% Text title            : garbhagatakRRiShNastutiH
% File name             : garbhagatakRRiShNastutiH.itx
% Category              : vishhnu, krishna
% Location              : doc\_vishhnu
% Proofread by          : PSA Easwaran psawaswaran at gmail.com
% Description/comments  : VishnuStuthi Manjari 3
% Acknowledge-Permission: Mahaperiaval Trust
% Latest update         : December 5, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Garbhagatakrishnastutih ..}##
\itxtitle{.. garbhagatakR^iShNastutiH ..}##\endtitles ##
(devaiH kR^itA)
satyavrataM satyaparaM trisatyaM satyasya yoniM nihitaM cha satye |
satyasya satyamR^itasatyanetraM satyAtmakaM tvAM sharaNaM prapannAH || 1||
ekAyano.asau dviphalastrimUlashchatUrasaH pa~nchavidhaHShaDAtmA |
saptatvagaShTaviTapo navAkSho dashachChadI dvikhago hyAdivR^ikShaH || 2||
tvameka evAsya sataH prasUtistvaM sannidhAnaM tvamanugrahashcha |
tvanmAyayA saMvR^itachetasastvAM pashyanti nAnA na vipashchito ye || 3||
bibharShi rUpANyavabodha AtmA kShemAya lokasya charAcharasya |
sattvopapannAni sukhAvahAni satAmabhadrANi muhuH khalAnAm || 4||
tvayyambujAkShAkhilasattvadhAmni samAdhinA.a.aveshitachetasaike |
tvatpAdapotena mahatkR^itena kurvanti govatsapadaM bhavAbdhim || 5||
svayaM samuttIrya sudustaraM dyuman bhavArNavaM bhImamadabhrasauhR^idAH |
bhavatpadAmbhoruhanAvamatra te nidhAya yAtAH sadanugraho bhavAn || 6||
ye.anye.aravindAkSha vimuktamAninastvayyastabhAvAdavishuddhabuddhayaH |
Aruhya kR^ichChreNa paraM padaM tataH patantyadho.anAdR^itayuShmada~NghrayaH || 7||
tathA na te mAdhava tAvakAH kvachidbhrashyanti mArgAttvayi baddhasauhR^idAH |
tvayA.abhiguptA vicharanti nirbhayA vinAyakAnIkapamUrdhasu prabho || 8||
satyaM vishuddhaM shrayate bhavAn sthitau sharIriNAM shreya upAyanaM vapuH |
vedakriyAyogatapaHsamAdhibhistavArhaNaM yena janaH samIhate || 9||
sattvaM na cheddhAtaridaM nijaM bhavedvij~nAnamaj~nAnabhidApamArjanam |
guNaprakAshairanumIyate bhavAn prakAshate yasya cha yena vA guNaH || 10||
na nAmarUpe guNajanmakarmabhirnirUpitavye tava tasya sAkShiNaH |
manovachobhyAmanumeyavartmano deva kriyAyAM pratiyantyathApi hi || 11||
shR^iNvan gR^iNan saMsmarayaMshcha chintayannAmAni rUpANi cha ma~NgalAni te |
kriyAsu yastvachcharaNAravindayorAviShTachetA na bhavAya kalpate || 12||
diShTyA hare.asyA bhavataH pado bhuvo bhAro.apanItastava janmaneshituH |
diShTyA~NkitAM tvatpadakaiH sushobhanairdrakShyAma gAM dyAM cha tavAnukampatAm ||
na te.abhavasyesha bhavasya kAraNaM vinA vinodaM bata tarkayAmahe |
bhavo nirodhaH sthitirapyavidyayA kR^itA yatastvayyabhayAshrayAtmani || 14||
matsyAshvakachChapanR^isiMhavarAhahaMsa\-
       rAjanyavipravibudheShu kR^itAvatAraH |
tvaM pAsi nastribhuvanaM cha yathAdhunesha
       bhAraM bhuvo hara yadUttama vandanaM te || 15||
diShTayAmba te kukShigataH paraH pumAnaMshena sAkShAdbhagavAn bhavAya naH |
mA bhUdbhayaM bhojapatermumUrShorgoptA yadUnAM bhavitA tavAtmajaH || 16||

iti shrImadbhAgavate dashamaskandhe dvitIyAdhyAyAntargatA
devakR^itA garbhagatakR^iShNastutiH samAptA |

##
Proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}