% Text title            : Gajendramokshanah from Vishnudharmottarapurana
% File name             : gajendramokShaNaH\_viShNudharmottara.itx
% Category              : vishhnu, stotra, vishnu, viShNudharmottarapurANa
% Location              : doc\_vishhnu
% Description/comments  : viShNudharmottarapurANa | adhyAya 194/1-74|| stuti 29-48
% Latest update         : September 14, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Gajendramokshanah from VishnudharmottarapurAna ..}##
\itxtitle{.. viShNudharmottarapurANe gajendramokShaNaH ..}##\endtitles ##
vajra uvAcha |
bhagava~nChrotumichChAmi gajendrasya vimokShaNam |
vistareNa mahAbhAga shApAnnakrasya chobhayoH || 1||
mArkaNDeya uvAcha |
astyasmi~nChR^i~NgavAnnAma jambUdvIpe kulAchalaH |
mahAdhAtusamunnaddhairyutaH shR^i~Ngairnabha~NkaShaiH || 2||
yasya shR^i~NgatrayaM madhyaM bhAti rAjanvisheShavat |
brahmArkasomanilayaM manohAri divaM gatam || 3||
teShAmathaikaM sauvarNamaparaM rAjataM mahat |
sarvaratnamayaM chaikaM madhyamaM brahmaNaH kShayam || 4||
kA~nchanaM sUryanilayaM rAjataM shashinaH kShayam |
trikUTaM shailarAjAbhaM ratnapakShadrumairyutam || 5||
na tatkR^itaghnAH pashyanti na nR^ishaMsA na nAstikAH |
nAtaptatapasaH kechinnaiva pApakR^ito janAH || 6||
tasya sAnumataH pR^iShThe saro vyAkoshapa~Nkajam |
kAraNDavasamAkIrNaM rAjahaMsopashobhitam || 7||
sachchittamiva gambhIraM sachchittamiva nirmalam |
bahUpayogyaM cha tathA satAnniShkR^itikR^innR^ipa || 8||
mInachChinnAbhrashakalasphuTakahlAratArakam |
mahAkumudarAtrIshaM dvitIyamiva chAmbaram || 9||
utphullapadmarajasA madhupaiH pari pi~njaraiH |
samantAdvyApya satpadmaM tapanIyasamairiva || 10||
chyutena padmAdrajasA haMsaiH kesharamanthanaiH |
vAyunA bhrAmyamANena durvibhAvyodakombujam || 11||
mahAntaH padminIpatrA vAyubhrastAbhrashIkaraiH |
yuktA muktAphalAkArairyatra bhAnti sahasrashaH || 12||
nR^ityanti kamalA yatra shapharI sphuraNAhatAH |
bhramarodgItasa~NghoShai rasatsArasanAdikam || 13||
hasantamiva haMsaughairnR^ityantamiva chormibhi |
udgIthamiva kurvANaM kAraNDavaravaiH shubhaiH || 14||
madhye tvagAdhaM chaturaH pratIhArairivoddhataiH |
utsArayantaM kallolairvAyukShiptadrumodbhavAn || 15||
bhramarAntarasaMlInakahlArakusumAkShubhiH ||
pashyantamiva shailasya shR^i~NgANAM tanmahochChrayam || 16||
yatrAtishItalaM toyaM laghu svAdu sudhAnibham |
anyachChra~NgaM manohAri bhR^i~NganAda ninAditam || 17||
tasminsarasi duShTAtmA virUpo.antarjaleshayaH |
hUhUrjagAma grAhatvaM shApAdvai devalasya tu || 18||
tasminneva tathA shaile hAhA gandharvasattamaH |
babhUva yUthapo hastI chalatparvatasannibhaH || 19||
atha dantojjvalavapuH kadAchidgajayUthapaH |
AjagAma mahIpAla chotphulla kamalaM saraH || 20||
vaMshadaNDaiH sa kalabhairvR^itashchaiva karareNubhiH |
vAsayanmadagandhena taM trikUTaM mahIdharam || 21||
sa gajo.a~njanasa~NkAsho madAku~nchitalochanaH |
salIlaM pa~Nkajavane yUthamadhyagato vrajam. 22||
gR^ihItastena raudreNa grAheNAvyaktamUrtinA |
pashyataH sarvayUthasya kroshatashchAti dAruNam || 23||
sa chakAra mahAyatnamAtmanaH parimokShaNe |
