% Text title            : Govindam Adipurusham Stotram
% File name             : govindamAdipuruShastotram.itx
% Category              : vishhnu, krishna, stotra
% Location              : doc\_vishhnu
% Description/comments  : brahmasaMhitA 5\.1,\.29-56
% Latest update         : October 17, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Govindam AdipuruSham Stotram ..}##
\itxtitle{.. govindamAdipuruShastotram ..}##\endtitles ##
(brahmasaMhitAntargatam)
IshvaraH paramaH kR^iShNaH sachchidAnandavigrahaH |
anAdirAdirgovindaH sarvakAraNakAraNam || 1|| (1)

chintAmaNiprakarasadmasu  kalpavR^ikSha\-
lakShAvR^iteShu  surabhIrabhipAlayantam |
lakShmIsahasrashatasambhramasevyamAnaM
govindamAdipuruShaM tamahaM bhajAmi || 2|| (29)

veNuM kvaNantamaravindadalAyatAkShaM
barhAvataMsamasitAmbudasundarA~Ngam |
kandarpakoTikamanIyavisheShashobhaM
govindamAdipuruShaM tamahaM bhajAmi || 3||
AlolachandrakalasadvanamAlyavaMshI\-
ratnA~NgadaM praNayakelikalAvilAsam |
shyAmaM tribha~NgalalitaM niyataprakAshaM
govindamAdipuruShaM tamahaM bhajAmi || 4||
a~NgAni yasya sakalendriyavR^ittimanti
pashyanti pAnti kalayanti chiraM jaganti |
Anandachinmayasadujjvalavigrahasya
govindamAdipuruShaM tamahaM bhajAmi || 5||
advaitamachyutamanAdimanantarUpaM
AdyaM purANapuruShaM navayauvanaM cha |
vedeShu durlabhamadurlabhamAtmabhaktau
govindamAdipuruShaM tamahaM bhajAmi || 6||
panthAstu koTishatavatsarasampragamyo
vAyorathApi manaso munipu~NgavAnAm |
so.apyasti yatprapadasImnyavichintya tattve
govindamAdipuruShaM tamahaM bhajAmi || 7||
eko.apyasau rachayituM jagadaNDakoTiM
yachChaktirasti jagadaNDachaye yadantaH |
aNDAntarasthaparamANuchayAntarasthaM
govindamAdipuruShaM tamahaM bhajAmi || 8||
yadbhAvabhAvitadhiyo manujAstathaiva
samprApyarUpamahimAsanayAnabhUShAH |
sUktairyameva nigamaprathitaiH stuvanti
govindamAdipuruShaM tamahaM bhajAmi || 9||
AnandachinmayarasapratibhAvitAbhi\-
stAbhirya eva nijarUpatayA kalAbhiH |
goloka eva nivasatyakhilAtmabhUto
govindamAdipuruShaM tamahaM bhajAmi || 10||
premA~njanachChuritabhaktivilochanena
santaH sadaiva hR^idayeShu vilokayanti |
yaM shyAmasundaramachintyaguNasvarUpaM
govindamAdipuruShaM tamahaM bhajAmi || 11||
rAmAdi mUrtiShu kalAniyamena tiShThan
nAnAvatAramakarodbhuvaneShu kintu |
kR^iShNaH svayaM samabhavat paramaH pumAn yo
govindamAdipuruShaM tamahaM bhajAmi || 12||
yasya prabhA prabhavato jagadaNDakoTi\-
koTiShvasheShavasudhAdivibhUtibhinnam |
tadbrahma niShkalamanantamasheShabhUtaM
govindamAdipuruShaM tamahaM bhajAmi || 13||
mAyA hi yasya jagadaNDashatAni sUte
traiguNyatadviShayavedavitAyamAnA |
sattvAvalambiparasattvavishuddhasattvaM
govindamAdipuruShaM tamahaM bhajAmi || 14||
AnandachinmayarasAtmakatayA manaHsu
yaH prANinAM pratiphalaM smaratAmupetya |
lIlAyitena bhuvanAni jayatyajasraM
