% Text title : Ghatikadrinatha Shatakam % File name : ghaTikAdrinAthashatakam.itx % Category : vishhnu, shataka, dashAvatAra % Location : doc\_vishhnu % Proofread by : Rajesh Thyagarajan % Description/comments : From Stotrasamuchchaya 2, Edited by Pandit K. Parameshwara Aithal % Latest update : May 10, 2023 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Ghatikadrinatha Shatakam ..}## \itxtitle{.. ghaTikAdrinAthashatakam ..}##\endtitles ## shrIve~NkaTAryacharaNau shirasi karomi smitAbjasuhR^idau tau | pR^ithutaramapi bhavajaladhiM pibatitarAM yatparAgaparamANuH || vyatyastacharaNakamalAM vinihitabhujayugalamitrajAnuyugAm | vilasitarathA~Ngasha~NkhAM vyaktimupAse viruddhajAtimatIm || 1|| shritaghaTikAchalashR^i~NgaM shItalakaruNAtara~NgitApA~Ngam | manasi mamollasada~NgaM vastu mahaH kimapi vAsasA pi~Ngam || 2|| kalitadanutanayabha~NgaM karakamalAbharaNavArijarathA~Ngam | kR^itaghaTikAchalasa~NgaM kimapi maho jayati ketanaviha~Ngam || 3|| sarvarasagandhabharitaM sa~Ngatamekamapi sakalashAkhAsu | amR^itaphalamakhilapuMsAmAsvAdyaM chitramasti ghaTikAdrau || 4|| AraNyakAptavAkyairavagamyo grAmyajanadR^ishAmapadam | sphurati ghaTikAchalAgre puruShamR^igaH ko.api puNyakR^idupeyaH || 5|| mahati ghaTikAdriviShaye mahatA snehena nirmaladashAyAm | dedIpyate sthiro.ayaM divyairmunibhiH pravartito dIpaH || 6|| muShNaMstamo janAnAM mUrdhani ghaTikAchalasya sambhUtaH | Alokato.akhilArthAnadhigamayati nityamachyuto dIpaH || 7|| rasyaM sakR^idupasevyaM labhyamapathyasahamasahitamamogham | tvaritaM harati bhavArtiM shuddhaM ghaTikAdrimaulijaM mUlam || 8|| sthirashokashalyaharaNaM jagatAM vichChinnakushalasandhAnam | sa~njIvanamapi ghaTikAshailajamUlaM karoti sArUpyam || 9|| atibalabhavAhidaShTAnamilAShaviShAgnimUrchChanAnaShTAn | ghaTikAshikharinarendro ghaTayatyasubhiH kaTAkShamAtreNa || 10|| choraM svatashchyutaM mAM svAmI ghaTikAdripo vichinvAnaH | dR^iShTvA kuto.apyupAyAd dR^iptamabadhnAd dayAguNena dR^iDham || 11|| vimalakavisevyamAnA vilasati sannihitasha~NkhachakrAbjA | kApi ghaTikAdrishikhare karuNArasapUranirbharA sarasI || 12|| nirmuktabhogashuddhAn nityamahInAn vahan nijAsaktAn | bhAti ghaTikAdrishikhare bhadrashrIH ko.api parimalaH shAkhI || 13|| karuNAmR^itarasavarShairghaTikAchalaghaTitakAlamegha nijaiH | saMsaraNataraNitaptaM sa~njIvaya vinatasasyajAlamidam || 14|| vimalatarabhaktipUre vyapagatapa~Nke vikasvarAmburuhe | mAnasasarasi munInAM ramate ghaTikAdvirAjahaMsa bhavAn || 15|| stambho hi vighnakArI sandR^iShTo jagati sarvakAryeShu | dAnavavidAraNe te tasyaiva hare kathaM nu sAchivyam || 16|| devatvamAgamAnte siddhaM tiryaktvamapi naratvena | saha dR^iShTamadya ghaTi~NkAsthAvarasarvAtmakasya kimayuktam || 17|| pa~nchAsya eva hi tvaM