% Text title            : gokuleshotsavavarNanam
% File name             : gokuleshotsavavarNanam.itx
% Category              : vishhnu, krishna, puShTimArgIya, kRiShNarAya
% Location              : doc\_vishhnu
% Author                : kRRiShNarAya
% Proofread by          : PSA Easwaran psawaswaran at gmail.com
% Description/comments  : puShTimArgIya stotraratnAkara
% Latest update         : February 28, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIgokuleshotsavavarNanam ..}##
\itxtitle{.. shrIgokuleshotsavavarNanam ..}##\endtitles ##

nandAlayAnte nigamairagamyaM
sanAtanaM brahma yadasti bhUmyA |
gorUpayA prArthita eva kR^iShNo
vAratrayaM chAvirabhUt sa eva || 1||
tadA hi bhUmAvajaniShTa pUrvaM
shrIvallabhAchArya iti prasiddhaH |
shrIviThThalesho.api tathottarasmAt
shrIvallabho.abhUt kulanAmadIpaH || 2||
purAbhiShiktaH payasA surabhyA
kR^itaH patitve nijagokulasya |
sarvendriyasvAmitayApi nAmnA
bhaktairnirukto.api sa gokuleshaH || 3||
yasminprabhuH prAdurabhUtsa bhUmau
kAlo mahAshobhana eva jAtaH |
tadA hi sarvatra jagajjanAnAM
sukhAya tajjanmadinaM babhUva || 4||
yajjanmani jagajjAtaM ma~NgalaikAtima~Ngalam |
gokulaM sakalaM chAsInnavama~NgalapUritam || 5||
pratisaMvatsaraM tasmin gokuleshajanurdine |
mahAmahotsavA Asan sakalA gokulaukasaH || 6||
AbAlavR^iddhamakhilA dhanyA gokulavAsinaH |
nityotsavAstadA hyAsannatyutsavasamutsakAH || 7||
vAditrANi vichitrANi vAdayanti sma vAdakAH |
jagurma~NgalagItAni susvarANya~NganAgaNAH || 8||
pratidvAramagArANAM navapallavatoraNam |
babandhuH sevino.anyonyaM chakruH ku~Nkumama~njanam || 9||
abhUttasmin manohArishubhakArijanurdine |
gokuleshagR^ihadvAri bhUrivAdyAnyavAdiShuH || 10||
tatra dundubhayo dhIraM madhuradhvani dadhvanuH |
gomukhAni sukhAnyAsannakhaNDaM DiNDimonadad || 11||
bheryashcha bhUrisho nedurgambhIrA bhairavAravAH |
paNavAshcha tathA viprA praNavAdyAshiSho.abhavan || 12||
vaiNavikA anaNIyAMso vINAH kalabharINAn ? |
navInA veNavo reNuH pravINA ApaNAdiShu || 13||
amandAnandasandohadAyakA gAyakA jaguH |
mR^ida~NgA vR^indasho nedurnR^ityatAlakramAnugAH || 14||
tadA shR^i~NgArabhogAnte gokuleshaH svayaM prabhuH |
mandirAnma~NgalaM snAtumAjagAma nijaM gR^iham || 15||
tatra sthitvA~NgaNe bhadraM kartuM snAnaM prachakrame |
snAnIyasAdhanaM sarvamAninyurnijasevakAH || 16||
kechana mastake tailaM siShichuH puShpavAsitam |
kechinmR^igamadaiH kechidghusR^iNaiH ke.api chandanaiH || 17||
sugandhodvartanaissarve jijiShustasya vigraham |
tata uShNodakaiH sasnau tadA taddarshanotsukaiH || 18||
tadA~NgaNagatairbhaktairanuraktaissasambhramaiH |
prAsAdashikharArUDhaH sa ghoSho.atimahAnabhUt || 19||
saMvyAya vAsasI pIte gatvA svaprabhumandiram |
tato.asau rAjabhogAnte prabhornIrAjanaM vyadhAt || 20||
atha tatrA~NgaNe so.ayaM chatuShkopari shobhane |
putrapautraprapautraiH svairniShasAda sahAsane || 21||
purapItasthitAnaShTamuShTitaNDulakalpitAn |
sakhibandhUditairmantrairupachArairapUpujat || 22||
tadante gokuleshasya svasR^iputryAdayaH striyaH |
patimatyaH satilakaM mauktikArArtikaM vyadhuH || 23||
nijabhaktastriyo.apyasya kR^itvA nIrAjanaM tathA |
tanmUrdhni mauktikasvarNa\-puShpA~njalimavAkiran || 24||
tato.anuraktairbhaktaiH svai ratnAbharaNabhUShitaH |
bandhubhiH saha vipraishcha bhojanasthAnamAyayau || 25||
brAhmaNAnbhojayitvA sa sabandhurbubhuje svayam |
bhojikAH sevakAH sarve svahastapariveShaNaiH || 26||
bhojanAnte satAmbUlA brAhmaNA dadurAshiShaH |
tataH svamandirAstIrNanavAsanasukhasthitaH || 27||
putrapautraprapautraishcha vR^ito.asau shushubhetarAm |
nR^ityavAditragItADhyaM nAnopAyanasambhR^itam || 28||
mahAmahotsavaM chakrustadA.a.asandhyaM svasevakAH |
divyAni parishreyAni paTTavastrANyanekadhA || 29||
mauktikAni saratnAni sauvarNAbharaNAni cha |
sakuTumbaM gokuleshaM prItitaH paryadhApayan || 30||
ananyAH sevino dhanyA dravyANyanyAnyanekashaH |
upAyanAnyamI ninyuranyonyebhyo.adhikAdhikam || 31||
rarAja gokulesho.asau sakuTumbo.atibhUShitaH |
puShpitaH phalito mUrtaH shra~NgAradrurivAdbhutaH || 32||
gokule gokuleshasya sadA janmadinotsavaH |
dR^iShTa AsandhyamAdhikyaM kR^iShNarAyeNa varNitaH || 33||

iti shrIkR^iShNarAyavirachitaM shrIgokuleshotsavavarNanaM sampUrNam |

##
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}