% Text title            : Gargakritam Shri Krishna Stotram
% File name             : gargakRRitaMshrIkRRiShNastotram.itx
% Category              : vishhnu, vishnu, krishna, brahmavaivartapurANa, stotra
% Location              : doc\_vishhnu
% Proofread by          : PSA Easwaran
% Description/comments  : brahmavaivartapurANa | shrIkRRiShNajanma, pUrvabhAga | adhyAya 13/194-214||
% Latest update         : March 22, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Gargakritam Shri Krishna Stotram ..}##
\itxtitle{.. gargakR^itaM shrIkR^iShNastotram ..}##\endtitles ##
garga uvAcha |
he kR^iShNa jagatAM nAtha bhaktAnAM bhayabha~njana |
prasanno bhava mAmIsha dehi dAsyaM padAmbuje || 193||
tvatpitrA me dhanaM dattaM tena me kiM prayojanam |
dehi me nishchalAM bhaktiM bhaktAnAmabhayaprada || 194||
aNimAdikasiddhiShu yogeShu muktiShu prabho |
j~nAnatattve.amaratve vA ki~nchinnAsti spR^ihA mama || 195||
indratve vA manutve vA svargalokaphale chiram |
nAsti me manaso vA~nChA tvatpAdasevanaM vinA || 196||
sAlokyaM sArShTisArUpye sAmIpyaikatvamIpsitam |
nAhaM gR^ihNAmi te brahmaMstvatpAdasevanaM vinA || 197||
goloke vApi pAtAle vAse nAsti manorathaH |
kintu te charaNAmbhoje santataM smR^itirastu me || 198||
tvanmantraM sha~NkarAtprApya katijanmaphalodayAt |
sarvaj~no.ahaM sarvadarshI sarvatra gatirastu me || 199||
kR^ipAM kuru kR^ipAsindho dInabandho padAmbuje |
rakSha mAmabhayaM dattvA mR^ityurme kiM kariShyati || 200||
sarveShAmIshvaraH sarvastvatpAdAmbhojasevayA |
mR^ityu~njayo.antakAlashcha babhUva yoginAM guruH || 201||
brahmA vidhAtA jagatAM tvatpAdAmbhojasevayA |
yasyaikadivase brahmanpatantIndrAshchaturdasha || 202||
tvatpAdasevayA dharmaH sAkShI cha sarvakarmaNAm |
pAtA cha phaladAtA cha jitvA kAlaM sudurjayam || 203||
sahasravadanaH sheSho yatpAdAmbujasevayA |
dhatte siddhArthavadvishvaM shivaH kaNThe viShaM yathA || 204||
sarvasampadvidhAtrI yA devInAM cha parAtparA |
karoti satataM lakShmIH keshaistvatpAdamArjanam || 205||
prakR^itirbIjarUpA sA sarveShAM shaktirUpiNI |
smAraMsmAraM tvatpadAbjaM babhUva tatparAvarA || 206||
pArvatI sarvarUpA sA sarveShAM buddhirUpiNI |
tvatpAdasevayA kAntaM lalAbha shivamIshvaram || 207||
vidyAdhiShThAtrI devI yA j~nAnamAtA sarasvatI |
pUjyA babhUva sarveShAM sampUjya tvatpadAmbujam || 208||
sAvitrI vedajananI punAti bhuvanatrayam |
brahmaNo brAhmaNAnAM cha gatistvatpAdasevayA || 209||
kShamA jagadvibhartuM cha ratnagarbhA vasundharA |
prasUtiH sarvasasyAnAM tvatpAdapadmasevayA || 210||
rAdhA mamAMshasambhUtA tava tulyA cha tejasA |
sthitvA vakShasi te pAdaM sevate.anyasya kA kathA || 211||
yathA sharvAdayo devA devyaH padmAdayo yathA |
sanAthaM kuru mAmIsha Ishvarasya samA kR^ipA || 212||
na yAsyAmi gR^ihaM nAtha na gR^ihNAmi dhanaM tava |
kR^itvA mAM rakSha pAdAbjasevAyAM sevakaM ratam || 213||
iti stutvA sAshrunetraH papAta charaNe hareH |
ruroda cha bhR^ishaM bhaktyA pulakA~nchitavigrahaH || 214||

iti shrIbrahmavaivartapurANe shrIkR^iShNajanmakhaNDe pUrve trayodashAdhyAyAntargataM
         gargakR^itaM shrIkR^iShNastotraM samAptam |

brahmavaivartapurANa | shrIkR^iShNajanma, pUrvabhAga | adhyAya 13/194\-214||
##
brahmavaivartapurANa . shrIkRRiShNajanma, pUrvabhAga . adhyAya 13/194-214..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}