prathito bhagavan kathaM sahasrAsyaH | ghaTikAdripakShapAtin khyAto.asi kathaM nu vishvasAkShIti || 18|| bahudeshamalpadeshAdapi siMhatvAdadhaHsthitaM puMstvam | mUrtau tavAtra nR^ihare mukhyaH ko vAvamanyate.anyena || 19|| puMsUktapUrvakaistaiH puruShatvaM mukhyameva te viditam | kathamiyamamukhyatAsmin ghaTate ghaTikAdrimanujamR^igarAja || 20|| vidadhati na bhAgyalakShmIvirahavilAsAttavikR^itayo manujAH | shravaNAmR^iteShu ghaTikAshailavanapriya vachaHsu te shraddhAm || 21|| kAryaM hiraNyaharaNaM ghaTikAchalalubdha kaMsamukhyaharaNaM vA | aharastvamAshritAnAM hanta kimakhilAnyanarthajAtAni || 22|| doShA mamAntarahitAH svAmin ghaTikendra tAvakAshcha guNAH | tadapi guNaistvadupaghnaiH sthAne hInAshritA jitA doShAH || 23|| pAdAmbujena lasatA prasR^imaramadhunA parArdhyagandhena | shrayatAM shamayasi ghaTikAshailapa viparItavAsanAH sakalAH || 24|| praguNA paraM prasAdaM prAptA nipuNena padavidA grathitA | sutarAM tvayaiva ghaTikAnAyaka shobheta sUktihAralatA || 25|| sarasasumano.abhirAmA sAdhu cha saMskArasambhR^itollAsA | samupaiti sUktilatikA sa~NgAdamR^itaphala tava hi sAphalyam || 26|| satpakShapAtasubhagaM sanmAnasarasikamambujAsaktam | bhuvanAshrayaM vishuddhaM budhye ghaTikAvanaukasaM haMsam || 27|| sumanorasakR^itasa~NgaM (sva) smaraNavisheSheNa toShitAna~Ngam | kamalAlayAntara~NgaM kalaye ghaTikAdrikalpatarubhR^i~Ngam || 28|| durgatiduHkhitachittAn duShkarayogAn vimuchya sukhasevyAm | prAj~nAH prayAnti nityAM nibhR^itiM ghaThikAdribhUpamAlambya || 29|| kalayanti naiva santaH kApuruShadvAri vAraNAkadanam | ghaTikAshikharimukundaM kamapi nidhiM sulabhamanavadhiM labdhvA || 30|| makaramayakUrmarUpaM varasha~NkhaM padmamapi mahApadmam | kundamasitaM mukundaM ko vA ghaTikAdrinavanidhiM na bhajet || 31|| kA~nchanamaye sphurantaM ka~nchana ghaTikAmahIbhR^itaH kaTake | kR^iShNamaNimargharahitaM ke vA na vidanti kR^itsnataH shlAghyam || 32|| saMsaraNasaraNipAnthAstApatrayataraNikiraNasantaptAH | AshvasitA ghaTikAdrau harichandanametya shItalachChAyam || 33|| muktaM nira~njanabaddhaM mUlaM jagatAM phalaM cha ghaTikAdrau | AkalayatAdbhutaM mahadAkaNThaM manujamAnane siMham || 34|| pashyanti nayanahariNAH spaShTaM ghaTikAdrilubdhakaM yAvat | parisaracharaistu tAvat pAtakapatagaiH palAyitaM kvApi || 35|| vimalamaNihemakaTakaM vikasitavanamAlamullasanmaulim | ghaTikAdrisuhR^idamIDe kA~nchanapItAMshukAvR^itaM prAMshum || 36|| sadbhiH parigatamamalaiH saMshritasarvasahaM hiraNyakR^itam | ghaTikAdripaM sumeruM kalaye sarvottaraM suraiH sevyam || 37|| sarasamaviplutavelaM sambhR^itamaNirAjasarasijAsha~Nkham | gambhIramamitamamalaM gAhe ghaTikAchaleshakalashAbdhim || 38|| vigatattamograhamachalaM vR^iddhikShayarahitamanudayAstamayam | vikasitamAnasakamalaM