% Text title            : Shri Gopala Stavaraja
% File name             : gopAlastavarAjaH.itx
% Category              : vishhnu, stavarAja, krishna
% Location              : doc\_vishhnu
% Proofread by          : Manish Gavkar
% Latest update         : September 24, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Gopala Stavaraja ..}##
\itxtitle{.. shrIgopAlastavarAjaH ..}##\endtitles ##
stavarAjaM pravakShyAmi shrIgopAlasya bhAvataH |
bhuktimuktipradaM divyaM bhaktAnAmabhivarddhanam || 1||
navInanIradashyAmo gAmbhIryAdR^iShTyagocharaH |
pItavAsAnurAgeNa lAvaNyekaparAvadhiH || 2||
sachchidAnandamantraiko nityAkhaNDAtmavigrahaH |
sadA sakAmaH sarvAtmA nigamAgamasaMstutaH || 3||
dvibhujo bhuktimuktibhyAM vApyA pIyUShavarShaNaH |
navaka~njadalAkShibhyAM sR^iShTisthitikaraH prabhuH || 4||
bhaktibhirbhUShito deva ApAdatalamastakam |
krIDanneva sadA bAlairgopAlo lokapAlakaH || 5||
vedavetreNa shAste gA lokAnugrahakAmyayA |
svAnande gopikAvR^inde vR^indAraNye parAtmani || 6||
mandasmitena bhaktAnsvAnharShayanmohayanparAn |
sadAtmarAdhasA dAso bhajatAM kAmadhugghariH || 7||
akliShTakarmA nirdoSho nirguNo nirapAshrayaH |
aprAkR^itaguNodAro nityAnandaguNAtmakaH || 8||
gopIbhiH shrutibhirgItaH lIlAnugrahavigrahaH |
lIlayA yogamAyAM yastayA sarvaM karoti cha || 9||
tapasaH sukR^itasyApi yogavij~nAnayorapi |
bhakteranugrahasyAkShNA darshanaM hyasya satphalam || 10||
dehi taddarshanaM nAtha lochane kuru shItale |
saMsAratApajanitamaj~nAnatimiraM hare || 11||
sarvataH sAdhanairhInaM shishnodaraparAyaNam |
dambhArthamakhilArambhaM pAhi mAM karuNAnidhe || 12||
sAmprataM ramase hyasmin vraje vR^indAvane vane |
aj~nAnatimirAndhAnAmasmAkaM nAvabhAsase || 13||
dehavAkkAyavR^ittInAmAsurINAM sureshvara |
na shakyase hyavasthAnaM tvayi kalpashatairapi || 1.4||
na chotpAdayituM shakyA tvayi prItaH sukhAtmani |
prasAdaM bhavato hitvA tvAM prAptuM ko bhavetprabhuH || 15||
nityAkhaNDasukhasthasya pUrNakAmasya nityashaH |
svalAbhaparituShTasya kathaM toSho vidhIyatAm || 16||
sarvatra samabhAvena pashyataH paramAtmanaH |
kayA yuktyA prasAdaH syAtprasannasyaiva nityadA || 17||
tathApi tasya devasya lIlAlIlasya bAlavat |
prasAdA nijabhakteShu pravartante svayaM prabhoH || 18||
na rAgo vA virAgo vA krIDituH krIDane shishoH |
yathA tathA kalpataroH prasAdaH saMshrite svayam || 19||
athavA jagatAmIshe kiM kutarko girAM mite |
vishiShTeShTairupadiShTe.asmin vartanA yujyate pathi || 20||
kadA yashodAtanayaH kadA shrInandanandanaH |
kadA shrIrAdhikAkAnto dInehAM pUrayiShyati || 21||
yathA drupadajA dInA kuntikA mahilA yathA |
anugrahItA bhavatAM yathA mAM svIkuru prabho || 22||
yadi mAM kukR^itiM vIkShya udAste.atha bhagavanvibho |
tadA dharaNyAM ruShTAyAM kva yAmi sharaNaM vada || 23||
ra~NgeNa sArvabhaumasya na shakyopakR^itiH kvachit |
tathApyayaM malA~Nkena tena sambhAvyate na kim || 24||
asAre.asminnu saMsAre kArAgAre sthitaM janam |
mAmuddhara murAre shrIkaMsAre sharaNaM gatam || 25||
shrImachcharaNarAjIvarajolipsurmukhampacha |
surataM samupAsIno.abhagnashaktiM bhavAmi bhoH || 26||
tiryakShu nAtha yAdassu nArakeShu nareShu vA |
janirme bhramato nAtha bhavatAnnAsureShu cha || 27||
yatra na shrImataH sevA kathA no bhaktasa~NgatiH |
na tatra me janirbhUyAditi yAche punaH punaH || 28||
manasA vapuShA vAchA nAnyaM yena samAshraye |
tathA mAM kuru kalyANa shrIman shyAma manohara || 29||
vihAya sakalaM vishvaM vishveshAnapi sarvashaH |
tyAmevAhaM prapanno.asmi tvameva paramA gatiH || 30||
vR^indAraNye taraNitanayAtIraje divyaku~nje
      pIThe chintAmaNivaramaye veNumApUrayantam |
nIlAmbhodadyutimanupamaM pItavAso vasAnaM
      vande muktAbharaNakusumairbhUShitaM nandanandam || 31||
stavarAjamimaM puNyaM shrIkR^iShNasya parAtmanaH |
bhagavAn bhajato.amuShya vashyo bhavati bhUtale || 32||

iti shrIshANDilyasaMhitAyAM pa~nchame bhaktikhaNDe stotranirUpaNaM
            nAma ShoDasho.adhyAye shrIgopAlastavarAjaH sampUrNaH |

##
Proofread by Manish Gavkar

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}