grAho.api yatnamAtiShThatku~njarAkarShaNe mahAn || 24||
grAho.api balinaM nAgaM na shashAka mahAmbhasi |
AkraShTuM na cha nAgo.api tathAtmAnaM vimokShitum || 25||
visphUrjya cha yathAshakti vikruShya cha mahAravAn |
vyathitaH sa nirudyogaH pashchimAmAgato dashAm || 26||
sa tu nAgavaraH shrImAnnArAyaNaparAyaNaH |
jagAma sharaNaM viShNuM tuShTAva cha parantapaH || 27||
gR^ihItvA sa karAgreNa sarasaH kamalottamam |
nivedya bhaktyA kR^iShNAya gajaH stotramudIrayat || 28||
gaja uvAcha |
namonamaH kAraNavAmanAya nArAyaNAyAsuradAraNAya |
shrIshAr~NgachakrAsigadAdharAya namo.astu tasmai puruShottamAya || 29||
AdyAya vedanilayAya mahoragAya siMhAya daityanilayAya chaturbhujAya |
brahmendrarudramunichAraNasaMstutAya devottamAya varadAya namo.achyutAya || 30||
nAgendrabhogashayanAsanasupriyAya gokShIrahemashukanIlaghanopamAya |
pItAmbarAya madhukaiTabhanAshanAya bhaktapriyAya varadIptasudarshanAya || 31||
nAbhiprajAtakamalasthachaturmukhAya kShIrodakArNavaniketayashodharAya |
nAnAvichitra mukuTA~NgadabhUShaNAya sarveshvarAya vijayAya namo varAya || 32||
vishvAtmane paramakAraNakAraNAya phullAravindavipulAyatalochanAya |
devendrabhAvana parIkShitapauruShAya yogIshvarAya vijayAya namo varAya || 33||
lokAyanAya tridashAyanAya brahmAyaNAyAtmaguNAyanAya |
dharmAyaNAyaikajanAyanAya mahAvarAhAya sadA nato.asmi || 34||
achintyamavyaktamanantarUpaM nArAyaNaM kAraNamAdidevam |
yugAntasheShaM puruShaM purANaM taM vAsudevaM sharaNaM prapadye || 35||
adR^ishyamachChedyamanAdimadhyaM maharShayo brahmanidhiM suresham |
vadanti yaM vai puruShaM sanAtanaM taM vAsudevaM sharaNaM prapadye || 36||
yamakSharaM brahma vadanti sarvagaM nishamya yaM mR^ityumukhAtpramuchyate |
tamIshvaraM dR^iptamanuttamairguNaiH parAyaNaM viShNumupaiti shAshvatam || 37||
kAryakriyAkAraNamaprameyaM hira NyanAbhaM kanakAravindam |
mahAbalaM vedanidhiM surottamaM vrajAmi viShNuM sharaNaM janArdanam || 38||
vichitrakeyUramahArhaniShkaM ratnottamAla~NkR^itasarva gAtram |
pItAmbaraM kA~nchanabhaktichitraM mAlAdharaM keshavamabhyupaimi || 39||
bhavodbhavaM vedavidAM variShThaM yogAtmanAM sA~NkhyavidAM variShTham |
AdityachandrAshvivasuprabhAvaM prabhuM prapadye.achyutamAtmabhUtam || 40||
shrIvatsA~NkaM mahAdevaM vedaguhyamanuttamam |
prapadye sUkShmamachalaM bhaktAnAmabhayapradam || 41||
prabhavaM sarvalokAnAM nirguNaM cha guNAtmanAm |
prapadye muktasa~NgAnAM yatInAM paramAM gatim || 42||
bhagavantaM surAdhyakShamakSharaM puShkarekShaNam |
sharaNyaM sharaNaM bhaktyA prapadye brAhmaNapriyam || 43||
brahmAdeshaM trilokeshamAdyamekamanAmayam |
bhUtAtmAnaM mahAtmAnaM prapadye madhusUdanam || 44||
kShetraj~naM puruShaM viShNuM triguNAtItamavyayam |
nArAyaNamaNIyAMsaM prapadye sharaNaM harim || 45||
ekAya lokatantrAya parataH paramAtmane |
namaH sahasrashirase anantAya mahAtmane || 46||
vareNyamanaghaM devamR^iShayo vedapAragAH |
kIrtayantyabhavaM sarve taM prapadye sanAtanam || 47||
namaste puNDarIkAkSha bhaktAnAmabhayaprada |
subrahmaNya namaste.astu trAhi mAM sharaNA.agatam || 48||
mArkaNDeya uvAcha |