vIkShe ghaTikAdrividhumaho vimalam || 39|| niravadhikanityamahasA nirmalamuktAnubandhasubhagena | ghaTikAdrimakuTabhAjA maNinA mama manasi vAritaM timiram || 40|| aviralavisR^imarasR^iNinA harimaNinA satatamAhitaujjvalyaH | ghanakanakakalpito.ayaM kaTako ghaTikAmahIbhR^ito bhAti || 41|| sumanobhR^itena madhunA sutarAM madhureNa shuddhiguNabhAjA | mama ghaTikAchalajanuShA mAnasanAmA samutsuko bhR^i~NgaH || 42|| aNutaramapi svamanyAnarpayataH satatamAptukAmena | ghaTikAchalapraNayinA vipulaM vihitaM hiraNyadAnamaho || 43|| ananuguNaviShayavIkShAmanidamprathamAM sarasvatIM muktvA | ghaTikAchalapraNayinA ghaTayati dR^iShTiM ghanAnurAgamayIm || 44|| dR^ishyena daivayogAd dIvyanmahasA~njanAdyatItena | sAdhayati siddhimakhilAM sa~Ngo ghaTikAdriyogipuruSheNa || 45|| prabalairmamendriyAshchaiH parituShTo viShamaviShayakAntAre | padavIM manorathAgryAM prApto ghaTikAdripArthasArathinA || 46|| ativelavilasintormeravagAhavatAmadhogamanahetoH | prApto.asmi bhavapayodheH pAraM ghaTikAniyAmakenAham || 47|| ghaTikA yadi guNaghaTitA ghaTikAchalachakrikalpitA na syuH | bhavakUpato jalAnAM bhavyaH ko vA samuddharaNahetuH || 48|| kalayanti ye svayAtrAM ghaTikAchalavaidyakalpitena pathA | bhavarogato.achirAt te muktAH snAnaM charanti virajAyAm || 49|| dadato jagatyudArAn svApekShitamarthamarthinaH prAhuH | AdadataH punararthAnuktA ghaTikAchalArthinodArAH || 50|| dAtA hi laukiko.arthAn svavyatiriktAn dadAti nAtmAnam | svo.api svasaMshritebhyo datto ghaTikAdrinR^ihariNA dAtrA || 51|| hiMsitadAnavakariNe hR^idayaguhAvihitabahuvihArAya | vikramavate saparyAM vidadhe ghaTikAdrivIrasiMhAya || 52|| shrutipAragAya vidyAsUtigR^ihAya svadharmaniratAya | svasvochitaM pradAnaM sudhiyAM ghaTikAdribhUmidevAya || 53|| mahanIyavR^ittavarNA mahitAnvayavatyala~NkR^itA kR^itinA | sUktisutanuH pradeyA shuddhA ghaTikAdrisuravarAya shubhA || 54|| gAM yo dadAti sArthAM galadamitapremadhArayA sahitAm | ghaTikAchalapraNayine ghaTate kiM tasya kA~NkShitaM nAlam || 55|| kaluShApi ghaTakavAkyaiH kShAlitavaimukhyakalmaShA dhiShaNA | pR^ithuguNabhR^ite madIyA spR^ihayati ghaTikAchalapriyAya bhR^isham || 56|| anvichChatAnyamathavA tR^iShNImAdhvaM surarShipitR^imukhyAH | tatki~Nkaro.arpito.ahaM tajj~nairghaTikAdribhR^ibhuje sachivaiH || 57|| krudhyantyanarthakaM ye goptre ghaTikAmahIbhR^ito haraye | manye mandadhiyastAn mAta~NgAneva madajuShaH kaluShAn || 58|| duShTAn nigR^ihya tarasA shiShTAnakhilAMshchireNa pAlayate | svasti suhR^ide guNAnAM bhUtyai ghaTikAdribhUbhuje bhUyAt || 59|| mR^idulaM bhavAgnipAkAd vyAptaM guNato vishuddhamahamannam | bhojyaM samarpaye svaM bhoktre ghaTi~NkAchalasya susneham || 60|| nityashriye guNAnAM nidhaye niShThyUtanikhiladoShAya | praj~nArpitA mayaiShA