% Text title            : Gajendramokshanah from Vishnudharmapurana
% File name             : gajendramokShaNaH\_viShNudharma.itx
% Category              : vishhnu, stotra, vishnu, viShNudharmapurANa
% Location              : doc\_vishhnu
% Description/comments  : viShNudharmapurANa | adhyAya 69/1-92 (67/1-82)|| Includes stuti after 47(36)
% Latest update         : September 14, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Gajendramokshanah from Vishnudharmapurana ..}##
\itxtitle{.. viShNudharmapurANe gajendramokShaNaH ..}##\endtitles ##
(ekonasaptatitamo.adhyAyaH)
gajendramokShaNastavaH |
shatAnIka uvAcha |
mayA hi devadevasya viShNoramitatejasaH |
shrutAH sambhUtayaH sarvA gadatastava suvrata || 1||
yadi prasanno bhagavAn anugrAhyo.asmi vA yadi |
tadahaM shrotumichChAmi nR^INAM duHsvapnanAshanam || 2||
svapnA hi sumahAbhAga dR^ishyante ye shubhAshubhAH |
phalAni te prayachChanti tadguNAnyeva bhArgava || 3||
yadyatpuNyaM pavitraM cha nR^INAmatishubhapradam |
duHsvapnopashamAyAlaM tanme vistarato vada || 4||
shaunaka uvAcha |
idameva mahArAja pR^iShTavAmste pitAmahaH |
bhIShmaM dharmabhR^itAM shreShThaM dharmaputro yudhiShThiraH || 5||
jitante puNDarIkAkSha namaste vishvabhAvanA |
namastestu R^iShIkesha mahApuruShapUrvIja || 6||
AdyaM puruShaM IshAnaM puruhUtaM praruShTutam |
R^itamekAkSharaM brahma vyaktAvyaktaM sanAtanam || 7||
asachvachvaiva cha yadvishvaM sadasat tataH param |
parAvarANAM sraShTAraM purANaM paramavyayam || 8||
ma~NgalyaM ma~NgalaM viShNuM vareNyaM anaghaM shuchim |
namaskR^itya hR^iShIkeshaM characharaguraM harim || 9||
nAsti nArAyaNasamaM nabhUtaM na bhaviShyati |
pitena satyavAkyena sarvArthAn sAdhayAmyaham || 10||
kimanyairbahubhirmantraiH shAstrairvA bahuvistrutaiH |
namo nArAyaNAyeti mantraH sarvArthasAdhakaH || 11||
padmAsanaM padmasamAnanashcha padmasvayoniM chaturAnanaM cha |
Sha~Ngavaidaishcha vibhUShitA~NgaM pitAmahaM taM praNato.asmi nityam || 12||
muniM snigdhAmbudAbhAsaM vedavyAsamakalmaSham |
sarastvatyAvAsaM vedavyAsaM namAmyaham || 13||
maharShessarvalokeShu pUjitasya mahAtmanaH |
pravakShyAmi mataM kR^itsnaM vyAsasyAmitatejasaH || 14||
jaj~ne mahAyaj~na paraM hyudAraM yadvIpamadhye suvamAtmavattaH |
parAsharAtgandhavatI maharShIM tasmai namo.aj~nAnatamaunudAya || 15||
namo bhagavate tasmai vyAsAyA.amitatejase |
yasyaprasAdAt vakShyAmi nArAyaNakathAmimAm || 16||
janamejaya uvAcha |
kiM japan muchyate brahman kiM japan sukhamashrute |
dusvapranAshanaM puNyaM shrotumichChAmi mAnada || 17||
vaishampAyana uvAcha |
devavrataM mahAprAj~naM sarvashAstravishAradam |
vinayenopasa~Ngamya paryapR^ichChadyudhiShThiraH || 18||
