakR^iteH parastham | kShetraj~namAtmaprabhavaM vareNyaM taM vAsudevaM sharaNaM prapadye || 45|| adR^ishyamavyaktamachintyamavyayaM maharShayo brahmamayaM sanAtanam | vadanti yaM vai puruShaM sanAtanaM taM devaguhyaM sharaNaM prapadye || 46|| yadakSharaM brahma vadanti sarvagaM nishamya yaM mR^ityumukhAt pramuchyate | tamIshvaraM tR^iptamanuttamairguNaiH parAyaNaM viShNumupaimi shAshvatam || 47|| kAryaM kriyA kAraNamaprameyaM hiraNyabAhuM varapadmanAbham | mahAbalaM vedanidhiM sureshaM vrajAmi viShNuM sharaNaM janArdanam || 48|| kirITakeyUramahArhaniShkairmaNyuttamAla~NkR^itasarvagAtram | pItAmbaraM kA~nchanabhaktichitraM mAlAdharaM keshavamabhyupaimi || 49|| bhavodbhavaM vedavidAM variShThaM yogAtmanAM sA~NkhyavidAM variShTham | AdityarudrAshvivasuprabhAvaM prabhuM prapadye.achyutamAtmavantam || 50|| shrIvatsA~NkaM mahAdevaM devaguhyamanaupamam | prapadye sUkShmamachalaM vareNyamabhayapradam || 51|| prabhavaM sarvabhUtAnAM nirguNaM parameshvaram | prapadye muktasa~NgAnAM yatInAM paramAM gatim || 52|| bhagavantaM guNAdhyakShamakSharaM puShkarekShaNam | sharaNyaM sharaNaM bhaktyA prapadye bhaktavatsalam || 53|| trivikramaM trilokeshaM sarveShAM prapitAmaham | yogAtmAnaM mahAtmAnaM prapadye.ahaM janArdanam || 54|| AdidevamajaM shambhuM vyaktAvyaktaM sanAtanam | nArAyaNamaNIyAMsaM prapadye brAhmaNapriyam || 55|| namo varAya devAya namaH sarvasahAya cha | prapadye devadeveshamaNIyAMsamaNoH sadA || 56|| ekAya lokatatvAya parataH paramAtmane | namaH sahasrashirase anantAya mahAtmane || 57|| tvAmeva paramaM devamR^iShayo vedapAragAH | kIrtayanti cha yaM sarve brahmAdInAM parAyaNam || 58|| namaste puNDarIkAkSha bhaktAnAmabhayapradaH subrahmaNya namaste.astu trAhi mAM sharaNAgatam || 59|| pulastya uvAcha | bhaktiM tasyAnusa~nchintya nAgasyAmoghasambhavaH | prItimAnabhavad viShNuH sha~NkhachakragadAdharaH || 60|| sAnnidhyaM kalpayAmAsa tasmin sarasi keshavaH | garuDastho jagatsvAmI lokAdhArastapodhanaH || 61|| grAhagrastaM gajendraM taM taM cha grAhaM jalAshayAt | ujjahArAprameyAtmA tarasA madhusUdanaH || 62|| sthalasthaM dArayAmAsa grAhaM chakreNa mAdhavaH | mokShayAmAsa nAgendraM pAshebhyaH sharaNAgatam || 63|| sa hi devalashApena hUhUrgandharvasattamaH | grAhatvamagamat kR^iShNAd vadhaM prApya divaM gataH || 64|| gajo.api viShNunA spR^iShTo jAto divyavapuH pumAn | Apadviktau yugapad gajagandharvasattamau || 65|| prItimAn puNDarIkAkShaH sharaNAgatavatsalaH | abhavat tvatha deveshastAbhyAM chaiva prapUjitaH || 66|| idaM cha bhagavAn yogI gajendraM sharaNAgatam | provAcha munishArdUla madhuraM madhusUdanaH || 67|| shrIbhagavAnuvAcha | yo mAM tvA~ncha sarashchaiva grAhasya cha vidAraNam | gulmakIchakareNUnAM rUpaM meroH sutasya cha || 68|| ashvatthaM bhAskaraM ga~NgaM naimiShAraNyameva cha | saMsmariShyanti manujAH prayatAH sthirabuddhayaH || 69|| kIrtayiShyanti bhaktyA cha shroShyanti cha shuchivrataH | duHsvapno nashyate teShAM susvapnashcha bhaviShyati || 70|| mAtsyaM kaurma~ncha vArAhaM vAmanaM tArkShyameva cha | nArasiMhaM cha nAgendraM sR^iShTipralayakArakam || 71|| etAni prAtarutthAya saMsmariShyanti ye narAH | sarvapApaiH pramuchyante puNyaM lokamavApnuyuH || 72|| pulastya uvAcha | evamuktvA hR^iShIkesho gajendraM garuDadhvajaH | sparshayAmAsa hastena gajaM gandharvameva cha || 73|| tato divyavapurbhUtvA gajendro madhusUdanam | jagAma sharaNaM vipra nArAyaNaparAyaNaH || 74|| tato nArAyaNaH shrImAn mokShayitvA gajottamam | pApabandhAchcha shApAchcha grAhaM chAdbhutakarmakR^it || 75|| R^iShibhiH stUyamAnashcha devaguhyaparAyaNaiH | gataH sa bhagavAn viShNurdurvij~neyagatiH prabhuH || 76|| gajendramokShaNaM dR^iShTvA devAH shakrapurogamAH | vavandire mahAtmAnaM prabhuM nArAyaNaM harim || 77|| maharShayashchAraNAshcha dR^iShTvA gajavimokShaNam | vismayotphullanayanAH saMstuvanti janArdanam || 78|| prajApatipatirbrahmA chakrapANivicheShTitam | gajendramokShaNaM dR^iShTvA idaM vachanamabravIt || 79|| ya idaM shrR^iNuyAnnityaM prAtarutthAya mAnavaH | prApnuyAt paramAM siddhiM duHsvapnastasya nashyati || 80|| gajendramokShaNaM puNyaM sarvapApapraNAshanam | kathitena smR^itenAtha shrutena cha tapodhanaH | gajendramokShaNeneha sadyaH pApAt pramuchyate || 81|| etatpavitraM paramaM supuNyaM sa~NkIrtanIyaM charitaM murAreH | yasmin kilokte bahupApabandhanAt labhyeta mokSho dviradena yadvat || 82|| ajaM vareNyaM varapadmanAbhaM nArAyaNaM brahmanidhiM suresham | taM devaguhyaM puruShaM purANaM vandAmyahaM lokapatiM vareNyam || 83|| pulastya uvAcha | etat tavoktaM pravaraM stavAnAM stavaM murArervaranAgakIrtanam | yaM kIrtya saMshrutya tathA vichintya pApApanodaM puruSho labheta || 84|| iti shrIvAmanapurANe pulastyanAradasaMvAde vAmanaprAdurbhAve gajendramokShaNaM nAma pa~nchAshItitamo.adhyAyaH || 85|| ## Verse 24 is inserted above to match the sequence from pancharatnagItA. It does not have the concluding verse 84 to compensate. \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}