bhartre ghaTikAchalasya bhAgyavashAt || 61|| pAtre samAshritAnAM shAstre satpurupa vidviShAM satatam | dAtre sakalaphalAnAM netre jagatAM namo nR^isiMhAya || 62|| sumanaHsamUhabhavyAchChukamukhasevyAt sushItalachChAyAt | ghaTikAdritaTavirUDhAt kalpataroH kasya kA~NkShitaM na phalam || 63|| aviratahitapravR^itterApadi sahitAdakR^itrimasnehAt | mama ghaTikAchalabandhormAnyAdanyena kena kiM kAryam || 64|| ghanakaruNAmR^itapUrairghaTikAchalakR^iShNameghato janitaiH | pApATavI pradagdhA bhajate chitraM bhavAmbudhiH shoSham || 65|| gobhiH prakAshitArthAd gopturghaTikAbhidhAnavAdryuditAt | jAgarti satatanidraM saviturjagatAM manaHsarojaM me || 66|| ruShTena yena raudro rugNo dharaNiM jagAma sharabho.api | sa na duritadantino.asmAd ghaTikAdrihareH kathaM na bibhyati me || 67|| avyAhataprachArAdavamatamantrauShadhAt sahasrAsyAt | pAtakamUShakanivahAt pAyAt ghaTikAdribhoginaH ko vA || 68|| kalitapuruShArthasArthAd ghaTikAghaTitAt sanAtanAd dharmAt | kiM vA pramAdyatAM syAt kShemaM hyatrApyamutra vA puMsAm || 69|| ghanasamayanirvyapekShAd ghaTikAchalabhUmibharturudbhrUtA | kShAlayati kaluShamalinaM kAchana karuNAtara~NgiNI bhuvanam || 70|| sannihitasha~NkhapadmAt sarvasakhAt sakalapuNyajanasevyAt | ghaTikAdrirAjarAjAt kA vA na syAt samAshritA sampat || 71|| vR^ijinaviShAnalamUrchChAvimuShitachittAn bhavoragagrastAn | kurvIta labdhasattAn ko vA ghaTikAdrigAruDikato.anyaH || 72|| nityAnnirastadoShAnniyatapadAt puNyakIrtanashravaNAt | vinatochittAbhidhAnAd brahmaNa evAdhigamyate sakalam || 73|| shuddhimupajanayato.agryAM svAlokenaiva chakShuSho jagatAm | ghaTikAdrimitrato.anyaM kalaye.akhilalokabAndhavaM nAham || 74|| amR^itapravAhasahajairAlokairamalashItalaiH snapitAH | vividhAn bhavadavadAhAn vijahati ghaTikAdrivilasitasya vidhoH || 75|| dharmottaraM dvipAdreH sha~Nke ghaTikAdrimatra na vivAdaH | kenA~NgyakAri nAsmin kR^iShNamR^igasyAsya niyatasaMvAsaH || 76|| amR^itArpaNaM shritAnAmabhidurarasanatvamArjavaM gamane | kathamiva cha garuDasakhyaM ghaTikAchalakR^iShNabhogino ghaTate || 77|| AgaHsu saMshritAnAmanabhij~nasyAtmasAmyadasyAham | niyamena sevakaH syAM nityaM ghaTikAdribhUmipAlasya || 78|| sattvottarasya dAnaM sadbhyo ghaTikAdribhUbhR^ito yuktam | sutarAM pAparatAnAM yujyeta kathaM suradviShAM dAnam || 79|| ghaTikAdrikAmasurabheH kA~NkShApadasakalaphaladuho jagatAm | mAturgavAM mayi syAd vatse bahulaM kathaM na vAtsalyam || 80|| hanta na jahatyamoghAmAshiShamAyuH shriyaM prayu~njAnAH | ghaTikAchalaharichandanapArshvamahInAH supAvanAhArAH || 81|| sadamR^itaphalasya ghaTikAshailagasAlasya savidhagasyApi | shabdAdinimbasevAM santyajatiM na hantu hR^idayakAmo || 82|| amalAnurAgasalilairabhilAShamalAnyapohya sakalAni | kusumairahiMsanAdyaiH kuryAM