yudhiShThira uvAcha |
duHsvapnadarshanaM ghoramavekShya bharatarShabha |
prayataH kiM japejjapyaM vibuddhaH kimanusmaret || 19||
pitAmaha mahAbuddhe buddherbhedo mahAn ayam |
pitAmaha prasAdena yajj~nAtaM nR^ipasattama
tadahaM shrotumichChAmi brUhi me vadatAM vara || 20||
bhIShma uvAcha |
shR^iNu rAjan mahAbAho vartayiShyAmi te.akhilam |
duHsvapnadarshane japyaM yadvai nityaM samAhitaiH || 21||
atrApyudAharantImamitihAsaM purAtanam |
gajendramokShaNaM puNyaM kR^iShNasyAkliShTakarmaNaH || 22||
sarvaratnamayaH shrImAmstrikUTo nAma parvataH |
sutaH parvatarAjasya sumerorbhAskaradyuteH || 23||
kShIrodajalavIchyagrairdhautAmalashilAtalaH |
utthitaH sAgaraM bhittvA devarShigaNasevitaH || 24||
apsarobhiH samAkIrNaH shrImAn prasravaNAkulaH |
gandharvaiH kinnarairyakShaiH siddhachAraNapannagaiH |
vidyAdharaiH sapatnIkaiH samyataishcha tapasvibhiH |
mR^igairdvIpairdvijaishchaiva vR^itaH sauvarNarAjataiH |
(mR^igairdvijairgajendraishcha vR^itagAtro virAjate)
punnAgaiH karNikAraishcha puShpitairupashobhitaH ||
chUtanIpakadambaishcha chandanAgaruchampakaiH |
shAlaistAlaistamAlaishcha kuTajaisha chArjunaistathA || 25||
vakulaiH pATalaishchaiva saralairdevadArubhiH
mandArakuruvaishvApi pArijAtaishcha sarvashaH
evaM bahuvidhairvR^ikShaiH sarvataH samala~NkR^itaH |
nAnAdhAtUjjvalaiH shR^i~NgaiH prasravadbhiH samantataH || 26||
mR^igaiH shAkhAmR^igaiH simhairmAta~Ngaishcha sadAmadaiH |
jIvajjIvakasanghuShTaM chakorashikhinAditam || 27||
tasyaikaM kA~nchanaM shR^i~NgaM sevate yaddishAkaraH |
nAnApuShpasamAkIrNaM nAnAgandhasamAkulam || 28||
dvitIyaM rAjataM shR^i~NgaM sevate yannishAkaraH |
pANDurAmbudasa~NkAshaM tuShArachayasannibham || 29||
vajrendranIlavaiDUryatejobhirbhAsayannabhaH |
R^itIyaM brahmasadanaM prakR^iShTaM shR^i~Ngamuttamam || 30||
na tatkR^itaghnAH pashyanti na nR^ishaMsA na nAstikAH |
nAtaptatapasaH shailaM taM vai pashyanti mAnavAH || 31||
tapaso loke ye vai pApakR^itA janAH
tasya sAnumataH pR^iShThe saraH kA~nchanapa~Nkajam |
kAraNDavasamAkIrNaM rAjahaMsopashobhitam || 32||
mattabhramarasanghuShTaM phullapa~Nkajashobhitam |
kumudotpalakalhArapuNDarIkopashobhitam || 33||
utpalaiH shatapattraishcha kA~nchanaiH samala~NkR^itam |
pattrairmaNidalaprakhyaiH puShpaiH kA~nchanasannibhaiH |
gulmaiH kIchakaveNUnAM samantAt parivAritam || 34||
dashayojana vistIrNaM shatayojanamAyataM
tasmin sarasi duShTAtmA virUpo.antarjalAshayaH |
AsId grAho gajendrANAM durAdharSho mahAbalaH || 35||
atha dantojjvalamukhaH kadAchidgajayUthapaH |
AjagAmAsitAbhrAbhaH kareNuparivAritaH || 36||
madasrAvI mahAraudraH pAdachArIva parvataH |
vAsayan madagandhena girimairAvatopamaH || 37||