bhaktiM tasya tu sa~nchintya nAgasyA.amoghasaMstavaH |
prItimAnabhavadrAjansadyashchakragadAdharaH || 49||
sAnnidhyaM kalpayAmAsa grAhaM chakreNa mAdhavaH |
mokShayAmAsa cha gajaM pAshebhyaH sharaNAgatam || 50||
sa hi devalashApena hAhA gandharvasattamaH |
gajatvamabhavattyaktvA mokShaM prApya divaM gataH || 51||
grAhAdvimuktaH sadyastu gajo gandharvatAM gataH |
grAho gandharvatAM prApto yaH kR^iShNena nipAtitaH || 52||
tasyApi devalakR^itaH shApadoSho.abhavatpurA |
prItimAMstrAyate viShNuH sadyaH saMsArasAgarAt || 53||
kuddho.api nighnandevatvamarAtInAM prayachChati |
tau cha svaM svaM vapuH prApya praNipatya janArdanam || 54||
gandharvAdhipatI shIghraM parAM nirvR^itimAgatau |
idaM chaiva mahAbAho purA devo.abhyabhAShata || 55||
dR^iShTvA muktau gajagrAhau bhagavAnmadhusUdanaH |
yo.agrahInnAgarAjaM cha mAM chaiva praNidhAnavAn || 56||
smariShyati sarashchedaM yuvayormokShaNaM tathA |
gulmaM kIchakaveNUnAmimaM shailavaraM tathA || 57||
ashvatthaM bhAskaraM ga~NgAM naimiShAraNyameva cha |
prayAgaM brahmatIrthaM cha daNDakAraNyameva cha || 58||
saMsmariShyanti ye martyA samyakChroShyanti chApi ye |
na te duHsvapnapApasya bhoktAro matparigrahAt || 59||
sarvapApairvimokShyanti kalyANAnAM cha bhAginaH |
bhaviShyanti tathA puNyAM gatiM yAsyanti mAnavAH || 60||
duHsvapnaM cha nR^iNAM teShAM susvapnatvaM prayAsyati |
kaurmyaM mAtsyaM cha vArAhaM vAmanaM tArkShyameva cha || 61||
nArasiMhaM tathA rUpaM sR^iShTipralayakArakam |
etAni prAtarutthAya saMsmariShyanti ye narAH || 62||
sarvapApairvishuddhAste yAsyanti paramAM gatim |
mArkaNDeya uvAcha |
evamuktvA tu rAjendra devadevo janArdanaH || 63||
aspR^ishadgajagandharvaM grAhagandharvameva cha |
tena spR^iShTau tu tau sadyo divyamAlyAmbarAnvitau || 64||
vimAne.abhimate prApte jagmatustridashAlayam |
tatra devapatiH kR^iShNo mokShayitvA gajottamam || 65||
R^iShibhistUyamAnastu guhyairvedapadAkSharaiH |
gataH sa bhagavAnviShNurdurvij~neyagatirvibhuH || 66||
gajendramokShaNaM dR^iShTvA sarve sendrapurogamAH |
brAhmaNAnagrataH kR^itvA sarve prA~njalayo.abhavan || 67||
gajendramokShaNaM puNyaM sarvapApavimochanam |
shrAvayanprAtarutthAya sarvapApaiH pramuchyate || 68||
shraddhayA hi yadushreShTha smR^itena kathitena cha |
gajendramokShaNenaiva dIrghamAyuravApnuyAt || 69||
mayA te kathitaM divyaM pavitraM pApanAshanam |
kIrtayasva mahAbAho mahAduHsvapnanAshanam || 70||
kIrtyamAnaM cha viprebhyaH shR^iNu bhaktyA yathoditam || 71||
varaM vareNyaM varapadmanAbhaM nArAyaNaM padmanidhiM suresham |
taM devaguhyaM puruShaM purANaM vavandire brahmavidAM variShThAH || 72||
etatpuNyaM yadushreShTha narANAM pApakarmiNAm |
duHsvapnadarshane ghore shrutvA pApAtpramuchyate || 73||
bhaktimAnpuNDarIkAkShe gajo duHkhAdvimochitaH |
tathA tvamapi rAjendra prapadya sharaNaM harim |
vimuktaH sarvapApebhyaH prApsyase paramAM gatim || 74||

iti shrIviShNudharmottare prathamakhaNDe mArkaNDeyavajrasaMvAde
gajendramokShaNaM nAma chaturnavatyadhikashatatamo.adhyAyaH || 1\.194||
##

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}