% Text title            : gokuleshAShTakam 4
% File name             : gokuleshAShTakam4.itx
% Category              : vishhnu, krishna, puShTimArgIya, aShTaka
% Location              : doc\_vishhnu
% Author                : harirAya
% Proofread by          : PSA Easwaran psawaswaran at gmail.com
% Description/comments  : puShTimArgIya stotraratnAkara
% Latest update         : February 28, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIgokuleshAShTakam 4 ..}##
\itxtitle{.. shrIgokuleshAShTakam 4 ..}##\endtitles ##

uddhartuM dharaNItale nijabalenaiva svakIyAm janAn
AvirbhUya tathA kR^ipAparavashaH shrIviThThaleshAlaye |
yaH shrIbhAgavatasya tattvavivR^iteshchakre pravAhaM vachaH
pIyUShairatipoShaNAya satataM shrIgokulesho.avatu || 1||
yaH puShTimArgagatabhAvavibhAvanaikaM
dakShaH samakShamapi sannidhisevakAnAm |
yo j~nAnagUDhahR^idayaH sadayaH sadaiva
sevAsukhaM mama tanotu sa gokuleshaH || 2||
yaH sevyaH satataM satAM nijaphalaprepsAvadAvirtanA\-
mAchAryoditashuddhapuShTisupathe nityAnukampAdharaH |
yaddR^iShTyaiva hR^idandhakAranichayo yAyAtkShaNAtkShINatA\-
mAnandaM muhurAtanotu madhurAkAraH prabhurvallanabhaH || 3||
yo mAyAmatavartiduShTavadanadhvaMsaM vachobhirnijaiH
kurvan sevakasarvalokahR^idayAnandaM sadA poShayan |
tadbhAvaM sudR^iDhaM karoti kR^ipayA dAsaikahR^idyAtayA
yAtAnAM sharaNaM hR^idA samanasA modaM sadA yachChatu || 4||
hasadvadanapa~NkajasphuradamandabhAvArdradR^ik
kapolavilasadrajodvayavimishratAmbUladaH |
samunnatasunAsikaH sarasachArubimbAdharo
haratvakhilasevinAM chiraviyogatApaM kShaNAt || 5||
manojamadhurAkR^itirnijamanovidododgati
kR^ite janamanohR^itau viratikArakaH saMsR^itau |
svabhAvaparipoShako bhavasamudrasaMshoShakaH
karotu varaNaM sadA saphalamatra vai vallabhaH || 6||
godhUmamechakamanoharavarNadeho
yaH keshakR^iShNanichayollasaduttamA~NgaH |
sUkShmottarIyakaTivastravirAjitA~NgaH
sa~NgaM tanotu mudamadbhutagokuleshaH || 7||
tAtAj~naikaparAyaNAshayavidAM varyaH parAnandado
mAlA yena surakShitA nijamahAyatnena kaNThe satAm |
dharmo yena vivardhitaH pitR^ipadAchAraiH sadA sarvataH
sa shrIgokulanAyakaH karuNayA bhUyAdvashe sevinAm || 8||
sarvaM sAdhanajAtamatra viphalaM nUnaM viditvA janA
nityaM taM bhajata priyaM prabhumayaM tyaktvetarasyAshrayam |
tannAmAni japantu rUpamakhilaM sa~njintayantu svayaM
saukhyaM tatpadabhAvato.abhilaShitaM sarvaM svataH prApsyate || 9||

iti shrIharirAyavirachitaM shrIgokuleshAShTakaM sampUrNam |

##
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}