sa gajo.a~njanasa~NkAsho madAchchalitamAnasaH |
gandhahastIti vikhyAtaH saraH samabhigamya tat || 38||
tR^iShitaH sa jalaM prApya kusumAkarashItalam |
apibatsahasA rAjankareNuparivAritaH |
salIlaM pa~Nkajavane yUthamadhyagato.avrajat || 39||
gR^ihItastena raudreNa grAheNAvyaktamUrtinA |
pashyantInAM kareNUnAM kroshantInAM cha dAruNam || 40||
kriyate pa~Nkajavane grAheNAtibalIyasA |
vAruNaiH samyataH pAshairniHprayatnagatiH kR^itaH |
veShTyamAnaH sughoraistu pAshairnAgo dR^iDhaistathA || 41||
visphurjya cha yathAshakti vikrushya cha mahAravAn |
vyathitaH sannirutsAho gR^ihIto ghorakarmaNA || 42||
(gajashchAkarShate tIraM grAhashchAkarShate jalam |
dvandva mahAyuddhaM divyavarShasahasrikam |)
paramApadamApanno manasAchintayaddharitam |
sa tu nAgavaraH shrImAnnArAyaNaparAyaNaH || 43||
tameva paramaM devaM gataH sarvAtmanA tadA |
ekAgraM chintayAmAsa vishuddhenAntarAtmanA || 44||
ekAtmA trividhenApi ekAtmA nigrahItAtmA
janmajanmAntarAbhyAsAdbhaktimAngaruDadhvaje |
AdyaM devaM mahAtmAnaM pUjayAmAsa keshavam || 45||
navameghapratIkAshaM sha~NkhachakragadAdharam |
amR^itAtmaka medhAbhaM amR^itAtmA tamevA~NgaM
sahasrashubhanAmAnamAdidevamajaM param || 46||
(digbAhuM sarvamUrdhAnaM bhUpAdaM gaganodaram |
AdityachandranayanaM samagraM lokasAkShiNam |
bhagavantaM prasanno.ahaM viShNumapratimaujasam |)
pragR^ihya puShkarAgreNa kA~nchanaM kamalottamam |
ApadvimokShamanvichChangajaH stotramudairayat || 47||
atha stutiH |
gajendra uvAcha |
OM namo mUlaprakR^itaye ajitAya mahAtmane || 1||
anAshritAya devAya niHspR^ihAya namo namaH || 2||
nama AdyAya bIjAya shivAya cha prashAntAya || 3||
ArSheyAya pravartine nishchalAya yashasvine || 4||
anantarAya chaikAya sanAtanAya pUrvAya || 5||
avyaktAya namo namaH purANAya namo namaH || 6||
namo guhyAya gUDhAya || 7||
guNAyAguNavartine || 8||
atarkyAyAprameyAya || 9||
anantAya namo namaH || 10||
namo devAtidevAya || 11||
aprabhAya namo namaH || 12||
namo jagatprasthitAya govindAya namo namaH || 13||
namo.astu padmanAbhAya sA~NkhyayogodbhavAya cha || 14||
vishveshvarAya devAya shivAya haraye namaH || 15||
namo.astu tasmai devAya nirguNAya guNAtmane || 16||
nArAyaNAya vishvAya devAnAM paramAtmane || 17||
namo namaH kAraNavAmanAya nArAyaNAyAmitavikramAya |
shrIshAr~NgachakrAsigadAdharAya namo.astu tasmai puruShottamAya || 48||
AdyAya vedanilayAya mahodarAya
siMhAya daityanidhanAya chaturbhujAya |
guhyAya vedanikayAya mahodarAya
brahmendrarudramunichAraNasaMstutAya
devottamAya varadAya namo.achyutAya || 49||
nAgendrabhogashayanAsanasupriyAya |
gokShIrahemashukanIlaghanopamAya |
pItAmbarAya madhukaiTabhanAshanAya |
