% Text title            : Gauramukhakritam Vishnu Stotram
% File name             : gauramukhakRRitaMviShNustotram.itx
% Category              : vishhnu, vishnu, stotra, varAhapurANa
% Location              : doc\_vishhnu
% Proofread by          : PSA Easwaran
% Description/comments  : varAhapurANa | adhyAya 15/9-19||
% Latest update         : September 4, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Gauramukhakritam Vishnu Stotram ..}##
\itxtitle{.. gauramukhakR^itaM viShNustotram ..}##\endtitles ##
gauramukha uvAcha |
stoShye mahendraM ripudarpahaM shivaM nArAyaNaM brahmavidAM pratiShThitam |
AdityachandrAshviyugasthamAdyaM purAtanaM daityaharaM sadA harim || 9||
chakAra mAtsyaM vapurAtmano yaH purAkR^itaM vedavinAshakAle |
mahAmahIdhR^igvapuragrapuchChachChaTAhavArchchiH surashatruhA.a.adyaH || 10||
tathAbdhimanthAnakR^ite girIndraM dadhAra yaH kaurmmavapuH purANam |
hitechChayA yaH puruShaH purANaH prapAtu mAM daityaharaH sureshaH || 11||
mahAvarAhaH satataM pR^ithivyAstalAttalaM prAvishadyo mahAtmA |
yaj~nA~Ngasa.nj~naH surasiddhavandyaH sa pAtu mAM daityaharaH purANaH || 12||
nR^isiMharUpI cha bhavatyajasraM yuge yuge yogivarograbhImaH |
karAlavaktraH kanakAgravarchA ratnAshayo.asmAnasurAntako.avyAt || 13||
balermakhadhvaMsakR^ite mahAtmA svAM gUDhatAM yogavapuHsvarUpaH |
sa daNDakAShThAjinalakShaNaH punaH kShitiM padA.a.akrAntavAn yaH sa pAtu || 14||
triHsaptakR^itvo jagatIM jigAya jitvA dadau kashyapAya prachaNDaH |
sa jAmadagnyo.abhijanasya goptA hiraNyagarbho.asurahA prapAtu || 15||
chatuHprakAraM cha vapurya AdyaM hairaNyagarbhapratimAnalakShyam |
rAmAdirUpairbahurUpabhedashchakAra so.asmAnasurAntako.avyAt || 16||
chANUrakaMsAsuradarpabhIterbhItAmarANAmabhayAya devaH |
yuge yuge vAsudevo babhUva kalpe bhavatyadbhutarUpakArI |
yuge yuge kalkinAmnA mahAtmA varNasthitiM karttumanekamUrttiH || 17||
sanAtano brahmamayaH purANo na yasya rUpaM surasiddhadaityAH |
pashyanti vij~nAnagatiM vihAya atho.apyanekAni samarchvayanti |
matsyAdirUpANi charANi so.avyAt || 18||
namo namaste puruShottamAya punashcha bhUyo.api namo namaste |
namaH purastAdatha pR^iShThataste nayasva mAM muktipadaM namaste || 19||
evaM namasyatastasya maharSherbhAvitAtmanaH |
pratyakShatAM gato devaH svayaM chakragadAdharaH || 20||
taM dR^iShTvA tasya vij~nAnaM nistara~NgaM svadehataH |
uttasthau so.api taM labdhvA tasmin brahmaNi shAshvate |
layaM jagAma devAtmA tvapunarbhavasa.nj~nite || 21||

iti shrIvarAhapurANe pa~nchadashAdhyAyAntargataM
                          gauramukhakR^itaM viShNustotraM samAptam |

varAhapurANa | adhyAya 15/9\-19||
##

varAhapurANa . adhyAya 15/9-19..

Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}