% Text title            : guruvAyupureshvarAShTottarashatanAmastotram
% File name             : guruvAyupureshvarAShTottarashatanAmastotram.itx
% Category              : vishhnu, aShTottarashatanAma
% Location              : doc\_vishhnu
% Proofread by          : Aruna Narayanan narayanan.aruna at gmail.com, PSA Easwaran
% Latest update         : November 29, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Guruvayupureshvara Ashtottarashatanama Stotraratnam ..}##
\itxtitle{.. shrIguruvAyupureshvarAShTottarashatanAmastotraratnam ..}##\endtitles ##
shrIvidyArAjagopAlAbhidhashrImahAvaikuNTheshvarasvarUpa
shrIguruvAyupureshvarAShTottarashatanAmastotraratnam ||
pArvatyuvAcha \-
devadeva mahAdeva mahAvaiShNavatallaja |
jIvavAtapureshasya mAhAtmyamakhilaM tvayA || 1||
mantratantrarahasyADhyaiH sahasrAdhikanAmabhiH |
adya me premabhAreNopanyastamidamadbhutam || 2||
mahAvaikuNThanAthasya prabhAvamakhilaM prabho |
sa~NgraheNa shrotumadya tvarAyuktAsmyahaM prabho || 3||
yasya shravaNamAtreNa jIvavR^indeShu sarvataH |
nAtikR^ichChreNa yatnena laseyuH sarvasiddhayaH || 4||
tAdR^ishaM sulabhaM stotraM shrotumichChAmi tvanmukhAt |
Ishvara uvAcha \-
mahAdevi shive bhadre jIvavAtapureshituH || 5||
mAhAtmyavAridhau magnaH pUrayAmi tvadIpsitam |
pUrvaM yannAmasAhasraM tasya devasya bhAShitam || 6||
tasyAdau vijR^imbhamANairaShTAdhikashatena tu |
nAmabhirnirmitaM stotraM sarvasiddhividhAyakam || 7||
paThituM nAmasAhasraM ashaktAH santi ye shive |
teShAmarthe stotrametatsa~NgR^ihItaM phalapradam || 8||
anukUlau deshakAlau yasya sto jagatIha tu |
paThitavyaM tena nAmasAhasraM yatnataH shive || 9||
AlasyadUShite chitte vishvAsarahite tathA |
guruvAtapureshasya na hi mUrtiH prasIdati || 10||
guroranyatra vishvAsI tathA vAtapureshituH |
kathametatphalaM proktaM yathAvadadhigachChati || 11||
eka eva gururyasya vaikuNTho yasya daivatam |
tasya bhaktasya nUnaM hi stotrametatphaliShyati || 12||
adya te devi vakShyAmi nAmnAmaShTottaraM shatam |
stotrarAjamimaM puNyaM sAvadhAnamanAH shR^iNu || 13||
stotrasyAsya R^iShiH prokto dakShiNAmUrtirIshvaraH |
Chando.anuShTup tathA devo guruvAyupureshvaraH || 14||
ramAshaktismarairbIjaiH bIjashaktI cha kIlakam |
dharmArthakAmamokSheShu viniyogaH prakIrtitaH || 15||
mUlamantrasya ShaDbhAgaiH karA~NganyAsamAcharet |
mahAvaikuNTharUpeNa dhyAtavyAtra hi devatA || 16||
indranIlasamachChAyaM pItAmbaradharaM harim |
sha~NkhachakragadApadmairlasadbAhuM vichintayet || 17||

dhyAnam \-
kShIrAmbhodhisthakalpadrumavanavilasadratnayu~NmaNTapAntaH
sha~NkhaM chakraM prasUnaM kusumasharachayaM chekShukodaNDapAshau |
hastAgrairdhArayantaM sR^iNimapi cha gadAM bhUramA.a.ali~NgitaM taM
dhyAyetsindUrakAntiM vidhimukhavibudhairIDyamAnaM mukundam ||