vishvAya chArumukuTAya namo.akSharAya
bhaktipriyAya varadIptasudarshanAya || 50||
nAbhiprajAtakamalasthachaturmukhAya
kShIrodakArNavaniketayashodhanAya |
nAnAvichitramukuTA~NgadabhUShaNAya
sarveshvarAya varadAya namo varAya || 51||
vishvAtmane paramakAraNakAraNAya
phullAravindavimalAyatalochanAya |
devendradAnavaparIkShitapauruShAya
yogeshvarAya vijayAya namo varAya || 52||
lokAyanAya tridashAyanAya brahmAyanAyAtmabhavAyanAya |
dharmAyanAyaikajalAyanAya mahAvarAhAya sadA nato.asmi || 53||
nArAyaNAyAtmahitAyanAya mahAvarAhAya namaskaromi |
achintyamavyaktamanantarUpaM nArAyaNaM kAraNamAdidevam |
kUTasthammavyaktamachintyashaktiM rUpaM
yugAntasheShaM puruShaM purANaM taM vAsudevaM sharaNaM prapadye || 54||
yogeshvaraM chAruvichitramauli\-
mAj~neyamaukhyaM prakR^iteH parastham |
kShetraj~namAtmaprabhavaM vareNyaM
taM vAsudevaM sharaNaM prapadye |
adR^ishyamachChedyamanAdimadhyaM
maharShayo brahmavidaH suresham |
anantamavyayaM mayaM sanAtanaM
vadanti yaM vai puruShaM sanAtanaM
taM vAsudevaM sharaNaM prapadye || 55||
yadakSharaM brahma vadanti sarvagaM
nishAmya yaM mR^ityumukhAt pramuchyate |
tamIshvaraM tR^iptamanopamairguNaiH
parAyaNaM viShNumupaimi shAshvatam || 56||
kAryaM kriyAkAraNamaprameyaM
hiraNyanAbhaM varapadmanAbham |
mahAbalaM vedanidhiM surottamaM
vrajAmi viShNuM sharaNaM janArdanam || 57||
vichitrakeyUramahArhaniShkaM
ratnottamAla~NkR^itasarvagAtram |
pItAmbaraM kA~nchanabhaktichitraM
mAlAdharaM keshavamabhyupaimi || 58||
bhavodbhavaM vedavidAM variShThaM
yogAtmAnaM sA~NkhyavidAM variShTham |
AdityachandrAshvivasuprabhAvaM
prabhuM prapadye.achyutamAtmabhUtam || 59||
shrIvatsA~NkaM mahAdevaM vedaguhyamanuttamam |
prapadye sUkShmamachalaM bhaktAnAmabhayapradam || 60||
prabhavaM sarvalokAnAM nirguNaM parameshvaram |
prapadye muktasa~NgAnAM yatInAM paramAM gatim || 61||
bhagavantaM surAdhyakShamakSharaM puShkarekShaNam |
sharaNyaM sharaNaM bhaktyA prapadye brAhmaNapriyam || 62||
trivikramaM trilokeshamAdyamekamanAmayam |
bhUtAtmAnaM mahAtmAnaM prapadye madhusUdanam || 63||
(AdidevamajaM shambhuM vyaktAvyaktaM janArdanam |
kShetraj~naM puruShaM yaj~naM triguNAtItamavyayam |)
nArAyaNamaNIyAmsaM prapadye parameshvaram || 64||
akUpArAya devAya namassarvamahAdyute
prapadye devadeveshaM aNIyAmsaM aNossadA
ekAya lokatrayAya parataH paramAtmane |
namaH sahasrashirase anantAya mahAtmane || 65||
vareNyamanaghaM devamR^iShayo vedapAragAH |
kIrtayanti cha yaM sarve taM prapadye sanAtanam || 66||
namaste puNDarIkAkSha bhaktAnAmabhayaprada |
subrahmaNya namaste.astu trAhi mAM sharaNAgatam || 67||
bhIShma uvAcha |
bhaktiM tasyAnusa~nchintya nAgasyAmoghasaMstavam |
