% Text title            : gokuleshAShTottarashatanAmastotram
% File name             : gokuleshAShTottarashatanAmastotram.itx
% Category              : vishhnu, krishna, puShTimArgIya, aShTottarashatanAma, vishnu
% Location              : doc\_vishhnu
% Author                : viShNudAsa
% Proofread by          : PSA Easwaran psawaswaran
% Description/comments  : puShTimArgIya stotraratnAkara
% Latest update         : February 28, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIgokuleshAShTottarashatanAmastotram ..}##
\itxtitle{.. shrIgokuleshAShTottarashatanAmastotram ..}##\endtitles ##

yannAmAbjaM sadApUrNaM kR^ipAjyotsnAsamanvitam |
puShTibhaktisudhAvR^iShTikArakaM cha sukhAlpadam || 1||
atha nAmashataM sAShTaM vallabhasya vadAmyaham |
devatA vallabho nAmnAM Chando.anuShTup sukhAkaram || 2||
phalaM tu tatpadAmbhoje vyasanaM sarvadA bhavet |
R^iShistu viShNudAso.atra dAsAya varaNaM matam || 3||
vallabho gokuleshashcha viThThaleshapriyAtmajaH |
tAtatulyasvabhAvastho vrajama~NgalabhUShaNaH || 4||
dharAdharasnehadAnto bahunirdoShavigrahaH |
bhajanAnandapIyUShapUrNo ma~njudR^iga~nchalaH || 5||
dAsavR^indachakorenduH karuNAdR^iShTivR^iShTikR^it |
ShaTkarmavA~njanAdhAraH pratItaH puruShottamaH || 6||
dAsalIlAviShTachitto gopIvallabhavallabhaH |
gR^ihasthadharmakartA cha maryAdAmArgarakShakaH || 7||
puShTimArgasthito nityaM kR^iShNapremarasAtmakaH |
dvijadAridryaduHkhaghno vA~nChAkalpatarurmahAn || 8||
ananyabhaktabhAvaj~no mohanAdisukhapradaH |
vallabheShTaprado nityaM gokulaprItivardhanaH || 9||
dAsajIvanarUpashcha kandarpAdapi sundaraH |
pAdapadmarasasparshasarvAriShTanivArakaH || 10||
mAlIrakShaNakartA cha shuddhasatkIrtivardhanaH |
duShTAnAndoShahantA yo bhaktanirbhayakArakaH || 11||
indrAdibhirnato dakSho lAvaNyAmR^itavAridhiH |
rasiko dvijarAjAkhyo dvijavaMshavibhUShaNaH || 12||
asAdhAraNasaddharmA sAdhAraH sujanAshritaH |
kShamAvAn krodhamAtsaryatiraskArAdivarjitaH || 13||
gopIkAnto manohArI dAmodaraguNotsavaH |
vihArI bhaktaprANesho rAjIvadalalochanaH || 14||
mukundAnugrahotsAhI bhaktimArgarasAtmakaH |
bhaktabhAgyaphalaM dhIro bandhusajjanaveShTitaH || 15||
vachanAmR^itamAdhuryatR^iptasevakasaMstutaH |
nityotsavo nityashreyo nityadAnaparAyaNaH || 16||
bhavabandhanaduHkhaghno mahadAdhivinAshakaH |
rasabhAvanigUDhAtmA svIyeShu j~nApitAshayaH || 17|| ## Possible missing verse##
nayanAnandakartA cha vishvamohanarUpadhR^ik |
shrutismR^itipurANAdi\-shAstrAtattvArthapAragaH || 18||
dhanADhyo dhanado dharmarakShAkartA shubhapradaH |
sarveshvaraH sadApUrNaj~nAnavAn vibudhapriyaH || 19||
brahmavAde savishvAso mAyAvAdAdikhaNDanaH |
ugrapratApavAn dhyeyo bhR^ityaduHkhanivArakaH || 20||
satAmAtmA.ajAtashatrurjIvamAtrashubhaspR^ihaH |
dInabandhurvidhuH shrImAn dayAlurbhaktavatsalaH || 21||
anavadyasusa~Nkalpo jagaduddhAraNakShamaH |
anantashaktimAn shuddhagambhIramR^idulAshayaH || 22||
praNAmamAtrasantuShTaH sarvAdhikasukhapradaH |
shR^i~NgArAdirasotkarShachAturyavalitasmitaH || 23||
pAdAmbujarajaHsparshamahApatitapAvanaH |
pitR^ipAlitasaddharmarakShaNotsukamAnasaH || 24||
bhaktisiddhAntamarmaj~no gUDhabhAvaprakAshakaH |
puShTipravAhamaryAdAmArganirdhArakArakaH || 25||
shrIbhAgavatasAraj~no sarvAdhikatattvabodhakaH |
ananyabhAvasantuShTaH parAshrayanivArakaH || 26||
AchAryArdhyasvarUpashcha sadAdbhutacharitravAn |
taila~Ngatilako daivIsR^iShTisAphalyakArakaH || 27||
 iti shrIgokuleshAnAM nAmAbjAbhidhamuttamam |
stotraM sadbrahmabhaTTena viShNudAsena varNitam || 28||
yaH paThechChR^iNuyAdbhaktyA prabhustasya priyo bhavet |
saMshayo.atra na kartavyaH samartho gokuleshvaraH || 29||
tatkAruNyabalenaiva mayaitatprakaTIkR^itam |
paThantu sAdhavo.apyetattadvaddevAnukampayA || 30||
madIyeyaM tu vij~naptirbuddhidoShapramattatAm |
shodhayitvA yathAyuktaM tathA kurvantu sAdhavaH || 31||

iti shrIviShNudAsavirachitamaShTottarashatanAmnAM stotraM sampUrNam |

##
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}