atha aShTottarashatanAmastotram |
mahAvaikuNThanAthAkhyo mahAnArAyaNAbhidhaH |
tArashrIshaktikandarpachaturbIjakashobhitaH || 19||
gopAlasundarIrUpaH shrIvidyAmantravigrahaH |
ramAbIjasamArambho hR^illekhAsamala~NkR^itaH || 20||
mArabIjasamAyukto vANIbIjasamanvitaH |
parAbIjasamArAdhyo mInaketanabIjakaH || 21||
tArashaktiramAyuktaH kR^iShNAyapadapUjitaH |
kAdividyAdyakUTADhyo govindAyapadapriyaH || 22||
kAmarAjAkhyakUTesho gopIjanasubhAShitaH |
vallabhAyapadaprItaH shaktikUTavijR^imbhitaH || 23||
vahnijAyAsamAyuktaH parAvA~NmadanapriyaH |
mAyAramAsusampUrNo mantrarAjakalevaraH || 24||
dvAdashAvR^itichakresho yantrarAjasharIrakaH |
piNDagopAlabIjADhyaH sarvamohanachakragaH || 25||
ShaDakSharImantrarUpo mantrAtmarasakoNagaH |
pa~nchA~NgakamanuprItaH sandhichakrasamarchitaH || 26||
aShTAkSharImantrarUpo mahiShyaShTakasevitaH |
ShoDashAkSharamantrAtmA kalAnidhikalArchitaH || 27||
aShTAdashAkSharIrUpo.aShTAdashadalapUjitaH |
chaturviMshativarNAtmagAyatrImanusevitaH || 28||
chaturviMshatinAmAtmashaktivR^indaniShevitaH |
klI~NkArabIjamadhyasthaH kAmavIthIprapUjitaH || 29||
dvAtriMshadakSharArUDho dvAtriMshadbhaktasevitaH |
piNDagopAlamadhyasthaH piNDagopAlavIthigaH || 30||
varNamAlAsvarUpADhyo mAtR^ikAvIthimadhyagaH |
pAshA~NkushadvibIjasthaH shaktipAshasvarUpakaH || 31||
pAshA~NkushIyachakresho devendrAdiprapUjitaH |
likhito bhUrjapatrAdau kramArAdhitavaibhavaH || 32||
UrdhvarekhAsamAyukto nimnarekhApratiShThitaH |
sampUrNamerurUpeNa sampUjito.akhilapradaH || 33
mantrAtmavarNamAlAbhiH samyakshobhitachakrarAT |
shrIchakrabindumadhyasthayantrasaMrATsvarUpakaH || 34||
kAmadharmArtharphaladaH shatrudasyunivArakaH |
kIrtikAntidhanArogyarakShAshrIvijayapradaH || 35||
putrapautrapradaH sarvabhUtavetAlanAshanaH
kAsApasmArakuShThAdisarvarogavinAshakaH || 36||
tvagAdidhAtusambaddhasarvAmayachikitsakaH |
DAkinyAdisvarUpeNa saptadhAtuShu niShThitaH || 37||
smR^itimAtreNAShTalakShmIvishrANanavishAradaH |
shrutimaulisamArAdhyamahApAdukalevaraH || 38||
mahApadAvanImadhyaramAdiShoDashIdvikaH |
ramAdiShoDashIyuktarAjagopadvayAnvitaH || 39||
shrIrAjagopamadhyasthamahAnArAyaNadvikaH |
nArAyaNadvayAlIDhamahAnR^isiMharUpakaH || 40||
laghurUpamahApAduH mahAmahAsupAdukaH |
mahApadAvanIdhyAnasarvasiddhivilAsakaH || 41||
mahApadAvanInyAsashatAdhikakalAShTakaH |
paramAnandalaharIsamArabdhakalAnvitaH || 42||
shatAdhikakalAntodyachChrImachcharaNavaibhavaH |
shira\-AdibrahmarandhrasthAnanyastakalAvaliH || 43||
indranIlasamachChAyaH sUryaspardhikirITakaH |
aShTamIchandravibhrAjadalikasthalashobhitaH || 44||
kastUrItilakodbhAsI kAruNyAkulanetrakaH |
mandahAsamanohArI navachampakanAsikaH || 45||
makarakuNDaladvandvasaMshobhitakapolakaH |
shrIvatsA~NkitavakShaHshrIH vanamAlAvirAjitaH || 46||
dakShiNoraH pradeshasthaparAha~NkR^itirAjitaH |
AkAshavatkrashiShThashrImadhyavallIvirAjitaH || 47||
sha~NkhachakragadApadmasaMrAjitachaturbhujaH |
keyUrA~NgadabhUShADhyaH ka~NkaNAlimanoharaH || 48||
navaratnaprabhApu~njachChuritA~NgulibhUShaNaH |
gulphAvadhikasaMshobhipItachelaprabhAnvitaH || 49||
ki~NkiNInAdasaMrAjatkA~nchIbhUShaNashobhitaH |
vishvakShobhakarashrIkamasR^iNorudvayAnvitaH || 50||
indranIlAshmaniShpannasampuTAkR^itijAnukaH |
smaratUNAbhalakShmIkaja~NghAdvayavirAjitaH || 51||
mAMsalagulphalakShmIko mahAsaubhAgyasaMyutaH |
hrIM~NkAratattvasambodhinUpuradvayarAjitaH || 52||
AdikUrmAvatArashrIjayiShNuprapadAnvitaH |
namajjanatamovR^indavidhvaMsakapadadvayaH || 53||
nakhajyotsnAlishaishiryaparavidyAprakAshakaH |
raktashuklaprabhAmishrapAdukAdvayavaibhavaH || 54||
dayAguNamahAvArdhirguruvAyupureshvaraH |

phalashrutiH \-
ityevaM kathitaM devi nAmnAmaShTottaraM shatam || 55||
guruvAyupureshasya sarvasiddhividhAyakam |
kR^iShNAShTamIsamArabdhamAsenaikena siddhidam || 56||
kR^iShNAShTamIM samArabhya yAvadanyA.asitA.aShTamI |
tAvatkAlaM stotrametat pratyahaM shatashaH paThet || 57||
mAtR^ikApuTitaM kR^itvA hitvA.a.alasyaM suma~Ngale |
ekAntabhaktiyukto hi guruvAyupureshvare || 58||
jIvanneva sa bhaktAgryo mAdhavAdhiShThito bhavet |
taptakA~nchanagaure hi tachCharIre sadA lasan || 59||
guruvAyupurAdhIsho.adbhutAni hi kariShyati |
ata AvAM maheshAni gachChAvaH sharaNaM hi tam || 60||
kAruNyamUrtimIshAnaM guruvAyupureshvaram |
uDDAmareshatantre.asmin paTale kShiprasAdhane || 61||
mahAvaikuNThanAthasya guruvAyupureshituH |
aShTottarashataM nAmnAM sarvasiddhivilAsakam |
adhyAyaM saptamaM pUrNamavadAtaM karotyume || 62||

iti shrIguruvAyupureshvarAShTottarashatanAmastotraratnaM sampUrNam |

 || shubham ||
##
Proofread by Aruna Narayanan narayanan.aruna at gmail.com, PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}