prItimAn abhavadrAja~nsha~NkhachakragadAdharaH |
sAnnidhyaM kalpayAmAsa tasmin sarasi mAdhavaH || 68||
grAhagrastaM gajaM taM cha sa~NgR^ihya salilAshayAt |
ujjahArAprameyAtmA tarasaivArisUdanaH || 69||
sthalasthaM dArayAmAsa grAhaM chakreNa mAdhavaH |
mokShayAmAsa cha gajaM pAshebhyaH sharaNAgatam || 70||
sa hi devalashApena hUhU gandharvasattamaH |
gajatvamagamat kR^iShNAnmokShaM prApya divaM gataH |
shApAdvimuktaH sadyashcha gajo gandharvatAM gataH || 71||
Apadvimukto yugapat gajo gandharva eva cha
grAho.api yakShatAM yAto yaH kR^iShNena nipAtitaH |
tasyApi shApamokSho.asau jaigIShavyakR^ito.abhavat || 72||
prItimAmstrAti govindaH sadyaH saMsArasAgarAt |
prItimAn puNDarIkAkShashsharagatavatsalaH
abhavattatradeveshastAbhyAM chaiva prapUjitaH
kruddho.api nighnan devatvamarAtInAM prayachChati || 73||
(tau cha svaM svaM vapuH prApya praNipatya janArdanam |
gandharvarAT tathA yakShaH parAM nirvR^itimAgatau || 74||
idaM chaiva mahAbAho devadevo.abhyabhAShata |
dR^iShTvA muktau gajagrahau bhagavAn madhusUdanaH || 75||
bhajantaM gajarAjAnaM madhuraM madhusUdanaH
bhagavAn uvAcha |
yo grAhaM nAgarAjaM cha mAM chaiva praNidhAnavAn |
smariShyati sarashchedaM yuvayormokShaNaM tathA || 76||
yemAnmmAM cha sarashchaiva grAhyashcha vidAraNam |
gulmAn chakraveNUnnAM rUpaM madhavattadA |
gulmaM kIchakaveNUnAM taM cha shailavaraM tathA |
ashvatthaM bhAskaraM ga~NgAM naimiShAraNyameva cha || 77||
prayogaM brahmadurgAMshcha daNDakAraNyameva cha
saMsmariShyanti ye martyAH samyak shroShyanti vApi ye |
(na te duHsvapnapApasya bhoktAro matparigrahAt || 78||
sarvapApaiH pramokShyante kalyANAnAM cha bhAginaH |
bhaviShyanti tathA puNyAM gatiM yAsyanti mAnavAH |
duHsvapnaM cha nR^iNAM teShAM susvapnaM cha bhaviShyati || 79||)
kaurmyaM mAtsyaM cha vArAhaM vAmanaM tArkShyameva cha |
nArasimhaM tathA rUpaM sR^iShTisaMhArakArakam || 80||
etAni prAtarutthAya saMsmariShyanti ye narAH |
sarvapApavinirmuktAste yAnti paramAM gatim || 81||
bhIShma uvAcha |
evamuktvA tu rAjendra devadevo janArdanaH |
aspR^ishadgajagandharvaM grAhayakShaM cha taM tadA || 82||
tvA narashreShThaH nAgendraM madhusUdhanaH
sparshayAmAsa hastena gajaM gandharvameva cha
tena spR^iShTAvubhau sadyo divyamAlyAmbarAnvitau |
vimAne.abhimate prApya jagmatustridashAlayam || 83||
tato divyavapurbhUtvA hastirAT paramaM padaM
gachChati sma mahAbAho nArAyaNaparAyaNaH
tato devapatiH kR^iShNo mokShayitvA gajottamam |
R^iShibhiH stUyamAno hi guhyairvedapadAkSharaiH |
gataH sa bhagavAnviShNurdurvij~neyagatiH prabhuH || 84||
gajendramokShaNaM dR^iShTvA sarve chendrapurogamAH |
brahmANamagrataH kR^itvA sarve prA~njalayo.abhavan |