govindamAdipuruShaM tamahaM bhajAmi || 15||
golokanAmni nijadhAmni tale cha tasya
devi maheshaharidhAmasu teShu teShu |
te te prabhAvanichayA vihitAshcha yena
govindamAdipuruShaM tamahaM bhajAmi || 16||
sR^iShTisthitipralayasAdhanashaktirekA
ChAyeva yasya bhuvanAni bibharti durgA |
ichChAnurUpamapi yasya cha cheShTate sA
govindamAdipuruShaM tamahaM bhajAmi || 17||
kShIraM yathA dadhivikAravisheShayogAt
sa~njAyate nahi tataH pR^ithagasti hetoH |
yatsambhUtamapi tathA samupaiti kAryAd
govindamAdipuruShaM tamahaM bhajAmi || 18||
dIpArchireva hi dashAntaramabhyupetya
dIpAyate vivR^itahetusamAnadharmA .
yastAdR^igeva hi cha viShNutayA vibhAti
govindamAdipuruShaM tamahaM bhajAmi || 19||
yaH kAraNArNavajale bhajati sma yoga\-
nidrAmanantajagadaNDasaromakUpaH |
AdhArashaktimavalambya paraM svamUrtiM
govindamAdipuruShaM tamahaM bhajAmi || 20||
yasyaikaniHshvasitakAlamathAvalambya
jIvanti lomavilajA jagadaNDanAthAH |
viShNurmahAn sa iha yasya kalAvisheSho
govindamAdipuruShaM tamahaM bhajAmi || 21||
bhAsvAnyathAshmashakaleShu nijeShu tejaH
svIyaM kiyatprakaTayatyapi tadvadatra |
brahmA ya eSha jagadaNDavidhAnakartA
govindamAdipuruShaM tamahaM bhajAmi || 22||
yatpAdapallavayugaM vinidhAya kumbha\-
dvandve praNAmasamaye sa gaNAdhirAjaH |
vighnAnvihantumalamasyajagattrayasya
govindamAdipuruShaM tamahaM bhajAmi || 23||
agnirmahIgaganamambumaruddishAshcha
kAlastathAtmamanasIti jagattrayANi |
yasmAtbhavanti vibhavanti vishanti yaM cha
govindamAdipuruShaM tamahaM bhajAmi || 24||
yachchakShureSha savitA sakalagrahANAM
rAjA samastasuramUrtirasheShatejaH |
yasyAj~nayA bhramati sambhR^itakAlachakro
govindamAdipuruShaM tamahaM bhajAmi || 25||
dharmo.atha pApanichayaH shrutayastapAMsi
brahmAdikITapaTagavAdayashcha jIvAH |
yaddattamAtravibhavaprakaTaprabhAvA
govindamAdipuruShaM tamahaM bhajAmi || 26||
yastvindragopamathavendramaho svakarma\-
bandhAnurUpaphalabhAjanamAtanoti |
karmANi nirdahati kintu cha bhaktibhAjAM
govindamAdipuruShaM tamahaM bhajAmi || 27||
yaM krodhakAmasahajapraNayAdibhIti\-
vAtsalyamohagurugauravasevyabhAvaiH |
sa~nchintya tasya sadR^ishIM tanumApurete
govindamAdipuruShaM tamahaM bhajAmi || 28|| (55)

shriyaH kAntAH kAntaH paramapuruShaH kalpataravo
drumA bhUmishchintAmaNigaNamayi toyamamR^itam |
kathA gAnaM nATyaM gamanamapi vaMshI priyasakhi
chidAnandaM jyotiH paramapi tadAsvAdyamapi cha |
sa yatra kShIrAbdhiH sravati surabhIbhyashcha sumahAn
nimeShArdhAkhyo vA vrajati na hi yatrApi samayaH |
bhaje shvetadvIpaM tamahamiha golokamiti yaM
vidantaste santaH kShitiviralachArAH katipaye || 29|| (56)

iti govindamAdipuruShastotraM sampUrNam |

##
The numbers in parenthesis correspond
to verse numbers in the 5th chapter
of the Brahmasamhita.

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}