ghaTikAdvidaivatasyArchAm || 83|| dhanadAdyairapi na paraiH sAdhyaM sumahaddhiraNyadAnaM tat | sukareNa kR^itavataH syAt tulyo ghaTikAdribhUbhR^itaH ko vA || 84|| janayatyavati cha sakalA.nj~nApayati yo hitAhite shAstrAt | sAmye tu tasya ko vA j~nAnI ghaTikAdrisarvajanakasya || 85|| doShAkare virAgaM sUryAloke vikAsamAmodam | padmAkhyAmapi vahato yuktaM ghaTikAdripasya kesaritA || 86|| tantrI mayAdya labdhA tapasA vipulena bhaktikanyeyam | bhajatAmavyabhichAraM bhAvaM ghaTikAdrimartari prauDhA || 87|| bhAsvati surAsuragurau bhogini va ndArusaumyamandAre | ghaTatAmamAyaghaTite ghaTikAdvividhau kathaM grahaiH pIDA || 88|| samavartini bhuvaneshe puNyajane pAvake jagatprANe | shrIde shive.api ghaTikAshailaharau sati kimanyadikpAlaiH || 89|| yasyodayaH parArtho yasyAlokena yAtyaghaM vilayam | kAle cha bodhayati yo ghaTikAmitre.atra ko virAgI syAt || 90|| sarase jAgrati ghaTikAshailagate sarasijAlaye mohAt | viraseShu chittanAmA viShayakSharakeShu vibhramati bhR^i~NgaH || 91|| bibhrati sadaiva lakShmIM vibhrAmyati mitramaNDale viduShAm | ghaTikAdvisArvabhaume ghaTate kiM vA na saMshritAbhimatam || 92|| shritaghaTikAchalashikhare sthirakaruNApUranirbhare shishire | dIvyanti vimalapakShA divye kamalAlaye chiraM haMsAH || 93|| viharati bahuguNajAle vIre ghaTikAdrikR^iShNavartmanibhe | vijahati samastatApAn vijayante mR^ityumapi vimohamaho || 94|| kanakamayakaTakashobhAM kalayati ghaTikAmahIbhR^ito ruchire | dIptimati kR^iShNaratne dR^iShTe trAsalavamanubhavet ko vA || 95|| saptarShisevyamAne santatasumanaskR^ite sahasrAkShe | ramatAM mano harau me rAjati ghaTikAdriratnasAnutaTe || 96|| pAdasparshanavibhavAt pAvitabhuvane prabodhitAtmaNe | bhajati ghaTikAdrimitre bhagavati bhAvaM manaHsarojaM me || 97|| tuShTe.alpataH sushIle suguNagR^ihIte sulakShaNe sudR^iDhe | Aropito madIyo bhadre ghaTikAdrighUrvahe bhAraH || 98|| ananuguNAmapi vANImAgaHsandohamandamatikalitAm | a~NgIkarotu bhagavAnAshritadoShAvalokanAkalyaH || 99|| svAmina eva kR^itirme sUktistoShAya tadapi tasyaiShA | svoktamanuvadati bAle sutarAM tAto hi toShamupayAti || 100|| bhaktochitopayuktAM bhaktyA saumyavaraki~NkaropahR^itAm | amR^itaphalAvalimanaghAM mR^idulAmAsvAdya mR^ityumatiyanti || 101|| iti shrIghaTikAdrinAthashatakaM sampUrNam | stotrasamuchchayaH 2 (57) ## The Ghatikddrindihashataka (57) is a eulogy in Arya metre on God Nrsimha at Ghatikacala or Sholinghur (on the upper hill) in North Arcot District. The author must have been a Srivaisnava; he pays obeisance to one Venkatacarya in the opening verse and .calls himself a devotee of Saumyavara (Manavalamamuni) in the concluding verse of the Stotra. Proofread by Rajesh Thyagarajan \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}