vavandire mahAtmAnaM prabhuM nArAyaNaM harim |
vismayotphullanayanAH prajApatipuraHsarAH |
ya idaM shR^iNuyAnnityaM prAtarutthAya mAnavaH |
prApnuyAt paramAM siddhiM duHsvapnastasya nashyati |
gajendramokShaNaM puNyaM sarvapApapramochanam |
shrAvayet prAtarutthAya sarvapApaiH pramuchyate || 85||
shraddhayA hi kurushreShTha smR^itena kathitena cha |
gajendramokShaNeneha dIrghamAyuravApnuyAt || 86||
mayA te kathitaM divyaM pavitraM pApanAshanam |
kIrtayasva mahAbAho mahAduHsvapnanAshanam || 87||
charitaM puNyaphaladaM puShkalaM tava dardhate
bhaktimAn puNDarIkAkShe naro duHkhAt pramuchyate
bhrAdabhissahito rAjan brAhmaNairvedapAragaiH
pUjayAmAsa devAM prArshvasthaM madhusUdhanaM
shaunaka uvAcha |
kIrtyamAnaM cha viprebhyaH shR^iNu bhaktyA yathoditam |
gajendramokShaNaM shrutvA kuntIputro yudhiShThiraH |
bhIShmAdbhagIrathIputrAt pUjayAmAsa keshavam || 88||
yadAmahAgrAhagR^ihItakAtaraM supurpitaM padmavane mahAdvipaM
vimokShayAmAsa gajaM janArdanaH smarAmi dusvapnavinAshanaM hariM
paramparANAM paramaM pavitraM purANamIshaM sarvalokanAthaM
sarvAmarairarchita pAdapadmaM sanAtanaM bhakta\.\.\.\.smarAmi
varagajacharaNapramuktihetoH puruShavarasya tadeva divyagItaM
satatamapipaThanti ye tu teShAM bhavamaraNAntara kilbiShApahaMsayAt |
AkAshAptatpatitaM toyaM yathA gachChati sAgaraM
sarvadeva namaskAraH keshavaM pratigachChati |
pR^ithvIM priyadattepi gAmvai sarvaM saheti cha
viShNuM brahmaNyadeveti kIrtayennAvasIdati
sarva deveShu yatpuNyaM sarva tIrtheShuyatphalaM
tatphalamsamavApnoti smR^itvA devaM janArdanaM
brahmaNyo devakI putro brahmaNyo madhusUdhanaH
brahmaNyo puNDarIkAkSho brahmaNyo viShNurachyutaH
merumandaramAtro.api rAshiH pApasyakarmaNaH
keshavaM vaidyaM AsAdya durvyAdhiriva nashyati
namo brahmaNya devAya go brAhmaNa hitAya cha
jagaddhitAya kR^iShNAya govindAya namo namaH
ye chApi pANDuputrasya samIpasthA dvijottamAH |
te.api bhIShmasya pArshvasthaM vAsudevaM praNemire || 89||
varaM vareNyaM varapadmanAbhaM
nArAyaNaM brahmanidhiM puresham |
taM devaguhyaM puruShaM purANaM
vavandire brahmavidAM variShTham || 90||
etatpuNyaM mahArAja narANAM pApakarmaNAm |
duHsvapnadarshane ghore shrutvA pApAt pramuchyate |
bhaktimAnpuNDarIkAkShe gajo duHkhAdvimochitaH || 91||
tathA tvamapi rAjendra prapadya sharaNaM harim |
vimuktaH sarvapApebhyaH prApsyase paramAM gatim || 92||

iti viShNudharme gajendramokShaNastavo nAma ekonasaptatitamo.adhyAyaH |
##

In some print, this adhyAya is numbered 67
and has 82 verses plus the stuti
after verse 47.
See also similar stuti from Vamanapurana.

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}